مـتـى أشــوفــك ...
 

متى أشوفك متى أفرح فيك وأضمك \\ متى تجي ليلة وأبين لك غلاتك

أبي أتنفس هواك واعتني فيك وأشمك \\ وأبي أجرب حنانك وأتلذذ بشفاتك

الخدود كما الجوري ورحيقها فمك \\ والعيون السود تسحر بنظراتك

لك مني وعد في الحب ولا يهمك \\ أغرقك فيه من أدناك لهاماتك

أبي حبي ينتشر فيك بدال دمك \\ وأبي حبك يذوبني بكاساتك

وأموت فيك واحيابك وأقسمك وألمك \\ وأبيك تعيش في ذاتي وأنا اعيش في ذاتك

لو جيتني تشكي أنسيك همك \\ ولو جيتني تبكي أنا اشرب دمعاتك

من صغر سني وأنا كلي أميل يمك \\ ومن صغر سني وأنا اتبع خطواتك

أبي أقهر العالم وأولهم عيال عمك \\ وأبي أفرح فيك وأحقق لك غاياتك

انفض ثيابك وانفض اطراف كمك \\ يمكن مع نسمات الهوا اشم نسماتك

أبعطيك بوسة تنسيك حليب أمك \\ وأغازلك واتغزل فيك وبحلاتك

متى أشوفك .. متى أهنيك وأضمك \\ متى يجي يوم وأسعد لك حياتك

*******

انشاء الله تعجبكم أول قصيده لي وهذي أول مشاركه لي في هذا المنتدى

تقبلو تحيات اخوكم ... سامحيني يمه

ساميحني يمه ..... تسلم أخوي على الابيات الرائعه .. والشجيه ...

بدايه رائعه .... وأنشالله القادم أروع ...

تقبل مني ارق تحيه ..

ولـــه

هلا فيك اخوي سامحيني يمه

صح الله لسانك اخوي الغالي وقصيده جداً راائعه ومعانيها خياليه وجميله
واحساس صادق ينبع من قلبك
والله يعطيك الف عافيه اخوي على القصيده

اخوك/ الحدبي

يعطيك العافيه يالوله ويا أخ بني على ردكم الجميل وعلى تشجيعكم لي

وانتظرو الجديد انشاءالله يعجبكم

سامحيني يمه الله يعطيك العافيه على الكلاام الحلو

اخوك

هوال