اليوم جيتي نادمه
 

اليوم جيتي نادمه ماعاد لك عندي مكان
هذاك اول لو تبي عيني عطيتك نونها

انا اعتبرتك في حياتي بالغلط كبوة احصان
اغريتني في كلمتين ولاهقيت اتخونها

يابنت اناعندي عهد للنفس الف والف شان
عندي عهد لازمها والرجل تثني دونها

هي راس مالي في حياة عابث في ها الزمان
منهال لكبار الهموم وشايل مغبونها

في داخلي قلب جريح وراس فيه الشيب بان
وعيني تشوف ايامي البيضاء سوادلونها

ماني انااول من تعثر يوم وجه الوقت شان
ولنتي مثل ليلي وانا بعد ماني مجنونها

يابنت انا من لابتن تاطي علي صلب وليان
من ينشد التاريخ يلقي المجد هومظمونها

ما تنزل الدمعه ولو هو قيل ودعنا فلان
من ربعي اللي هم هل الردات ما يبكونها

ايو الله اكفخ با الجناح بعزتي والعمر فان
ماهز راسي ريح والدنيا وسيع كونها


--------------------------------------------------------------------
محمد المطيري <الكايد>

صح لساااااااااااانك 00 مليون

محمد ابدعت ثم ابدعت ثم ابدعت 0

وش خليت لنا مابقى شي لاكلام ولا رد يوفي القصيده حقها 0

كل اللي اقدر اقوله بيض الله وجهك والله لا يهينك على القصيد الذرب وعزه النفس والشموخ اللي عندك هذا ماله مثيل فعلااااااً قصيده كامله والكمال لله سبحانه0

اتمنى لك التوفيق 00 واطمع في المزيد من روائعك 0

وتقبل فائق تحياتي0
0
0
بنــــــــدر

اخوي محمد المطيري <الكايد>

صح لسانك...و يسلم قلبك...

قصيده رائعه

لك تحياتي و تقديري

صقر

أخوي... محمد المطيري{ الكـــــايد}

تسلم... على عزة النفس الموجوده

وتســــــــلم .... على روعة الكلمات

وتســــــــــــــــــــلم ... على تواجدك في ذا المنتدى

... قصيده بمنتهى الروعه ومعانيها أروع من كلمة روعه..



أختـك/ بنت الأجـــــــــــــــواد




..

اخي الكايد

قصيدة رائعه

اشكرك عليها

وارحب فيك اخي مع شعراءنا

شعراء الود

حياك اخي وبانتظار جديدك

مشكورين علا الكلام الطيب النابع من احساسكم وانشالله اني اكون عند حسن الضن
يعجزني لساني عن الرد والشكر لمروركم

اخوي محمد المطيري!^الكايد^!
ونعم والف نعم فيك

صح لسااانك اخوي
على القصيده الجميله وعزة النفس والشموخ العالي اللي مايعلى عليه غير رب العالمين

تقبل تحيات اخوك
دنيتي

مشكور اخي الكايد على المشاركه

الجميييله 00 كلمات راائعه

في مشاركاتك 00 تسللت الى قلوبنا

واحييت عقولنا 00 فسلمت يداك

على المشاركه والله يعطيك العافيه

وتقبل تحياتي