مكانك مكانك
 

أموت من فرقاك .. و أموت بلقاك
........وأموت من جورك .. و أموت بحنانك

كلٍ قضاه يموت مرّه .. و يفداك
............و أنا أموت ألفين مرّه .. عشانك

أذكرك.. لا مني نسيت إني نسيتك
............أنساك .. لامني ذكرت نسيانك

رضيت أنا بالهم لرضاك مرضاك
........و ارخصت لك قلبٍ جرحته .. وصانك

أجيك في صدري عتاب .. و أبجفاك
.............و أرجع ألوم الوقت و أقول خانك

أحب فيك .. احساسي إني بلاماك
..........في عز خوفي منك أحس بأمانك

عجزت أفرق بين وصلك و فرقاك
...........ياللي عطيت الناس بيدك عنانك

مر تجــــيــــني لين أقول إنـــي إيـاك
.......و مر تروح بعــــيـــــد و انسى أوانك

أقبل و تقفي .. و اعتذر عن خطاياك
..............و أقول ما عييت .. عيا زمانك

و إن خانتك دنياك .. أو خنت دنياك
..........إرجع و تلقابي .. مكانك.. مكانك


كلمات رائعه للشاعر ((طلال العبدالعزيز الرشيد))

انشاء الله يعجبكم الاختيار






*8 *8 *8 *8

الهاجري


اختيار رائع


وجميل

هذى يدل ذوقك الرفيع

قصيده للشاعر (( طلال العبدالعزيز الرشيد))

رائعه من راوئع الشعر

تقبل احترامي

مساء الخير اخوي الهاجري

الله الله عليك كلمات في قمة

الروووعه واسلوووب راقي

بالكتابه لك مني كل تحيه واحترام

اخووكم \\ الـــــــغـــ كـلـة ـــــلا

مسعد المطيري


هلا وغلا بمشرفنى الغالي , تسلم اخوي والله لايهينك على المرور والمشاركه





تحياتي لك

الغــ كلة ـــلا

هلا وغلا والله , مشكورررر على المرووووور والمشاركه


تحياتي لك