منتديات الـــود - قصيده بديوي الوقداني

السلام عليكم ..

وهاذي اول مشاركه واتمنى تعجبكم..

[poet font="Simplified Arabic,4,black,normal,normal" bkcolor="transparent" bkimage="backgrounds/8.gif" border="ridge,6,gray" type=0 line=200% align=center use=ex length=0 char="" num="0,black" filter=""]
أيـامنـا والليالـي كم نعاتبها= شبنا وشابت وعفنا بعض الاحوال ِ
تاعد مواعيد والجاهـل مكذبها= واللي عرف حدّها من همها سال ِ
إن اقبلت يوم ما تصفي مشاربـها= تقفي وتقبـل وما دامت على حال ِ
فـي كـل يوم ٍ تورينا عجايبها= واليوم الاول تراه أحسن من التال
أيـام فـي غلبها وايـام نغلبها= وايـام فيها سـوا والدهـر ميّال ِ
جربت الايام ،مثلي مـن يجربـها= تـجريب عاقـل وذاق المر والحال
نضحك مع الناس والدنيا نلاعبها= نمشي مع الفي طوع ٍ حيث ما مال ِ
كم من علوم ٍ وكم آداب نكسبها= والشعـر مـازون مثقـال ٍ بمثقال ِ
أعرف حروف الهجا بالرمز واكتبها= عـاقل ومجنون حاوي كل الاشكال ِ
لكنّ حظي ردي والـروح متعبها =ما فادنـي حسن تأديـبي مع امثال
إن جيت أبي حاجة ٍ عزت مطالبها= العفـو ما واحد ٍ في الناس يا وال
قوم ٍ إلى جيتهم رفـّت شواربـها= بالضحـك وقلوبها فيها الردا كالِ
وقوم ٍ إلـى جيتها صكّت حواجبها= وابدت لي البغض في مقفاي واقبال
ما كنـّي إلا مسوي حال مغضبها= والكل فـي عشرتـه ماكر ودجّالِ
يا حيف ! تخفي أمورٍ كنت حاسبها= واللي علـى بالهم كلـه على بال
الجـار جافي وكم قـومٍ محاربـها= والأهل واصحابنا والدون والعالـي
والروح وش عذرها في تـرك واجبها= راح الحسب والنسب في جمع الاموالِ
نفسي تـبي العز والحاجات تغصبها= ترمي بـها بـين أجاويـد وانـذالِ
المال يحيي عظام ٍ لا حيـاة ابـها= كالسيل يـحيي الهشيم الدمدم البال
عفت المنازل وروحي يـوم اجنـّبها= منها غنيمـة وعنها البعد أولى لـال
لا خير في ديرة ٍ يشقى العزيز ابـها= يـمشي مع الناس فـي همٍ وإذلالِ
دارٍ بـها الخوف دومٍ ما يغايـبها= والجوع فيها ومعها بـعض الاحوالِ
جـوعى سراحينها شبعـى ثعاليها =الكلـب والـهر يقدم كل ريبالِ
عز الفتى راس مالـه من مكاسبها= يا مرتضي الهون لا عـزٍ ولا مـالِ
ذللت بالروح ليـن ارخصت جانبها= وانا عتيـبي عريب الجد والخـالِ
قومٍ تدوس الأفاعـي مع عقاربـها= ولها عزايـم تـهدّ الشامـخ العال
خـل المنازل وقـل للبـين يندبها= يـبكي عليها بدمع العين هطـالِ
لا تعمر الدار والقـالات تخربـها= بـيع الردي بالخسارة واشـتر الغال
ما ضاقت الأرض وانسدت مذاهبها= فيها السعـة والمراجـل والتفّـتالِ
دارٍ بـدار وجـيـرانٍ نقاربـهـا= وأرضٍ بـأرض وأطـلال ٍ بأطـلال ِ
والناس اجانيب لين انك تصاحبـها= تكـون منهـم كمـا قالوا بالامثالِ
الأرض لله نـمشي فـي مناكبهـا= والله قـدّر لـنـا أرزاق وآجـالِ
حث المطايا وشـرّقهـا وغرّبـها= واقطع بـها كـل فج ٍ دارس ٍ خالِ
واطعـن نـحور الفيافي فـي ترايبها= وابعـد عن الهم تـمسي خالي البالِ
فـي كـل عمليـّةٍ تقطـع براكبها= فـدافد البـيد درهـام ٍ وزرفـالِ
تبعدك عن دار قـوم ودارٍ تقـرّبـها= واختـر لنفسك للمنـزال منـزالِ
لـو مت فـي ديرةٍ يجفاك صاحبها= كم ذا الـجفا والتجافـي والتـّعلال
دوس المخاطـر ولا تـخشى عواقبها= الموت واحـد وبعـد العـز يـجلال
إن المنـايـا إذا مـدّت مـخالبها= تـدركّ لـو كنت في جو السما العال
مـا قـرّت الأسد فـي عالي مراقبها= تسعى على الرزق ما حنـّت للاشبالِ
والشمس في برجها والغيـم يحجبها= تـقفي وتقبـل لها فـي الفلك مجدالِ
[/poet]

اخوكم

وتر حســـاس