|
ثورة الهموم........
..( ثورة الهموم )..
دعيت الرب بالتوفيق وحسن القصد والتعبير دعيتك ياألاهي تزيح هم سطا بقلب العليل شكا الشاكي من زمانه ومن هموم معاسير شكا جرحه وليته ما زاد بوصف التفاصيل ثارت همومي بعد ما شفت للظاميه تفسير تفسير هم بـــعد وفـــراق ماله تعاليل عادت لقلبي جروحه وعادت همومي طوابير وسرح فكري مع الماضي ومع ذيك المراسيل بشكي فراق قلب كنت اسميه الحب الكبير بشكيه واعلنها للملا ولاهمني كثرت القيل نوى قلبه على الفرقا بدون أسباب ومعاذير نواها يوم بغاها ومادرى وش هو الحصيل نوى الفرقا ومادرى بحالي كيف بيصير ومادرى عن هم بأكله وليل طويل وأصبحت ضيقة خاطري عنده مالها تاثير بعد ما كان يدور في حياتي أسباب ومداخيل كيف يقسى على قلب ما حب له غير الخير وكيف يقوى على هجره ويذوقه طعم الويل سألته وش فيك وليه حالك علي متغير رد علي ودموع عينه على خده تسيل قال احس الظروف تمنعني عنك والمقادير وما أبي ابكي فراقك وانت لي الحلم الجميل كيف بتكون الحلم وانت ناوي قطعة السير وكيف تعذر بالظروف وقلبك للفراق يميل قال بنبرت وداع السموحه على كل تقصير جبرني وقتي يابن الاجواد على درب الرحيل ورحل عن وجودي بصمت يملاه الحزن الاسير رحل وادري انه مارحل الا بحمل ثقيل رحل وترك في داخلي من الهم الشي الكثير واصبح عذره الوقت ولا وراء الوقت دليل مهما شفت منك ماراح اكن لك غير التقدير ومهما تزيد بصدك ماراح ادور لك بديل صافي غلاك ما ارخصه ولو حصل منك تقصير دام حبك دخل قلبي فاعتبر خروجه من المستحيل انا هو انا بمكاني ولا بيغيرني فكر الغير بانتظارك اليوم وان اراد الله العمر الطويل بنتظر رجعتك ولو كان دربك صعب وعسير بنتظر رجعتك دام فيني نبض وقوة حيل عهد حبك ببقا صاينه دام فيني ضمير واذا خنت حبك فاعتبرني للوقت صاير ذليل * * * يمكن كانت القصيده طويل ولكن ارجوا ان تكون نالت الاعجاب ........ ولا مانع من النقد ......... |
اخوي سيد الروح مرحبابك
وياهلابك وبالقصيده ومدامك قلت لا مانع من النقد اخوي العزيز: انت تملك الابداع والخيال ولاكن؟... الوزن... ماهو مظبوط ياليت ياطويل العمر اتغني شعرك... يعني حط في بالك لحن من الا الحان.. ومن ثم قم بكتابت شعرك على ضوح هذا الحن فقط. واسمحلي اني شوي تعديت الحدود ... بس انا قلت الكلام هذا على سبيل النصيحه ورغبه منك في ابداء الملاحظه. ومشكور طال عمرك اخوك الصغير . . . هوال |
صح لسانك اخوي سيد الجروح
وانا ارآ قصيده في غااايه العذوبه بمعانيها وانا لست شاعراً لكي انقد على قصيدتك تقبل تحياتي الحدبي |
سـيـدالـروح,,,,,,
أخوي سلمت انا ملك الله يعطيك العافية همسات رائعه لك مني ارق تحية / أختك نورس 121 |
اخوي هـــــــــــــوال بالعكس لا تعد الموضوع الا موضوعك وانا ما وضعت القصيدة الا اني اريد النصيحة وصقل موهبتي .............
وهي مجرد محاولة لا اكثر .... وتأكد ان نصيحتك مثل العسل على قلبي ومشكور على النصيحة مرة اخرى .........(من يلقى نصيحه بهاليوم) .... اخوي بني كبير شاكر على تفاعلك بالموضوع ويكفي انك اتيت باسم ثاني لي (سيد الجروح) ........ اختي نورس وجودك بالموضوع هذا بحد ذاته يعطي للموضوع نكهه خاصه تحياتي لك ....... |
اخي سيد الروح
يعطيك العافيه على المشاركه كلمات رائعه ننتظر الجديد |
اخي سيد الروح يعطيك العافيه على الكلمات الجميله
ونتمنى لك التوفيق ولاستمرار الى الامام وننتظر جديدك الافضل آخرة العنقود |
هلا بالمشرفين الموضوع ما نــــــــــــور الا بوجودكم ........
اختي الهنوف عبقرية الود وجودك وردك رفع من معنوياتي الشعرية ....... وان شاء الله الجديد راح تشوفونه بتشجيعكم لي .... اختي اخرة العنقود هلا فيك وهلا بحضورك والكلمات الجميلة والمواضيع ما تكمل الا بحضوركم .... شاكر تفاعلكم ..... اخوكم .... ســــــــــــــيد الروح |
صحيح أن القصيدة طويلة لكنها جميلة
الله يعطيك العافية اتمنى لك التوفيق احلى تحية من شرقاوية |
ياهلا بأهل الشرقيه ...........
حياك شرقاويه ........ شاكر تفاعلك وان شاء الله الجديد يكون اقل ابيات ........... اخوكم ..... ســــــــيد الروح ..... |
| الساعة الآن 05:14 PM. |