|
((( موضة الشعار )))
[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]السلام عليكم ورحمة الله وبركاته
اجل واجمل تحياتي للجميع اليكم هذه القصيده وهي عباره عن رأي شخصي من وافقني عليه فحياه الله ومن لم يوافقني عليه فحياه الله والجميع حبايبي وهي بعنوان موضة الشعّار لاشاعرن يبدع درر الا وفيه اشعر = منه ويبدع افضل منه لو كان من كاني لاحضر لابدو لاعجم لابربر = كلن عطاه الله رزقه بحسباني ونقصن ترى بالفتى لامنه زعط يظهر = على الناس متبختر , يقول انا اشعر انساني وان قالها فاكتب على سمعته دحدر = غروره تدهدابه الي قاع قيعاني والناس مثل المرايه تعكس المنظر = حكمك لغيرك يقوله شخص براني شخصن حكيمن فهيمن للحروف ابصر = مخلص حصيف ولا عنصَر لصدقاني مازوم زودٍ على مااستحقه لو بغيت افخر = اركد ونظمي دليلي شوف الاعياني ولو كانها على ظنك يالغبي فالكثير اجدر = فيهم حكيم الصياغه حرف ولساني هذا يقول انا ابوليلى المهلهل وانا عنتر = وهذا يقول انا زلازل وبركاني وهذا يقول الكون كله افره فر = ولااحدن يجاريني على كل ميداني وهذا يقول انا الاسد وسبع الغاب لازمجر = تذعن له الغابه اسودن وغزلاني وذا يقول انا الصواريخ والمدفع ورمح اسمر = واللي يجي حولي ترى يومهم داني واحدن يشوف انه جبل بالربيع اخضر = ماينتج الا عطر عنبر وريحاني تشوفه مغلدم منتفخ ماغير يتدنجر = يومي بمسباحه كما سبلة الضاني وثاني مخوضر ومورق كنه شجرة عشر = لا فيه خيرٍ ولايزرع ببستاني لافيه رعي ولاوقود وسم لو اثمر = ولامقيل بظلها ينفع العاني ودك على جذعها فاسن تجره جر = ولا تثنيها عسى جنسها فاني والله ورطنا في جماعه غشاها ظر = وناسن تمدّح يسلم فلان وفلاني وناسن تقول الشعر الاول كلام اغبر = فاقد طعم من دون نكهه وميزاني وش ابن هادي وبن لعبون وش بندر = وش الهزاني وبن حثلين راكاني وابن سبيل مع العوني وحميدان الاشهر = وابن هويدي وابو دباس وتركي ربيعاني وكثير وكثير مااحصيهم ولا اقدر = وطتهم هروج اللي يبي للعلا شاني وبالعون من هذي ظنونه يشاف احقر = لأنه مريض فاقد الميز فسقاني هذولا فحول الشعر ومندّرين اندر = فنه لهم فضلٍ وحقن وجزياني ارسوا قواعدها على كل سيف وبر = شوف الشواهد كل دفتر وديواني ومن حاول يسوي بحقده فتون وشر = لابد يرجع ناكس الراس خسراني صحيح انت شاعر ونجمك بالورق يزهر = لكن لسانك حصانك والمحجه على الجاني ثبوت الفكر يلزم لسانه بالعقل يقهر = ولا ينطق الا بالحقايق وبرهاني انا استغرب امرك كيف تقدر ولا تقدر = تصوغ در وتغفل الجانب الثاني !!! انصحك وانصح نفسي اول وكل امهر = لا يزعل ان قالوا له الناس غلطاني واللي تمسك بالخطا بعد ماتبهر = عليه الحقايق فالجهل راسخن باني اشوفها موضه وفوضه ومن حوّر = ساروا على نهجه بناتن وشباني وصارت لنا صرعات لاعرافنا تنحر = ومع الاسف تمشي على بعض الاخواني وقولٍ بليا روح في العالمين ابتر = وروحٍ بليا قول احمد وسلماني وصلاتي وتسليمي على المصطفى الاطهر = شفيعنا في الحشر من نسل عدناني والآل والصحب خير البشر وانور = ماناحت الورقا على عوج الاغصاني وسلامتكم [/poet] |
الغبه
