قصة الفتاه اللي رافضه العريس الملياردير!! تعالو نشوف الاسباب!!
 

بسم الله الرحمن الرحيم
والحمد لله على نعمة العافيه !!
والله يفكنا من شرور الدنيا !!

السالفه ياحبايب هذا مره وانا جالس في احد المكاتب العقاريه وصلني فاكس فيه قصيده الفتاه اللي رافضه العريس اللي مليان فلوس وهي ماتدري عنه شي غير انه معاه فلوس واجد يعني رجال غني الله منعم عليه المهم !! اسمعوو وش قالت بنت الحلال
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
بين القبايل شاع ذكره وصيـته "="لاجله غني ويملك الجاه والمال
قالو تهني صرتي شمعه لبيته "="وصاحو علي يابنت مامثله ازوال
قلت العفو لوهو ذهب ماخذيته "="انا الغلى في داخلي قيمة رجال
اللي بدون افعال لا ماهويته"="المسئله في بعضها ثوب وعقال
المرجله ماهي بجاهٍ دريته"="ولاهي بتصنيف العزايم والامثال
يبان عشقي لثرى لاوطيته "="مثل المراجل صدقها وقت الافعال
سيف يزود الهم رمح ٍ رميته "="يعشق صفات الذيب في كل الاحوال
نشمي ولد نشمي لنسل فديته"="يصمت كبير القوم فيهم لياقال
فارس يحل المشكله لا نخيته "="نطقه سعد منظوم وقراح وأزلال
ويابوي من مثلك انا ماهقيته "="ويابوي فعلك نايف كل الاجيال
ويابوي من مثلك انا له وفيته "="المهره اللي جبتها بنت رجال
لو يعتلي راس النشاما رقيته "="ولو ينحني صبر برسي له جبال
وماكل من يعشق صفاتي عطيته "="ولاكل من طب الميادين خيال
ولو يمدحونه بلملى ماهويته "="لاجل الغلى في داخلي قيمة رجال

[/poet]

هي القصيده مافيها شي بس انااقول غلط كذا يابنت الناس وبعدين البنت متى صارت تعرف الرجال وصفاتهم ومتى صارت البنت تختار على كيفهاااياناس هذي تبي مواصفات الله يهديها بس وانا من المنطلق هذا رديت عليهاا يعني قمت بواجبي اللي اشوفه وان شاء الله كفيت ووفييت!!
اسمعوو

قلت ....[poet font="Simplified Arabic,4,white,normal,normal" bkcolor="black" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
قالو لقينــا وصفها اللي طريته "="حلوه عفيفه مخالفه كل الاشكال
فيها حيا موزون على مابغيته"="ولاتعرف تحاكي من الناس رجّال
ستيره تفهم وش تعاليم بيته "="خدوم ماتشكي على كثر الاشغال
واذا تعبت تحس بك لا شكيته "="وتشيل عنك الهم مع نحفة الحال
فطينه(1)ماتشكي لو تكون ميـته "="ولاتعرف التزييف في نطق الاقوال
تمشي على وضح النقى لارئيته "="افعالها قدام اهلها هي افعال
ماهي مثل من كان قشره (2)بصيته"="مطلوبها شهره مع الناس تنقال
ليته سكت ماقال الاشعار ليته "="أستر وأوجه في نظـر كل الاجيال
وش فايده من ذكرها لو بكيته "="لو قلت اوماقلت ترى كلها أذلال
من هو شكى للناس همّه نسيـته"="أعزاه لوكانه اخو أو من عيـال
مشكاك للوالي عزيز ٍ شكيــته "="ربٍ عظــيم خالق أهضاب وجبـال
اللي يحل المشكله لا دعيته"="وغيره مايقدر لو شريناه بريال
أخاف يزعل لو وصلت ونهيــته "="ويكابر يعاند على درب الاضلال
واناحمدت الرب على مانويته"="حيثه هداني لنصايح والامثال
وهذي نصيحه عابره لو قريته "=" تبقى مع الايام ذكرى بالاطلال
وجهة نظـر من واحد ٍ ماهقيته "="يمكن ترجع قيمتك عند الابطــال
وقصدي ترى واضح انا ماخفيته "=" العيــب لاصرتي تمنين رجّال
مهما بلغتي من طموح بنيته "="يبقى طموح البنت في عيوننا أمال
تمضي سنينك والثمن ماحكيته "="وتصبح أسير الهم في شكل تمثال
وغيرك تهنى وانتي اللي عصيته "="متوهمه بفكارك اللي بها أهوال
وأذكـــر حديــث للنبي قد قريته "="حّرم على الانثى تباهى بالازوال
وهذا يضم اللي بشعرك بديته "="والمفترض منك حيــا عند الاطفال
طال القصيـد ويكفي اللي عطيته "="والحــر تكفيه الاشاره من الجال (3)
وصلاة ربي عد نبت ٍ سقيته"="على نبي مرسل في زين الاعمال
[/poet]
(1)فطينه : يعني ذكيه ولمّـاحه
(2)قشره بصيته :يعني سمعته شينه
(3)الجال : يعني المكان المرتفع ويطلق على الجبل العالي

