منتديات الـــود - مزنه والورعان السبعه

مــزنه والورعان السبعه <تكفون اقروه لاتفشلوني>

": :"
ســلا1111م ياعضوات هذا موضوعي الثاني وانشاءالله تقرونه ويعجبكم
وبعد طول انتظاار رجعت لكم وفي جعبتي حكايه<<<اقول الفقيها من بس جاب خبرتس.
كان يامكان في قديم الزمان في سالف العصر ولاوان
كان اللي كان في يوم من الايام كنت اجمع اعواد الثقاب <<<وش تبي ذي اخلصي
عفوا اقصد اعواد الحطب لاني كنت اعيش في الريف <<<امحق
وازهاره الملونه ووروده الحمراء الغامقه <<<وش دخل ابو ذي الكلمه
المهم: اني كنت اشعر بالبرد لان كنا في البرد القارص <<<احلى يابرد ياقارص بس حنا عكسهم حر قارص وعععع <<<احلفي
المهم اني كنت اعيش بلحالي في الكوخ الصغيربجانب النهر الطويل<<<يازين الوصف بس. يعني مقطوعه من شجره كنت امشي وتذكر الماضي القديم يومني كنت بلحاره القديمه مع البنات <<<مدري ليش اهلنا كانوا يطلعونا من زمان اما الحين فلا لا . بس وانا اتذكر سمعت صوت يصيح <<<شلون ذي
اقصد صوت ورع يصيح انا رحمته ودبت العواطف في قلبي الكبيرا لمهم انا ادور الصوت بس مالقيته الا بجانب النهر اللي طوله بعرضه والقيت ذاك الورع اللي ماتجاوز التاسعة من عمره <<<احلى يالغه ياعربي انتي .
المهم اني شفت في وجهه زي الغبار والوسخ وبعدين شقلته معي للكوخ وحممته ونظفته طلع حلو وابيض على اصفروقلت ابغى اربيه واخليه عندي على الاقل يونسني وسمعت صوت صغيرو حلو واثر الصوت صاادر من الورع كان يقولي : وش تبين مني ياوصخه ياحراميه قلتله في عصبيه: انا وصخه ياالوصخ يااللي ماربتك امك قالي بحزن : انا مااحب امي لانها تضربني وودتني هنا وهي راحت للبيت وهي خلاص ماعدت تبيني لان عندها غيري جيش بزران وتقولي انت اهدء واحد بوديك في مكان عشان ماتصير موذي ومزعج مثلهم انا رفضت بأصرار بس هي ازعمت بأصرار وصار اصرارها اقوى من اصراري ورمتني زي الطرار هنا <<<ماتلحظون انا الولد عنده ثقافه في الكلام.
المهم قلتله بخبث: امك ذي تحبك لازم تحبها وهي مارجمتك وكبتك هنا الا لمصلحه لك وهي انك ماتصير مزعج وموذي قالي بحزم : لا خلاص ماعاد ابيها واللي مايبيني ماابيه ماابيه<<<بغي يقلبها اغنيه. لاتحاولين معاي انا بجلس فيذا واساعدتس واحميتس من الوحوش الكاسره والذئاب الجائعه والحيوانات المفترسه الشرسه قلتله طيب انت وش اسمك ياشاطر قال لي : اسمي متعب قلت لاعاد اسمك متعب بس اسمك مهب مناسب لك قالي: ليش قلت: عظك الجحيش لانك حمار في الجيش قالي بتعجب: وش تخربطين به يامره قلت له مصححه : لا لا امزح بس اسمك متعب وانت شكلك مهب متعب وكثير حركه لا انت تحب تسولف وسواليفك حلوه وانت بعد يعني مايناسبك ذا الاسم قالي : هذا اسمي وعاجبني قلت له ليش مااسميك منير لان وجهك اصفر تقل لمبه قال لالا من متعب الا منير وش قالولتس سوري ولا مصري ولالبناني قلت لا محد قالي وجهك اللي قالي قال: لا انا منيب موافق قلت له بكيفك عاد هذا اسمك وانت حر فيه يله امش نروح ننام وفي الصباح رباح يعم به الاصلاح
جاء الصباح المبتسم على عجل ولحقته الشمس بخيوطها الذهبيه ودخلت الى شرفة كوخي الصغير<<<والله من تأثير الروايات
المهم اني قمت فركت عيوني ورحت اسوي الفطور<<<وعععع ماغسلت وجهها ولاشيء. بعدين طلعت برا اتنفه بجو الريف الرائع<<<الله الله على التعبير ولاااكاتبه
وانا اللي اسمع صوت يصيح ومتقطع ومنتهي وادور الصوت لقيت ورعه<<<ماتصلح. بعمر الزهور عمرها 8 سنين وحلوه وطويله شوي اللي يشوفها يقول عمرها تسع طعش لا لا قصدي تسع سنوات ومملوحه انا طمئنتها وقلت انتي في امان الحين انتي وش جابتس هنا قالت بألم : امي وابوي كانوا معي هنا بس جاهم
الاسد وكلاهم وقلت لها وانت وين كنتي قالت كنت اجمع الفلور<<<دارسه الابتدائي في اهليه. طارت عيوني من مكانها ورجعت ولله الحمد قلت بتعجب: فلور!<<<لا تلوموني بنت الريف وش يعرفني بعد. قالت ايه اجمع الورود عشان اعطيها ماما وبابابس ياحسافه طول المسافه اخرتني عنهم<<<يمديكم. ولقيت دمهم قلت لها متفاعله : لاتخافين يا حلوه بسكنتس عندي انتي شسمتس ياأموره قالت اسمي رقيه قلت متفاجئه: رقيه! قالت : ايه على اسم جدتي المرحومه حلو صح قلت لها : صح انه حلوبس مايناسبتس قالت ليش قلت بس المفروض يكون اسمتس دلع شكلتس يقول قالت دلع! انا دلوعة ماما وبابا بس قلت انا: ايه المهم انه عاجبتس وبعد قليل من حيواري انا ودلع قصدي رقيه جاء الورع متعب ومعه ثلاث ورعان اللي هم سعد 11سنه ومفلح 10 سنوات وأوس 12 سنه قلت لمتعب من وين جبت هذولا الوجوه الكريمه قال اهلهم رجموهم عند النهر معاد لهم رغبه فيهم قلت حصيان هم علشان ينرجمون بس يله الفطور جاهز على حظكم لما كلوا وشربوا وخلصوا اقترحت عليهم اقتراح واللي هو ان انا نتنزه في وسط الغابه وخذت بعض الاحتياجات وخذت بعد شطائر بالجبنه<<<والله من تأثير افلام الكرتون.وحنا نتمشى لقينا ورعين تأهين بوسط هذه الغابه المشؤمه واحد اسمه شادي8 سنوات ورائد 9سنوات والان اصبحوا سبع ورعان في ذات ليله وكنا رقود على فرشنا سمعنا صوتا يقول: عوووووووعوووووو
انا انهبلت ورقيه قام وجها يتلون من الخوف والورعان كلهم خافوا وكلهم معهم
بنادق الا شادي معه جزمته كسلاح <<الله يكرمكم >> اما هو ضحكني قلتله ياورع ياشادي ليش رافع جزمتك تبي تطق الذيب قال لا بس عشان ماتقولون اني ماجبت معي شي<<<فاهم السالفه: غلط.المهم كثرت الاصوات المخيفه وانا اللي اركض من مرقدي واسكر الدريشه وقلت يا ورعان هذا الزمان يله ننقض عليهم قبل ماينقضون هم علينا ياورعان في هذا المكان يجب علينا ان نتحد ونغلب من يعادينا من الاشرار <<<وش تبي تبي ريال . وطلعت انا والورعاان مادرينا الى بدب هارب يقفز من يمي وانا اللي يشيب شعر راسي بس الفارس الصغير يضرب الدب بجزمته الحديديه