صح لسانك على هذه القصيده الرائعه في مضمونها التي تنبذ الغرور
وتكبح جماح المغرور والجاهل بفحول الشعر التي تظمنتهم القصيده اخي اتمنى بان يقراء هذه القصيده الغبه الكثير الكثير لنتفغ بها جميعا نقرة حضوضى |
شاعرنا الكبير - الغبه
لله درك يالغالي دايم كبير بجزل كلماتك رائع مبدع تسلم روحك ويسلم فكرك تقبل تحياتي |
الشاعر الغبه هلابك وهلا وغلا مليون عزيزي قصيده في غاية الروعه والجمال كلمات صادقه ووصف لواقعٍ اليم ومعاش عزيزي ا ن الشاعر الواثق دائما يقدر إمكانياته ويبرزها دون غطرسة وغرور مع تقدير وحب لذاته دون ان يهضم حقها وينقصها قدرها أمّا الغرور فمرفوض وعاقبته كما أشرت في القصيده هي السقوط والنهايه لك عزيزي كل التقدير على هذه القصيده اللتي لن اوفيها حقها لماجمعت فيها من درر ومعاني ووصف ووفاء لكبار الشعراء من امثال ابن لعبون وابن سبيل وغيرهم مما ذكرت لك تحياتي |
شاعرنا الغبه قصيدة متميزه الكثير معك في الرأي لادري اي كلمات توفيها حقها فاعذر تقصيري صح لسانك ويعطيك العافيه |
بسم الله الرحمن الرحيم الغــــــــــــــــــــبه السلام عليكم ورحمة الله وبركاته الله يعطيك العافيه على كلماتك الجميله والرائعه والهادفه .. بارك الله فيك اتمنى قبول هذه الأبيات وهي من قصيده قديمه لي [poet font="Simplified Arabic,5,black,bold,normal" bkcolor="transparent" bkimage="backgrounds/11.gif" border="none,4,gray" type=2 line=200% align=center use=ex length=0 char="" num="0,black" filter=""] الشعر ما يطلع من الصاد والسين = الشعر طيرٍ حام فوق الغمامي الشعر يرفع صاحبه بالفلاتين = إن كان هذا الشعر ما هو حرامي والشعر له ناسٍ تحبه مجانين = والشعر له ناسٍ عليها الكلامي والشعر دارٍ فيه زهر ورياحين = تسقيه من دم العروق الهيامي والشعر ما يرفع رديٍ ومسكين = لا صار شعره ما يسقي الظوامي والشعر ما يرفع مقام السلاطين = إن كان ما هو بس قد المقامي والشعر فيه الزين وأيضا به الشين = وفيه الرفيع وفيه طايح مقامي [/poet] تقديري واحترامي الحساااام |
الغبه 00
صح لساااااااااانك 000 رأي وطرح جيد صحيحي هناك موضه للشًعار 00 ولاكن كل شاعر له حدود وقدره وشاعريه الشاعر تظهر في معانيه وحروفه يترجمها احساسه الى قصيده 0 وهناك الجيد والمتوسط والردي 00 ولاكن كلها في دائرة الشعًار الجدد على الساحه ربما هناك شاعر لا توجد له الا قصيده واحده ولاكنها تسوا ثلاثين قصيده للشاعر مخضرم او جديد مغمور0 ويبقى الجيد يفرض نفسه سواء شاعر قديم أ جديد وكله يدور في تنافس في حدود وقتنا الحاضر اللي هو موضه الشعار 0 صح لسااااااااااااااانك 000 أنا سجلت رأئي ولاكن أسجل اعجابي في فكره القصيده وكاتبها00 تحياااااااتي00000000000 لك 0000000000000 بنــــــــــدر |
نقرة حضوضي
صح بدنك اسعدني مرورك الكريم تحياتي وتقديري |
اخوي صح لسااااااااااااانك
يامبدع ماشاء الله عليك ماذا اقول امام هذا الابداع كله اخوي اسجل اعجابي الشديد طال عمرك دنيتي |
الغبه شاعر ومبدع قصيده رائعه في مضمونها والجميع معك في الراي ولك كل التقدير والاحترام |
| الساعة الآن 10:44 AM. |