((قال احبك))
 

السلام عليكم ورحمة الله وبركاته

اخواني هذه قصيده جديده

ارجوا ان تحوز على اعجابكم

تقبلوا تحيات
مسعد المطيري

[poet font="Simplified Arabic,5,black,normal,italic" bkcolor="transparent" bkimage="backgrounds/15.gif" border="outset,7,black" type=2 line=200% align=center use=ex length=0 char="" num="0,black" filter=""]
((قال احبك))
قال: احبك قلت له: وش هو الجديد = قال: ميت قلت: انا مت بغلاك
لك غلا يعجز يوصفه القصيد = لك غلا مايملكه شخصٍ سواك
قال: قلبك قلت له: قلبي عنيد = قال: قاسي قلت: لين في هواك
قبل اعرفك كان قلبي من حديد = ومن عرفتك ذاب قلبي في دفاك!!
والله اني ميت بحبك شهيد = انت عمري وغايتي والله رضاك
انت جنه من سكن قلبك سعيد = كيف مايفرح وهو نجم بسماك
قال: شوقك قلت: شوقي لك يزيد = محترق بالشوق واتمنى لقاك
قال: زيد وقلت: يالفجر البعيد = منيتي ياغايتي اجلس معاك
قال: قٌرب قلت له: وش باستفيد!؟ = قال: ابعد قلت: ماقدر ياملاك
لا ابتعدت احس تقطيع الوريد = ولا قربتك شفت فعيونك هلاك
قال: ابسأل انت قلي وش تريد؟؟ = قول ما تبغى؟ وانا باقول هاك
قلت: ابي ضمتك يالظبي الشريد = قال: قٌرب ضم انا كلي فداك

كلمات / مسعد المطيري
[/poet]

[SOUND]http://movn.net/moseqa_alsh3r/moseqa6.ram[/SOUND]

مسعد المطيري
 

رائعه اخري من الشاعر المبدع مسعد المطيري 00 ابدعت وابدعت وابدعت
سجل اعجابي لماتكتب0 قصيده لها نكهه خاصه لشاعر متالق
مااقول الا
سل الحروف الداميه واطعن البرد000 والا الشهد صبه علي جمر وقاد
هذا والله القصيد والا فلا
تحياتي لك

الشاعر /مسعد المطيري لاتعليق لاتعليق لاني لم أجد كلمه أدرجها لكي توافي هذا الكلام الرائع صح لساااااااانك وتسلم يمينك أخوي تقديري واحترامي أخوك الحرالاشقر

بسم الله الرحمن الرحيم

مسعد المطيري

السلام عليكم ورحمة الله وبركاته

صح الله السانك على هذه الرائعه

مبدع يا مســــــــــــــــــعد

وليس بغريب عليك الابداع

سجل اعجابي

اخوك

معروووووف

ماقول غير الله لايحرمنا القصيد الذرب

بارك الله فيك يامسعدالمطيري

اخوك
.

.
هوال

اخوي مسعد

الجديد هو قصيده رائعه لشاعر الود

كما عودتنا لانقرأ لك الا الجيد

خانتني الكلمات وعجزت عن ايفائها حقها

عذرا لشاعرنا الكبير المبدع

قصيدة تستحق التصفيق ... عليها توقيع مسعد

صح لسانك اخوي

شرقاوية
 

مرحبا أخ مسعد


كلمات رائعة بل أكثر من رائعة
ابدعت في الحس والوصف

تحياتي لك

من العضوة الجديدة

شرقاوية

ابدااع القصيده وفن التركيب

صح لسانك اخوي الشاعر مسعد المطيري
ويعطيك الف عافيه على هذا الابداع المتميز دائماً