منتديات الـــود - الفية الغبه

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

السلام عليكم ورحمة الله وبركاته

اعتذر من احبتي عن انقطاعي السابق , واضع بين ايديك هذه
الالفيه , وهي نصيحه لكل من وقعت عينه عليها .......

الف واولف لي بيوت جدادا=منسوجة نسج الحكيم الستادا
حرف زمرد .. حرف لولو وفيروز=وحرف من الجوهربزاهي قلادا

والباباسم من يعلم السر والغيب=جبت البيوت الناصعه بالمواجيب
لصحابنا منقع هل الجود والطيب=وابدي النصايح والنصايح تعادا

والتاتجنبك الحسوفات بسكات=وقول الخطايحدث بالافكار ضيقات
واياك لاتندم على فايت فات=اصلح ويغفر لك اله العبادا

والثاثمودوعاد مروا كما غيث=وحنا وراهم ماوراهم ملابيث
وانصحك واللي بالدنايامشابيث=الموت حسه بالبريات نادا

والجيم جنب عن دروب المعاويج=ولايغرك ضحك زين المفاليج
يصير مفتاحك وقلبك مزاليج=تبلى بهم ومشكلات عنادا

والحاحليل اللي مع الناس مرتاح=ولايحسب للخساير والارباح
لاهوب مذبوح ولاهوب ذباح=واللي جرى للناس منه استفادا

والخا خلي القلب قلبه ملخلخ=كثير نوم وبالمجالس متختخ
تسمع شخيره بالقوايل يفخفخ=قلبه براحات وحزوم وبيادا

والدال در بالك لجمع الفوايد=ولاتتساهل مطلب الزين كايد
مال العوايد غير راع العوايد=ودايم تزود والامر بالزيادا

والذال ذل بطاعة الله تلوذ=ومن منهج الشيطان دايم تعوذ
والربل ماقرقص ولاهو تحوذ=في جنة الفردوس قصرك يشادا

والرا ربيب الزور والكذب خاسر=مادام هو في غيبة الناس باذر
ولاهو من شرور البلاوي يحاذر=الله يرده قبل نطق الايادا

والزا زويت القاف والقلب منحوز=وسيف المحبه داخل القلب مغروز
طلعه وحظي صارفيهاقشر موز=الله يوفقني صلاح وسدادا

والسين سلم لي على طيب الناس=اللي لهم بالدين منهج ونبراس
ولايطاوع شور غاوي وبلاس=نور الوطن هذا ونور البلادا

والشين شبت وشفت مايدوش ادواش=ماعاد اميز بين مخلص وغشاش
تشوف شخصيه وهندام وقماش=جهام رجل فيه كومة رمادا

والصادصد النفس عن كل منقاص=وبالك وتعطي خايب الناس مفراص
اللي لزلات المصدين قناص=ويدور الفتنه وقدح الزنادا

والضاد ضيم الحر اكبرغمايض=لصار لامخطي ولابه نقايض
ومصلي كل السنن والفرايض=لاتنوصف مثل الجمل والقرادا

والطا طبع محمل كثير الخرابيط=اللي حباله في هباله مرابيط
ترى الحكم عند الرجال المسابيط=اللي بتطليع الحكاوي هوادا

والظاد ظن الخير بين الملافيظ=وخلك مفتح من زحول محافيظ
ولايغرك من شليله منافيظ=لاجالعقده زادها بانعقادا

والعين عينك لاتناظر مداليع=ولاتمقل بالبنات المفاريع
لاتلحق النظره بنظره تتابيع=الاوله لك والتوالي فسادا

والغين غدر الناس للناس لادغ=وبعض القلوب اسود من الليل صابغ
للقطن ندافن وللجلد دابغ=والهادي الله للهدى والرشادا

والفافديت اللي على الدين وقاف=وقران ربه والاثر ستر ولحاف
حاكم شريعه بالعدل لين وانصاف=ولطاعة الله يمتثل بانقيادا

والقاف قل للكاذب الكذب محاق=وقل للمنافق راعي الفسق ينعاف
وكل الفضايح يوم نشفات الارياق=يوم الصحف تنشر وفيهاالربادا

والكاف كن كريم وافي وفكاك=واعرف ترى في الناس صادق وكلاك
ولايغرك كشخة شماغ واكباك=خضار حرمل لاثمر لاوقادا

واللام لاتشره على صاحب زل=وافرش لضيفك لالفاغالي الزل
واذبح سمينات الغنم والسمن زل=ومن بن صنعا زودوله قنادا

والميم مايقدر على النوم مهموم=ومن ينحرم من لذة الدين محروم
واللي عصاربه ولاطاع منجوم=يعيش هم ومشكلات ونكادا

والنون نهدي للمحبين نصحان=تذكير والاعندهم زود تبيان
درب التناصح بين الاخوان عنوان=عساكم الجنه نعيم وبرادا

والهاهدانا الله والناس بهداه=ويسرلنا القران حفظه ومعناه
وسنة نبي الحق مع شرح ورواه=ونحكم بحق ولازمين الحيادا

والواو وين اللي على العد روو=شدوا ومدوا واستمدوا وطوو
ياليت ندري ياعرب ويش سوو=حكم العمل مامن وراهم نشادا

اليا يقول اللي للاشعار باني=ماهاض فكري ترجمة ترجماني
ثلاثة اصابع ويملي لساني=وارجي السموحه من قصور ونفادا

وصلاة ربي ماسجع ساجع الطير=على النبي واله الغر المناوير
وصحبه وتابعهم ومن يتبع بخير=عدالبشر عدالحجر والجرادا

وسلامتكم

الغبه
[/poet]