منتديات الـــود - ترى موتي ولا موت المشاعر(2)

تــــــــــــــــابع ترى موتي ولا موت المشاعر00

< اها ومنهي البنت ذي يافيصل ..> <هيا ياعبدالعزيز هيا ولاغير هيا الي دخلت قلبي ..>

ويقف لحظه عبدالعزيز عن شرب الشاهي.. وترتفع عيونه الى اعين فيصل.. ووعلامات الاستغراب منعقده على حاجبيه..
<..صادق؟؟> < كم مره قايلك منيب كبرك .. عشان امزح معك؟.. تصدق صدق؟؟..> < عاد والله تستاهل هيا تنحب ..> <انا اشهد انها تنحب ياعبدالعزيز .. عاد البنت من جد اعجبتني .. عاد تصدق قبل لاجيك كنت عندهم .. اسلم على خالي حبيبي لاحظ اسلم على خالي لاتقول شي ثاني ..> <هههههههه .. يووووووه ذكرتني فأيامي اول ههههههههه .. والله وصرت تحب يافيصل .. عاد شفتها ولالا ..> <الا شفتها وهي الي فتحت لي ودخلتني للمجلس .. وجابت الشاهي .. وجلسنا انا وياها سواليف وضحك .. عاد تخبر انت نظام عايلتنا فري وبقوه .. بس قسم بالله مافيه بنت ارتحت معها مثل مارتحت مع هيا .. وبعديييين جا خالي عبدالرحمن .. وليته ماجا وجلس معنا وتقهوى عاد انا استناه يروح بس ماش ناشب فالأرض شكله .. واستحيت على وجهي واستأذنت منهم وفوق روسهم علامات تعجب زي ذيك الي بالكرتون .. كنهم يقولون غريبه زايرنا ..> < والله لو اني مكان خالي عبدالرحمن لقولك انت ماجيت الا وعندك شي انت يافيصل بالعيد يالله يشوفونك مو عاد تجي تقهوى عندهم !!!!..> <لا شكلي اليوم بنام عندهم بعد خخخخخخخخخ ..> <هههههههه الله يرجك يحقلك فيصل هذا الحب الي اول تلومني فيه وتقول انه مايجي الا بالأفلام المصريه ..> < ماتدري .. صرت بطل الفلم المصري الجديد..((فيصل وهيا))وأخراج خالي عبدالرحمن ..> <ههههههههههههه .. المهم بس هاه وش ناوي عليه ..> <والله مادري انا جايك ابيك وانا داري انك تعرف هيا زين وابيك تقولي كيف اقدر اتقرب لها ..> <اممممم والله يافيصل مادري عطني فرصه اشوف البنت وش تميله اكثر ووشلون توصلها وتوصل لقلبها ..> <والله ماتقصر يابو عابد ..> <لا وش دعوى حبيبي خلاص عطني وقت واردلك خبر ..> <اوكي اجل انا بمشي الحين ..> <وييييين تونا استرح يارجال ..> <لااااا بروح مواعد خالي ..عازمه ..> <هههههههههههه اقول اقول روق يافيصل ترى مافيييييييه شي يجي بسرعه اصبر يافيصل ..> <هههه.. لا ماعليك خويك ذيب.. يالله فمان الله

وبــعد اسبـــوع من مولد العاشق الجديد..
وبعد اسبوع من دخوله لدنيا الغرام..
حدث هذا الموقــف.. الذي زاد من ولع فيصل..
واقاد شموع الشوق التي اضرمت النيران في قلبه..
كان الوقت يميل الى الغروب.. وشمس النهار تلوح بخيوطها مودعــه,..
كان هنالك عاشقيـن .. ينظرون الى هذا التحفه الطبيعيه من الخالق..

قاطع السكون وكسر حاجز الصمـت فيصل.. قائلا..:
<ماتدري اليوم ياعبدالعزيز وش صار ..> <وش صار ..> <اليوم وانا فبيت جدي لقيت كل العالم موجودين .. المهم دخلت بالغرفه الي جمب المطبخ عرفتها ..؟؟> <ايه عرفتها ..؟؟> <دخلتها ولقيت فيها هيا وواضح على شكلها انها تعبانه .. وانا ماصدقت فزيت وقلت لها وش فيييييك هيا سلامات .. ردة قالت لا بس فيني صداع .. تصدق ياعبدالعزيز وقتها بغيت اقطع راسي واعطيها اياه بس خفت اموت ..> <ههههههه اي والله صح يمكن تموت هههههههه المهم كمل ..> <اقولك قلت لها طيب خليك ارتاحي بروح اجيبلك بندول .. وانطلقت رحت جبتلها بندول وجيتها واعطيتها الحبه .. ورحت جبت لها مويا .. ومن بعدها ماطلعت من بيت جدي الى يوم قالت لي خلاص الحمد الله طبت .. وطامنت عليها ورحت وجيتك عاد ..> <ياحليلك يافيصل والله وصرت تحب .. المهم اسمع لقيتلك طريقه تقدر تقرب فيها من هيا ..> <ياليت تقولي اياها يا عبدالعزيز ..> <عن طريق الأنترنت سولها اضافه من ايميلك وتقربلها لين تجي الفرصه وقلها عن مشاعرك ..> <انت تشوف كذا ياعبدالعزيز ..> <ولا اشوف غير كذا يافيصل انا اعطيك ايميلها وانت توكل على الله تراها موجوده عندي فالأيميل ..> <طيب عبدالعزيز ترى مالها داعي كذا اسوي لها اضافه من الباب للطاقه ..> <لالا هي موجوده عندي فالأيميل اليوم اذا شفتك بدخلها معنا وانت سلم عليها وخذ ايميلها .. وكذا ماتصير ذبيت وجهك على البنت ..> <حلو حلو خلاص اجل اليوم الساعه 12 بالليل الوعد على الماسنجر ..> <خلاص اوكي ..>

