|
اول قصه لي قصتي يوم كنت بسوق الخضار
بسم الله الرحمن الرحيم
بدخل الموضوع بسرررعه وبدون مقدمات مره كانت عندنا عزيمه بالبيت <<<<< بيقولكم راعين كرم وجود المهم تعرفون انتم الشياب اذا صار يبي يسوي شي يقلق اهلك مايروح عنك الين تنفذ الي يبي منك وانا عندي الوالد طول الله بعمره صاك السبعين سنه الله يخليه دخر لي ولاهلي وللعجوز المهم مابي اطول عليكم جا الشايب قالي ياتيس قم جب خضار وفواكه <<<< ثبتوا الثوار مسوي يمون تراه . عاد انا كنت نايم ولا لي نفس اقوم قلت له انشاء الله شوي وقايم هو عاد طلع من غرفتي وانا رجعت وولعت المكيف لانه صكه وكملت نومي وبعد حوالي ربع ساعه سمعت فتحت باب قويه وماشوف الا غبار الشايب عاد هو دايم يتدلع عن العجوز مسوي تعبان عندها ولايقدر يمشي انا استغربت يوم شفته صاك الطبلون قلت يلعن ابو الخرمات الي مدري وش تبي يوم دخل وعيونه مولعه شرار قالي يالملعون انا ماقلت لك تروح سوق الخضار وتتقضا لنا انا سكت وقمت لبست ثوبي ولبست شماغي وسريت للسوق الخضار الي بالربوه تعرفونه الي عند مخرج 14 مايحتاج اوصفه لكم يوم وصلت السوق اخلاقي قافله وموصله معي لاني لي يومين مانمت وتوني احط راسي وانام انا دخلت السوق وبديت اتقضا كوسه وباميه ولوبه ومن الشله هذي تعرفون عاد سوق الخضار كله تمسايح من قومي وانتم ماشين يوم خلصت متقضي الا اشوف هذيك الغزال الي تمشي ووراها سواق يشيل الي تشتريه عاد انا كانت اخلاقي قافله صحصحت طفيت الزقاره وعدلت تشخيصتي لان الي شافني هذاك الوقت يقول بياع غنم بسوق خنشليله الغزال كانت جالسه تشتري من سيارات الفواكه تعرفونها الكبيره هذيك الي اذا رحت لها مت من البرد يوم وصلت عندها سالت العامل قلت له عندك جوز هند انا سمعت ضحكه ههههههاي انا من سمعت الضحكه دخت قلت هلاااا والله قالت يلعن ابو القراوه جوز الهند صار جوز هند قلت بقلبي والله لو تقولين اني قروي من اليوم لبكره منك زي العسل عاد انا بديت اتميلح مع الهندي قلت صديق جب جوز الهند وجوز امل بعد عاد هي قالت ياشين الي يتميلحون انا قمطت ووجهي ضاع جاب الهندي جوز الهند يلعن ابو شكله غالي وانا مطفر توني متقضي ولا معي بالبوك الا عشرين ريال بس ولا اقدر اقول غالي لزوم البرستيج علشان الغزال الي عندي انا بديت اتميلح قلت بس بخمس وثمانين قال الهندي ايوه بس قلت للهندي ماعليش شف المتحظره هذي هي الي بتحاسب عليها لاني اصلا ماجيت اشتري لا جوز هند ولا خطيب منى انا جاي اطلب القرب والود وكزانوفا وجوريات ولا يهون هي جلست تطالعين بعيونها انا خفت قلت الحين بتلعن جد جدي بعدين قلبت عيونها على ابو هنود وقالت له الحساب علي انا عاد انتم شوفوني هذاك الوقت طاير من الفرحه ماودي اتفشل لاني مطفر ولا ابي هذي تحطمني قلت لها مشكوره وماقصرتي وانا اصلا ماجيت اشتري حتا جوز الهند ماعمري ذقته ولا ابي اذوقه بس مسوي برستيج قدامك يوم جيت ابمشي انا قلت لو تكرمتي ممكن تاخذين الرقم علشان نكون اصحاب واذا بغيت شي مره ثانيه ارسلك انتي بدال ماتعب نفسي انا قالت لي الشرف يابعد عمري انا من قالت بعد عمري ضيعت دورو زاحف عاد ضعت بين البرتقال والتفاح طلعت كمثرا سمراء عطيتها الكرت حقي عاد انا كنت مزهب كرت رهيب قطعت من كرتون الطمام وكتبت الرقم وبيتين شعر من اغاني بشير شنان يوم جيت ابمشي ناظرتني بعيونها العسليه وقالتي ياقلبي انتظر مني الو اليوم قلت وانا بصير شركه الاتصال وابنتظر منك الو واانا ماشي راجع للسيارتي تعرفون معي ددسن غماره ولا ابيها تشوفها لاني كنت جالس افقش عليها معي فياقرا ومدري ايش وانا ابوي مدير عام وامي دكتوره بجامعه الملك سعود واخوي عقيد بالحربيه وانا ادرس طب يوم وصلت عند السياره ماش لقيتها للحين تطالع فيني خفت اركب السياره تقول هذا عايش بالغرابي كانت فيه لكزس يمين سيارتي رحت انا عندها وعلى بالي افتح الباب يوم شفت انها لفت وجها وتشوفوني انسدح على بطني وازحف من تحت السياره واروح للروز حقتي واركب فيها يوم ركبت وجيت ابمشي حسيت بظربه قويه مع ظهري انا طمرت ولا ادري وش السالفه مادريت الا الشايب قدامي وعيونه مولعه تقل جمره غضا ويلعن ويسب فيني يالي فيك ومافيك انا من زود القهر الي فيني قمت وبديت العن فيه واسب وقلت له والله لو تطامر مار وح لا لسوق الخضار ولا غيره الشايب يوم شافني عصبت خاف هو قال نم وانا ابوك ارتح اهم شي عندي راحتك انا اروح عنك يابعد قلبي تعرفون الشياب الخوف يمشي فيهم الفين راح هو سوق الخضار وليومكم ماشفناه اخاف اقول لاهلي الحلم يلعنون الطاهر مابي قلت اسكت واسوي سيرتش عليه ماخليت مكان مادورت عليه درت على الرياض كلها مالقيته حتا القوقل والياهو درت فيها بعد وبرضه مالقيته الرجاء الي يلقاه او يعرف عنه شي ابلاغي باقرب فرصه اسف على الاطاله ولكم مني تحياتي واشواقي |
| الساعة الآن 01:55 AM. |