اخواني ....اخواتي
هـــــــــلا .. فيـــــــــــــــكم
قلطــــــــــــــــــــــــــــــوا...
قلـت لاحدهــم بعدما سكنوا المدينه وتركــوا القرية ....
:انت ضيف ولك واجب علينا ولزوم تواعدنا وتزور محلنا.
قال : الله يسلمك مابيننا رسميات ....
:الحيت عليه تكفىء ..الله يخليك .....الخ!
قال :الله يخليك !!!! اموت واعرف هالكلمة ....
:انا وين وانت وين انا اعزمك وانت مطنش..
قال :لا لا ماني مطنش بس لازم تقولي ... ( الله يخليك ) وش معناها..؟
: قلت : معناها الله لا ياخذك !
قال : الحين صح.. قل (الله لا ياخذك) ولا تقــول (الله يخليك)..لأن ماني
بخير اذا الله خلانــــي !
: قلت : وش المعنى .. وش الفرق؟
قال : احنا عارفين ان " كل من عليها فان " الله سبحانه وتعالى ماراح يخلي
عليها احد. واذا لزم الامر انك تقولها
قل //الله لا يخليك من رحمته//.
: قلت : صدقت واحنا نستعملها بقصد انها عكس الله ياخذك .
والحيـــن::الله لايــخذك ولا يخليك من رحمتــــه انك تسيّر علينا.
قال : ابشر بس اذا تريثنا اسبوع او حوله .......
ومن ثم تفارقنا ....
لاحظت في هالمـــوضوع ان الضيف راح يبلش باشياء كثيره والله يعينه .
ابن القرية وللأسف يسمى( بالقروي)ولا يعيبه هذا الاسم ولكن .. !اسأل
من هم بأقل من 18 سنه قل من هو القروي؟ راح تتعجب من اجابته وراح
تلاحظ المدى البعيد جداً للمفهوم اللي انعكس بسبب الهزال والتنكيت على هذا
الجيل.
ابن القرية اللي بعد صلاة العشاء ينام والفجر قبل الصلاة ...قبل الصلاة
يصحى عشان يشب النار يصلح الشاي والقهوة ويتجهز للصلاة بحكم انهم
يعملون حساب لربما هناك ضيف يطب عليهم (من عادات البدو مايجيهم
الضيف بعد صلاةالعشاء الا اذا كان مضرور اوالظروف المناخيه صعبة,مهما
كانت بعد المسافه. يبيت اذا قرّب لهم والفجر يجيهم ) وبعد الصلاة
يتزاورون
اليوم عند فلان وبكره عند الثاني بس للقهوه وبعدها يتفرقون.
ابن القرية اللي مايعرف الا الطيب , الكرم , الشهامه , الفزعه , الحنكه
يصير اداة للتعليق الجارح اللي يسمى المزح , يصير اداة للعقول
الخاويه لطرح النكت . ماذا لو كان يدرك مايقال عنه وبصراحة هل
سيضحك؟
المسألة طويلة ياجماعة. واعلموا اخواني اني لا اذم ولا اطعن بابن المدينه
لا والله وبالعكس, ابن المدينة اللي مثلكم على راسي من فوق لأنكم اكبر من
ذلك ولا مجال للسخريه والهمجيه عندكم وكلي ثقة بأنكم ترفضون هذا
المنهج تماما من باب قوله تعالى " لايسخر قوم من قوم عسى ان يكون
خيرمنهم " . فأنا مثلكم ابن للمدينة ولكني ارفض مثل هذه التعليقات
الساخرة. بالدنيا كلها بطولها وعرضها مافيه باب اضحك معه الا على
( القروي ) و (الـقروي )....ابد ! مانقدر نطرح نكته على ياهودي والا
على بوذي ولا...ولا ...ولا.
عفواًاخــواني اطلت .. فالمعـذرة والمعـذرة على العنـوان .....
اللي اخترته .
وســـــــلامتكم .......
على فكــــــــرة / ترى العشــــاء عندي الخميس الجاي ...
(عشان ماتقولون صلاح ماعزمنا).
واقول عسى الله مايخليكم من رحمته.
ولكم خالص التحيـــــات.
اخوكم في الله/
الــعــاقــل
اخوكم