فنجال وهيل ( ممنوع دخول البنات )
 

[poet font="Simplified Arabic,4,firebrick,normal,normal" bkcolor="transparent" bkimage="backgrounds/15.gif" border="double,4,darkred" type=0 line=200% align=center use=ex length=0 char="" num="0,black" filter=""]
الـبــراءة والـطـهـارة والـعـذوبــة والـجـمــال=
والله مـاأقـدر أوصّــف كــل مافـيـهـا جـمـيـل
اجمـعـت كــل الـذرابـة ثـــم زادتـهــا بـــدلال=
كـل شبـرٍ لامشـت مــن تحتـهـا اصـبـح ذلـيـل
شفـت شـلالٍ تفّجـر مـن عـلـى راســه وســال=
كـاسـيٍ ظـهـره بحسـنـه ان تـنـثَـر أو جـديــل
والشفايـف شـكـل ثـانـي ورد مــاوالله يـطـال=
كنها شمـس الغـروب وعيـت الشمـس الرحيـل
من بياضـه غـار قطنـه صفّـت رموشـه ظـلال=
الهـنـوف الــي تثـنّـت صــار عاشقـهـا قـتـيـل
حسنهـا ماهـو طبيعـي وصفهـا فــوق الخـيـال=
لــو كـتـبـت وماكـتـبـت فـكــل ماقـلـتـه قـلـيـل
بـسّ فيهـا شــيّ واحــد حـتـى مــا ودّي يـقـال=
انـي قـصّـرت فكـلامـي ويلـقـى عاذلـنـا دلـيـل
عيبـهـا تـحـرج بـنـاتٍ قـيـل عـنـهـم فالـمـثـال=
هالعنـب مّـرٍ وحامـظ لــي غــدا مـالـه سبـيـل
أحرجتهـم يــوم طـلّـت خـلّـت الدمـعـة هـمـال=
كنهـا البنـت الوحيـدة واصـبـح العـاقـل هبـيـل
اعذروهـم مـن قهرهـم حسنهـا ضـيّـع رجــال=
واصبحـت هـي والقصايـد مثـل فنجـالٍ وهـيـل
وان زعل مني البنات وغاضهم وصف الجمال=
يزعـلـون بكيفـهـم صـاحـبـي أجـمــل جـمـيـل
[/poet]

أخوكم /
أبو عبدالله
وفاء الحب

الف صح السانك اخي وفاء الحب

و سلمت يمينك على الكلمات الجميله

ومعبره عن احساس مرهف وجميل

ولش نزعل حنا البنات الله هو المعطي والرزق للجمال

وانا دخلت لااني مشرفه اردعلى القصائد

وفعلاً القصيده نالت اعجابي
وننتظر جديدك

آخرة العنقود

أختي آخرة العنقود
أولا صباح الخير ,, ومشكور على ردك ....

والعنوان لمجرد لفت الانتباه لاأقل ولا أكثر,,,,شاكر لك على ردك ,,, وتقبلي مني كل الاحترام,,,,

أخوك
ابو عبدالله
وفاء الحب

ابو عبدالله صح لسانك


والله لايحرمنا منك


قصيده رائعه جداً


لا تحتاج الى تعليق


تقبل تحياتي

ابوعبدالله

حقا ابدعت وابدعت وابدعت

وصف رائع

وصف جميل

كلمات تستحق التصفيق

رائعه

واكثر من رائعه

من شاعر ولا اروع

سجل اعجابي

عبدالله الرقاص

دمت اخ وصديق

ابو عبدالله قل الي ودك تقوله

مايلومك غير الخبل والقصيده رائعه

ولا عـد مناك

اخوك هوال