وسلامتكم !! وياليت البنت ترجع لصوابها ياليت والله هو الهادي!!!!!!!

صادق الكلمه

لاهنت لاهنت ولا فض فوك

والله يعطيك العافيه

اخوك

هوال

هلا فيك اخوي صاادق الكلمه

اولاً و انا خوك انا صراااحةً معا البنت يعني هذي مو من عادات قبايل ان اذا زوجواً البنت لواحد مايعرفون ساس اصله وفصله وان البنت تقول مايعرفون عنه الا بس انه غني صرااحةً والله مازوج بنتي او اختي .... لواحد لاله اصل وفصل ولا يعرف عن دينه شي
وصراااحة البنت كلامها صاااادق وانا معااها في كلامها

وصح لسانك اخوي صادق الكلمه وردك جميل بس مايصلح ردك الا للبنت الي تبي وصايف رجال توصفه على كيفها

وانا اشوف ان البنت في وصايفها صادقه

وااسف وانا اخوك اذا ضايقتك بكلامي ولك مني العذر والسموحه وهذي وجهة نظري

اخوك/ الحدبي

صادق الكلمه
 

صادق شكراً على الاختيار المميز 000

وصح لساااااااانك يا شاعر 000

وانا بصراحه اروح مع كلام اخوي بني كبير 0000 الى حد ما


سجل اعجابي00


تحيااااااااتي 000000000000000لك000000000000بندر

عادي أخوي بس الرجال العريس ماكان في وقت اشرح لك منهو !!
 

اخوي عادي كل واحد له وجهة نظره وانا ماقلت في البنت شي لكن الرجال اللي غني العريس اقصد معرووف عندهم ومن جماعتهم بعد وكل الناس تشهد له بعقله وصدقني اني انا اعرف الرجال هذاا وربي مافيه شي ينعيب بس البنت مدري وش فيهاا اخوي !!
وياخوي البنت عندنا مو تطلع بشارع مثلا وتقول ياناس شوفوني انا شريفه مثلا لا ياخوي البنت كلها عوره وبعدين البنت جالسه تمدح في صفات الرجال يعني تثير الفتنه لكل من قراها هذا اللي حبيت ابينه لك عزيزي

توضيح المووضووع
 

انا ياجماعه يوم قلت ماتعرف عنه شي اقصد انها حكمت عليه انه مو رجال يعني عشان فلوسه صار مو رجال وبعدين هي حكمت عليه بعشوائيه وانا مستغرب وشلون تحكم على رجال كذا انه مو رجل بس عشان فلووسه واجد متى صارت الفلوس تخلي الرجال مو رجال ومعذره لعدم توضيحي مبسق !!!!!!

يعطيك الف عافيه اخوي صااادق الكلمه
على التوضيح لكن انا قصدي ان مو البنت شريفه

لكن اذا الرجال ولد حموله مثل ماتقول ومعروف بين العربان انه يصلي ويصوم
فانا اقول للبنت الله يهديها ويرشدها ربي لصوابها

وهذي حااال بنات الدلع الايام هذي

ويعطيك الف عافيه على التوضيح
اخوك/ الحدبي

اخوي
يعطيك العافيه
مشاركه رائعه
وسلمت
ولك
تحياتي