هل عرفتم من هو هذا الفارس انه شادي هل تعلمون ماذا حدث لدب لقد اغمي عليه اثر الاصابه المحرجه<<<والله لو ان جزمته شوزن . والذئاب بدت تكثر والورعان يطلقون بالبنادق<<<اموت واعرف من وين لهم بالبنادق. وانتصرنا بحول الله وقوته ولما جلسنا بين الذئاب الميته لنرتاح من التعب الذي داهمنا ولكن لا لراح اتى
دب اخر من وراي وفتح فاه اقصد فمه وقبل ان يضع خشته على قمة راسي استيقظت من الحلم الرهيييب بس اني يوم شفت الشمس بخيوطها الذهبيه لاصقه عند دريشتي كأنها تقول افتحي الدريشه هوي الغرفه ويوم رحت افتح الشباك وقعدت اناظر وافرك عيوني واثر جتني لخامه كبر بليس من مين مع العلم ان غرفتي بدور الثاني ؟؟وانا اللي انزل راسي ولقى ابوي تحت بالحوش ويقولي من تناظرين ياالوصخه عندي عماااال
انا قلت لا لا يعني كل ذا حلممممممممم<<<ودهااتكمل الحلم .

تـــــــــــمـــــــــت:
ولله الحمد والمنه

مايســـتفــــاد من الروايــــه:

1-يجب ان لانقرا الروايات كثيرا <<كل حال معي
2- لاتفتحون شبابيكم اول ماتصحون من النوم <<ربما لخامه اونعله اوحصى بس انا جت سليمه
3- احذروا من المواضيع المويصله<<مهب كن موضوعتس اولهم

منـقوله