منتديات الـــود - أتركوني هنا........حتى أموت هنا...

ياللي تبي تعرف اسراري وعنواني*** الضيق وأمواج اللوعه..... عناويني
وإن كان ودّك تدّورني وتلقـــــــاني *** في كل شاطي حزن يمكن تــــلاقيني
يكتبني بحر الحزن والضيقات تقراني *** والناس من شرهة احزاني تغنيني
أجامل الصبر والأيام تعصاني *** بالله قل لي وش اللــــــــــــي معجبك فيني
فقير.. يوم أن عز النفس مااغناني *** لو قلت للفقر : عـــز النفس مغنيني
كم واحد ماشتمته لجل مااعطاني *** وكـــــــــــم واحد مامدحته لجل يعطيني
يقلقني الذنب لامنّه تـــــــغشـــاني *** يالله من الذنــــب والغــــــفلة تنجيني
ماهو بدايم يصير لساني أحصاني *** كـــــــم زلةً من لساني صدق تشقيني

من صغر سني وانا هالحزن يبراني *** واليوم عمري قرّب ياصل الثلاثيني

صحيح ماني بمثل أبوي وأخواني *** لكن هقاوي بنفسي نوب تـــــغويني
ماأمــــدّ كفي....... لكف ماتمناني *** ولا أسج رجلي ببحرآ مايـــــوديني
مو كذب لكن تجمل بعض الأحياني ** يوم أن هالكذب صــاير شي روتيني
أما اتعذر من صديق حيل يبغانــــي ** او استره عيبي اللي فيّ كــــــــاسيني
فـ ظروف أصّرف عزيز ماتناساني ** وأدور اللي يصرفنــــــــــــي وينفيني

أعرف نبات الجــفا...بوجيه عدوانـــي **** واعرف علو العلا في اللي مواليني
واقسى طعوني تجي من صوب صدقاني ** أقسى من اطعوني اللي من عدويني
كم مرةً ..........مات دمعي داخل اجفاني **** وكم مرةً ....أتفه الأسباب تبكيني
كذاب لـو قـلت شعري يــوم مـــــااشقاني ** أحيان يسرق منامي من جفن عيني

هذا أعترافي وأنا ماني بندماني**** ممكن أبصم ... او توقيعي بالمنتدى يكفيني

دعوني هنا .........!!
أسير