وفعلاً الساعه 12 بعد منتصف الليل..
http://kk5.jeeran.com/1.jpg
http://kk5.jeeran.com/2.jpg
http://kk5.jeeran.com/احم%20كح%20كح.jpg
اليــوم ..: الخميـــس الوقـــت ..:6,30 صــباحاً

فيــصل..
<ألوو هلا ابو عابد .. اقول..> <هلا فيصل ..> <قسم بالله احبها ياعبدالعزيز .. والله ماتوقعت فيوم اني احب بنت قد ماحبيت هيا .. والله صرت وانا اظحك افكر فيها وانا آكل افكر فيها .. وانا اسولف افكر فيها .. وقدام عيني صورتها .. مادري انت مثلي ياعبدالعزيز ..> <والله يافيصل انا مثلك واكثر بعد .. هذا هو معنى الحب .. الحين اقدر اطمن على بنت خالي لأني عرفت انها بين يدين واحد يحبها ويغليها .. الله يوفقكم يافيصل ويجمعكم مع بعض انشالله ..> <الله لايحرمني منك ياعبدالعزيز لولاالله ثمن انت كان مادريت وش اسوي .. لكن ماقول الى الله يقدرني على رد جميلك ..> <المهم فيصل آمر حبيبي ..> <والله عبدالعزيز انا حبيت اقولك اني اضفت هيا عندي بالماسنجر اليوم .. وانشالله عاد اشوفها اليوم وبخش معها سواليف وزي كذا عرفت كيف ..> <اوكي فيصل انت اليوم سولف معها وحاول تتقرب منها كثير وردلي خبر بس انتبه لايطلع من لسانك كلمه غلط .. الكلام الي تقوله اول للبنات خله عنك .. وردلي الخبر أول بأول ..> <ربك يعين ابو عابد الا تعال نروح نفطر ........ونتفاهم هناك>

اليــوم ..: الأحد الوقـــت ..:1 صــباحاً

http://kk5.jeeran.com/3.jpg
http://kk5.jeeran.com/4.jpg

فــيــصل..<عــزيــّز .. امس الساعه وحده بالليل كلمت هيا .. وسولفت انا وياها لين الساعه اربع ودخلت معها بسوالف غريبه من جد الى الحب وهو الحب تكلمنا فيه تصدق عبد العزيز قالتلي عبارات تأكدت انها بنت فاهمه فالحب ..> <اي والله هيا ترى فاهمه فكل المسائل طيب وش قالت لك مثل ايش ..> <مثل يوم قلتلها الحب اعمى ردت وقالت .."جعلوا الحب اعمى لأن له عيني افضل من عيوننا"> <اخس والله كلمة قويه يافيصل ..> <لا اسمع الثانيه بعد تقولك ياطويل العمر .."ان الحب خاضع لشريعة الموت لكنه لايموت حتف انفه وإنما يموت بيد من قتله"..> <ماشالله والله كلام موزون ترى على فكره هي تحب تقرا فتلقاها فاهمه بكل الأمور تقريبا .. هنيالك يافيصل والله على هالبنت ..>

بــعــد مضي شهـــر.. يراه فيصل اربعه اشهر من زاويه اللهفه..
ومن زاويه اللقاء.. لايكاد يراه يوما مكتمـــل..

فيصل .< اقول عبدالعزيز انا لي مع هيا الحين شهر كامل وعلاقتنا احلى من الحلو .. نقعد مع بعض على اربع خمس ساعات وكلها سواليف ولا يوم من الأيام طفشت من كلامها او كان كلامها معيود .. لكن اللي ابيه انا ياعبدالعزيز اني اقول للبنت اني احبها لكن ماقدر قسمن بالله البنت ثقل ياعبدالعزيز .. كل ماجيت اقولها عن الشي هذا استحي وتمنعني يديني .. ماقد شفت زيها والله .. لكن انا بطلبك طلب صغير .. مادري اذا ممكن ولالا..> <افا يافيصل ولايهمك حبيبي آمر انت بس ..> <انا الحين امون على البنت مره فكل شي لكن قولت اني احبها ذي عجزت لاقولها وابي مساعدتك ياعبدالعزيز ..> <اها طيب ولايهمك هيا انا اعرفها زين ..> <طيب تعال اليوم عندي ونتفاهم فيها ..>
وباللــيل.. وبعد العشااء.. ووعقارب الساعه تشير الى الساعه 11 ليلاً..

فيصل..<ايوه عبدالعزيز هذي هيا موجوده فالماسنجر قلي وش اقولها .. تصدق ياخوفي تكون تحب غيري ياعبدالعزيز > <لا يارجال بتحب غيرك مين مافيه احد الا انت وسع صدرك وشف يافيصل اطلب منها انك تبيها بكلمة راس .. او تبي تقولها شي ضروري وانك تبيها تسمع هذا الكلام لحالها ومايكون عندها اي احد ..> <طيب وبعدين ..> <وبعدين عاد قلها .. واتوقع انا انها راح تبادلك بنفس الشعور ..>

وجلــس فيصل وعبدالعزيز.. امام شاشه الكمبيوتر..
وفيصل كله حــماس.. وايضا عبدالعزيز.. كله حماس لاخيه.. وصديق طفولته وعمــره..
وهــذا ماحــدث ..........:

http://kk5.jeeran.com/5.jpg
http://kk5.jeeran.com/6.jpg
http://kk5.jeeran.com/7.jpg

فما كان من فيــصل.. الا ان ردد..

[url]http://songs.6arab.com/madda7..a7rejatni1.ram[/url]