أول مشاركة ،، ((من حضرة جنابه؟؟))
 

بسم الله الرحمن الرحيم ،،

هذي مشاركة أولى اتمنى ان تلقى القبول من طرفكم ،،


[poet font="Simplified Arabic,4,white,normal,normal" bkcolor="skyblue" bkimage="" border="groove,4,black" type=1 line=200% align=center use=ex length=0 char="" num="0,black" filter=" glow(color=black,strength=5)"]
*
*
*


قيل من حضرة جنابه عن اصحابك خذاك = قلت عمري فدوة عيونه وراحة يديه
قيل من هو؟ ، قلت مابيننا أي احتكاك = مبعدٍ داري وهو في دياره وارتجيه
قيل ترجي من دياره بعيدٍ ، وش بلاك؟ = قلت خلوني على راحتي ، كيفي وابيه
قيل يمكن صاحبك في بعادك له نساك = قلت قلبي يعترف به وميالٍ إليه
صاحبي لو كان طايح طريح بلا حراك = ردد اسمي مادرى به ، وبسم الله عليه
اجزم انه مانساني بوقت الارتباك = واثقٍ منّه ثقة من جيوشه تحتميه
ياحبيب العمر لو عاذلك عني نهاك = لاتطاوع حكي عذالك وخلك نبيه
خلّ قلبك واثقٍ من مكانتك وغلاك = لاتزعزعك العواذل ولا حكي السفيه
ولا تفكر لحظةٍ بإن خلّك مابغاك = كيف مايبغاك وانت النظر دونه يتيه
في بحور الشوق عدّ الدقايق واحتراك = كنّ في صدره لهب جمر نارٍ تصطليه
صاحبك فوق الجمر ينتظر لحظة لقاك = ينتظر لمّ الشمل والمشاعر تحتريه
من عروق القلب يسري مع دمه هواك = دام مافي القلب غيرك يادمه يهتويه
بس أمانه لاحصل شيّ بالوقت يحداك = لا تبيّن ضعف لو له سبب عندك وجيه
لالفاك العلم عنّي ولامنّه لفاك = لاتهلّ دموع عينك على رمشٍ يقيه
خوف لا اكون السبب في عناك وفي شقاك = ثم ترجع تندب الوقت والحظ الكريه
لاحصل هذا تناسى من بقلبه حواك = لايغيّر نظرتك من فرح عيّا يجيه
أطلبك طلبة غلا تترك الماضي وراك = قول ربّي يرحمه ، يرحم الله والديه
هكذا عمر المعنّى على حد اشتباك = بس مايترك فروض الله وسنة نبيه



وسلامتكم

[/poet]

صاحبك فوق الجمر ينتظر لحظـة لقـاك
ينتظر لـمّ الشمـل والمشاعـر iiتحتريـه

أخوي.... المعنـّى


تســــــــــــــــلم على هالقصيده الرائعه

وياهــــــــــــــــــــــــلا فيك في منتدى الود ,,,


وننتظر منك الجديد ,,,


أختــك/ بنت الأجـــــــــــــــــــــــــــــواد

اخوي المعنى صح لسانك صح لسانك على الكلمات اللي اكثر من رائعة
بدون مجاملة وياهلا ومرحبابك بين اخوانك وخواتك في منتدى الود
وتقبل خاص تحياتــــــــــــــــــــي

اخوك / متأمل خير

اخوي الغالي والعزيز

المــــــــــــعنى

صح لساااانك وياهلا فيك بين اخوانك واخواتك في شعراء الود
وقصيده جميله ورائعه ومعانيها تذوب في كلماتها

تقبل خالص تحياتي لك بود صادق من اخوك
الحدبي

اخي المعنى

ارحب فيك وبمشاركاتك في همس قوافينا

واهلا بك شاعر بين شعراء الود

مشاركه رائعه وبدايه قويه

يعطيك العافيه وتسلم

وننتظر الجديد