قلب الهواوي ما لقى له علاجي !!!
 

[poet font="Simplified Arabic,5,darkblue,bold,normal" bkcolor="transparent" bkimage="backgrounds/11.gif" border="none,4,gray" type=2 line=200% align=center use=ex length=0 char="" num="0,black" filter=""]
بسم الله الرحمن الرحيم

قلب الهواوي ما لقى له علاجي = والحال متردي ولا منه مخراج
يا الله طلبتك يا كريم الخراجي = من واهجٍ بالصدر محرجني احراج
قالوا علامك قلت ما لي مزاجي = ما لي مزاج اضحك وانا اليوم محتاج
محتاج للضحكه وفل الحجاجي = وتوسيعة الخاطر مع سن مبلاج
عايشت همي لين طفى السراجي = والليل مظلم والفتيله بالادراج
والجو غيم وفيه بعض العجاجي = ما يوم جا صافي نقص حد الانتاج
زرعت زرعٍ من نصيب الدجاجي = وإلا الحمام اللي يعشش بالأبراج
يالي زرعت الزرع تبغى النتاجي = وش فايدة زرعٍ قصر عنه هداج
يا اللي خذيت القلب وقت التناجي = يومك تناجيني وانا فالهوى ساج
تكفى ترد القلب قبل اندماجي = قبل اندمج بالفكر واسرح مع الثاج
قام ايتبسم صاحبي بنبلاجي = والدر تحت اشفاه سنٍ من العاج
يسلب قلوب اهل الهوى بارتجاجي = لا قام يمشي قلت ذا لابس تاج
وين الصديق اللي يعرف احتياجي = يفزع معي ويقول للدرب منهاج
ابغى اختصر واقول ودي علاجي = الحال متردي ولا منه مخراج

الحساااام
خلــيــل
[/poet]

حسام الشعر

معك يكون للشعر معنى

قصيده اكتملت معانيها

وين الصديق اللي يعرف احتياجـي
يفزع معي ويقول للـدرب منهـاج
ابغى اختصر واقـول ودي علاجـي
الحـال متـردي ولا منـه مخـراج

عندك يقف الكلام ويكون هنا معنى الابداع


يعطيك العافيه اخي

دائما ننتظرالجديد

اخوي / الحساااام
صح لسااااااااااااانك على القصيدة المميزة اللي امتعتنا
معانيها وقوافيها الجميلة من شاعر فرض اسمة بأسلوية
العذب والجميل اخوي سجل شكري وتقدير على ماقدمتة
لنا وتقبل تحياتي ،،،،،،،،،،،،

اخوك / متأمل خير

اخوي الحسام

صح لسانك وسلم بنانك

لله درك على هذه الروعه

لله درك على اكتمال عناصر الابداع في النص


سجل الاعجاب والتقدير والاحترام

الغبه

الحساااااااااام 00

اسمح اولاً ان اسميك (( شــــــادي الـــــــــود ))

الشعر يسمو عندما تترجمه بإحساسك الى ابيات 000

قصيده ابهرتني موضوعاً ومضمومناً 00

اسجل اعجابي 0 صدقني امام هذه الرائعه لا املك غير صح لسااااااااااانك 0
اعذرني على التقصير 00

وتقبل فائق تقديري واحترامي 0000بنـــــــدر

اخوي الغالي والعزيز

الحسااااااااااام

قصيده جميله وكلمااااااااااااات ابهرتني بمعانيها
يسلم راسك ويسلم فكرك ياستاذي المبدع

ننتظر جديدك

وتقبل تحياتي لك بود صادق من اخوك
الحدبي

يالي زرعت الزرع تبغـى النتاجـي
..................................... وش فايدة زرعٍ قصر عنـه هـداج
يا اللي خذيت القلب وقت التناجـي
..................................... يومك تناجيني وانا فالهـوى سـاج

اخوي / الحســــــــام

صح السااااااانك ,,

ويعطيك الف عافيه كلمات رائعه

في روعة كاتبها 000

تسلم على هالقصيده المتميزه 000

تقبل تحياتي لك ,,,

اخوك / واحــــــد يـتـمـشــــى

[poet font="Simplified Arabic,4,black,normal,normal" bkcolor="transparent" bkimage="backgrounds/4.gif" border="none,4,gray" type=0 line=200% align=center use=ex length=0 char="" num="0,black" filter=""]
وين الصديق اللي يعرف iiاحتياجـي
يفزع معي ويقـول للـدرب منهـاج
ابغى اختصر واقـول ودي علاجـي
الحـال متـردي ولا منـه iiمخـراج


الحسااااام,,,,,,, صح لسانك


بصراحه قمة في الابداع اسعدتنا اسعد الله ايامك


تحياتي ,,,,,,,,,

[/poet]