|
كاااافي عبوس يامناحيس!!!!
.....انا جيت (( ياشين الواثق بنفسه)) مين انا((على بالي الحيطه))..... المهم ابي اخذ من وقتكم الثمين قصدي السمين كم دقيقه اللي يبينا بهذرتنا اللي مايبي مايبيلها ((حركة اصبع خفيفه وهو على الصفحه الثانيه)) مساعده شي ترانا بلخدمه ههههههه المهم مانبي نكثر حكي ابتسموا.. اقول ابتسموا شكلكم ماسمعتم ولا ماودكم ياساتر ياسبحان الله العالم فيه عبر كثيره الواحد يحمد ربه ليل ونهار.. اذكر ذاك اليوم ونا طالعه المدرسه مع الوالد الله يطول في عمره قولو امين وش فيكم معبسين كذا المهم قلنا نشوف خلق الله كيف نفوسهم الصبح يالله صباح خير الواحد يقول لااله الاالله وذولا مدري وش يقولون نفوسهم في خشومهم وشياطينهم فوق روسهم وعند الاشاره انطقي يافاره وجيه معبسه.. لايفوتكم عبوس ومتعوس وحظك يالمنحوس والله لو برسم لهم ابتسامه على الهواء مستحيل تضبط فكوها ياناس يكفي عقدتوها زيادة واللي يبتسم الله يعينه اكيد مو صاحي على الصبح مبسوط ويبتسم والله نخاف عليه من العين كثير.... يقولون الحمدلله كانه مسوي جريمه.. مروق فاضي اذا ماروق الصبح متى يروق لا واللي يقولك لا تكلمني انا توني صاحي من النوم تراها واصله لهنا .. ياشيخ لو توصل للارض وش بتسوي يعني؟ الله يخلف على العقول.. ذي من جد ناس غريبه واطباع غريبه بعد الابتسامه سحر خطير ومثير يخليك فوق تطير بس ابتسامه من القلب مب صفراء يعني وراها شئ وحركات ولا بلاستيكيه ومطاطه لاطعم لالون شاي لبتون احسن منها.. الابتسامه صدقه تخيلو كل يوم ودقيقه واحنا نوزع صدقات.. والله حرام شوفو عيالنا اولادنا اهلنا ناسنا اصحابنا زملانا صارو يخافون مننا اذا رجعنا من مدارسنا اعمالنا اذا دخلنا عليهم وحنامادين البوز عشرين متر كل واحد يدخل غرفته ويقفل عليه باب الغرفه والناس بحريقه وشلي واشلهم..... انتم جربوا قدام المرايا شوفو وجيهكم معبسه ((المرايا بتنكسر)) وبتكرهون وجيهكم وبعدين شوفوها مبتسمه بتحمدون ربكم على النعمه وبتحطون كل البيت مرايا (( حركه صح بس من يعرف)) ههههههه الابتسامه سحر القلوب الابتسامه تكسب الناس وتكسب حبهم واحترامهم شوفو المحلات في المراكز التجاريه اقطع يدي الامستحيل يوظفون واحد مايبتسم هذا شرط في اكثر الوظائف حسن المظهر والابتسامه حتى بالتلفزيون قد طلع واحد مكشر مستحيل كان رفسوه.. حتى المدير والمديره في الاداره ندخل عليهم نحصلهم في كامل اناقتهم وماينسون بعد الابتسامه الابتسامه شرط اساسي في مجال العمل وفي كل المجالات. (((((((((((((((((( طيب وبيوتنا مالها رب)))))))))))))))))) في بيوتنا معدومه وبيننا مهدومه مافي احد يبني واذا بنينا حطمونا اذا ابتسمنا قالو منتم بصاحين مجانين مادرو ان الابتسامه للصاحي والمجنون.. الابتسامه نعمه كبيره كافي عبوس الناس ملت من المنحوس وحنا بعد ملينا ابتسموافي كل مكان في الشارع في البيت للي تعرفه واللي ماتعرفه اعمل خير والابتسامه فيها كل خير. |
http://reema20032003.jeeran.com/ValRosesbarF.gif السلام عليكم ورحمة الله وبركاته اسعد الله مسائك اخي العزيز سامر بالخير والمسرات صدقت وصدق كل حرف كتبته هنا اقتباس:
وماشاء الله عليك بدايتك قويه لا تحرمنا من مداد قلمك ونحن في انتظار جديدك القادم تقبل تحياتى ووافر تقديرى لمساهمتك وجعل الله كل ايامك مزهره معطره مع اطيب المنى اختك بالله شووق http://reema20032003.jeeran.com/ValRosesbarF.gif |
تسلمين شووق هذا ان دل على شيئ فهو يدل على طيب اصلك واخلاقك العاليه وذوقك الرفيع مشكوره على المرور على الموضوع ماننحرم من نصائحك وتعليقاتك مشكوووووره اخت شووق ماننحرم يارب تقبلي صادق تحياتي واحترامي اخوك في الله سامر |
| الساعة الآن 10:32 PM. |