_+**+_ دمعتين _+**+_
 

[poet font="Simplified Arabic,4,darkblue,normal,normal" bkcolor="transparent" bkimage="http://nadawi.net/images/blueswirl.gif" border="solid,4,darkblue" type=1 line=200% align=center use=ex length=0 char="" num="0,black" filter=" glow(color=skyblue,strength=5)"]
فـي نـفس هالليله وفي نفس المدينه قبل عام "=" قـالت فـراق..وقلت عادي بس اببكي ليلتين
مـدري جـهل ولا كـبر ولا معاند والسلام "=" ولا عـدم تـصديق بالواقع ودورات السنين
الـين مـر اسـبوع كـامل لا سلام ولا كلام "=" ثـم ابـتديت احس في معنى أفتراق العاشقين
يـعني سـهر مـلعون جـد وليلته ليلة حرام "=" تحسب ربع ساعه على عيني بحسبة ساعتين
وانـا عـلى فرقاك سبع اشهور عيني ما تنام "=" وفوق الشهور السبع عديلي شهر فوق اشهرين
ابـكي فـراقك واتـهجّد كل ما صلّى الامام "=" واقـول ترجع وادري انك يالغلا ما ترجعين
يـاقو قـلبك كـيف مـا لحّقك بحوالي ملام "=" وانا اعرفه اشفق على قلبي من امات الجنين
الله وكـبر كـيف طير الهجر غرّد لك وحام "=" عقب العهد بالوصل يا ريحة زهور الياسمين
والله لـو تـدرين وش صـار بغيابك يا مدام "=" كـان انـكسر قلبك وحنيتي ورجّعك الحنين
لـكن قـلبك يـا شعاع اظلم من ازلام النظام "=" الـلي تـفنن فـي قـهر صفوة بلاد الرافدين
كـأن ربـي خـالقٍ مـن بـيننا روح انتقام "=" ولا كـأن الـود صـلاّ مـن ورانا ركعتين
مـعقوله انـك نـاسيه يوم ابتدى فينا الغرام؟ "=" ايـام كـنّا عـن صـواديف الـليالي غافلين
كـنا نـحب الـجمع مـا كنّا نحب الانقسام "=" كـنا نـعيد الـسالفه عـلى هـوانا مـرتين
كـنا نـغني كـل مـا غنى لنا سرب الحمام "=" كنا نشوف الزين شين ولا نشوف الشين زين
كـنا قلوب اطفال ما تعرف صلاه ولا صيام "=" وكـنا نـعوضها ونقرا في رياض الصالحين
كـنا مـثال الـعز والـهيبه وقـو الالـتحام "=" كـنا وكـنا يـوم كـنا هـاه يـمكن تذكرين
والـيوم صـرنا عـكس مـا كنّا ولله الدوام "=" يـاليتنا عـن لـعبة الايـام كـنا عـارفين
لـكن عـلى مـولاي شـكوايه وترديد الكلام "=" والله يـصبرني وسـبحانه مـعين الصابرين
مـدام رحـتي يالشعاع اللي طعن كبد الظلام "=" الله عـطاك اسـبوع واحد كان ودك ترجعين
مـاني تحت رحمة طيوفك كل ما كمّلت عام "=" ابـكي..واشوفك كل ما هلّيت دمعي تضحكين
اما تجين وتمسحين الدمع عن عيني وانااااااام "=" وإلا عـلى وجـهك وراس المال كلّه دمعتين


وسـلامتكم
[/poet]

بسم الله الرحمن الرحيم
بندر العجمي
السلام عليكم ورحمة الله وبركاته

صح الله قلبك ولسانك
قصيده رائعه اخي الفاضل
سجل اعجابي
اخوك

معروف

العجمي
 

صح لسااااانك 00 يا شاعرنا 00
الله لا يهينك وما قصرت وبيض الله وجهك 000

ابدعت ثم ابدعت ثم ابدعت 0000

000 اخوي معروف الابداع هذا ما يكتبه بندر العجمي 000 الابداع من المبدع والمتالق ((((( العجمي )))))000

جعلك تسلم يا العجمي ودايم تتحفنا بابدعاتك القادمه 00

هذا ولك سلاااااااامي واحلى تحيااااااااااااتي 00

بندر العجمي

صح لسانك أخوي العجمي,,,



قصيده رائعه سرحت بأبياتها الجميله,,,,


لك مني كل التقدير والاعجاب,,,


ولاهنت أخوي,,


تقبل تحيات أخوك

عاشق عيونها,,,,,,

صح الله لسانك اخوي العجمي

قصيده في منتهى الرووعه

اسجل اعجابي بك طال عمرك
اخوك/ الحدبي

تسسسسسلم أخوي... العجمي

على هالقصيده اللي تعبنا علشان نقراها

تكفى ياالعجمي صغر الكتابه مره ثانيه وأعتبر ذا طلب مني

لأنك تعبتني جدآآآ...

لكن في النهايه تمتعت بقرائه أحلى قصيده من أحلى شااااااااعر ..

يعطيييك الف عافيه على كل حرف كتبته


أختك / بنت الأجواد


.