منتديات الـــود - اسف على الغيبه وهذي المسكته سميتها

تعالي يا مشاعرنا 00 تعالي واكتبي الاشعار
______ثلاث ايام في صدري قصايد تعكس الصوره
تعالي خابرك جنبي متى ما حانت الاسحار
______تعالي واخرجي شعر(ن) يسر الخافق بنوره
تعالي مثلما غيث(ن) تعالي مثلما الامطار
_______تعالي واصنعي عقدك 000 وقلبي فيه بلوره
تعالي خاصمي الايام 000 تعالي خاصمي الاقدار
_______تعالي والحشا مرسى وفوق العين صبوره
تلاقين الشقا فيها وجنبه هاجس(ن) غدار
_______وتلقي باقي الموضوع00 حقايق بس مذعوره
ودم صالح مدرس 00 وقلبه يكمل المشوار
______وحبه يختم الموضوع 00 ودمع العين طبشوره
وابياتي مع درسي جلوس(ن) في ادب شطار
_______ولاحد يعصي الاستاذ000 اذا ما قال دستوره
ودستوري مع شعري يروح لجادل(ن) خوار
________وتعرف علتي وشهي 00 الا يا ناس دكتوره
والى مني بغيت اشرح دروس العلم والآثار
________رجعت اكتب قصيدة حب 00 بجوف القلب منثوره
معاني تذبح العاشق وتشعل شمعة التذكار
_______حروفي تسعد عيونه وتفتح فيه مقصوره
على شانه اجي جنبه 00 واسافر واعبر الاسوار
_______وأوقف لين يسمحلي اذا جينا على سوووره
وسوره كله اشواق(ن) وبعده مزرعة ازهار
_______وتخاصمني اذا مني00 نسيت آراعي زهوره
وشوقي له مثل شوق البحر في خافق البحار
_______متى آ نا يا بعد حالي اسافر واعبر بحوره
اذا منه ضحك يسحر00 واضيع بضحكته محتار
_______واذا منه سال عني رفعت الصوت مشكوره
وعينه يوم شافتني مثل سيف(ن) قوي بتار
_______وعيني يوم شافتها 00 بكت في صمت مسحوره
تعالي واشربي مني 00 تعالي وافتحي آبار
_______تعالي واخرجي اشجان من الايام مقبوره
تعالي يا شقا عمري 00 تعالي واكشفي الاسرار
_______وشوفي كيف احلامي بدمع العين مستوره
وشوفي كيف انا شاعر اقوم لخاطرك وآغار
_______وشوفي كيف احلامي مع دنيايي مقهوره
وشوفي كيف انا شاعر اصير لخاطرك شعار
_______شاعر يشكي احزانه 00 وشاعر يشرح شعوره
انا والله لو تبغى اصير لحاسدك قهار
_______وأنزل دمعته لجلك 00 واسجل فيك منشوره
واذا ماجاتك اخباره يقولوا صار به ماصار
______ترى شعري من الساعه 00 حرام(ن) يطلع ظهوره
ترى راسك علي غالي 00 وحبك داخلي جبار
_____وغيرك ما لقا الا00 اراضي بور مهجوره
على شانك ترى والله اتابع نشرة الاخبار
______لانك داخلي حلوه ونفس الوقت مشهوره
ترى بالليل لك عندي على بعد المدى مسيار
______نزورك انت بالاول00 وعندك قلبي نزوره
ودورك بس لا نمتي تشوفيني مع الزوار
______تشوفي شاعر(ن) عاشق عليكم ينثر عطوره
ترى والله من حبك اجيك بزاهي الاعطار
______واذا تبغين يا جرحي اجيب عطور محذوره
متى جرح الزمن يبرى ويهدي ضحكته للجار
______متى آشوفك وسط قصر(ن) بحسنك تشهد طيوره
وقصرك يا ضيا عيني بحسنك ساطع الانوار
_______ولك ما يدخله غيرك وصيري فيه اسطووووره
واذا منتي تحركتي يجيلك حارسين صغار
_______مشاعر تحرس عيونك00 وروح(ن) فيك مجبوره
ترى والله تستاهل 00 وشوفي والزمن دوااار
______وهذي هي عهود اللي 00 فتح لك كف مكسوره
واذا ما صرت مستغرب جوابي جملتين قصار
______جمالك قال اسطوره 00 وقلبي قاااال دكتوره

مع جزيل الشكر.................................... صالح الغالب