|
ممكن تعطوني رايكم في الشات
السلام عليكم ...
اعرف ان الكثير منكم يعتبر الموضوع سخيف بس ابي اعرف رايكم ..... بعضهم يقول ===> ان الشات شي عادي وهو مجرد مكان للتعرف .. وانه وسيله للترويح عن النفس والبعض الاخر===> يقول انه كلام فاضي يضيع الوقت ... او انه شي خطييير فهو في البدايه تكون مجرد صداقه ثم تتطورالى حب ...الخ رايكم مهم بالنسبه لي ... |
صباح الخير اخوي المخلص
الشات عندنا كلام فاضي ونادر من يستغلها للمفيد( وجهة نظر ) واستغلت من قبل الكثير لقتل الفراغ . واضيف على سؤالك ؟؟؟؟ اللي تعجبه الشات يتكلم بصراحه ايش الفايده اللي حصلها منها يمكن يقول للنقاش المفيد الحمد لله المنتديات ما قصرت من الناحيه هذي وبأسلوب راقي . ومشكووور اخوي المخلص |
وعليكم السلام ورحمت الله وبركاته
أولا :الموضوع مهو سخيف بالعك الموضوع ممتاز
من وجهت نظري وكلواحد له وجهت نظره الخاص أنا شايف أنه الشات أسرع طريقه لأتعرف وأعرف في الشات حبايب كثيرين نتكلم مع بعض ونساعد بعض في أي خدمه وفنفس الوقت نتونس مع بعض سواء في الحش والمزح بدون ما حد يزعل من الثاني وأنا معاك أنه أوقات مضيعت وقت يا أخ بدون زعل لكن أنا شايف أنه الفايده أكثر من الضرر والله يعطيك العافيه بس أبي منك طلب يا مخلص خليك واثق من اللي راح تكتبه |
صباح الورد والياسمين
اولا انا ما احب شي اسمه شات .. لأنه دمار..
صج ان الناس تتعرف على بعضه بطريقه سريعة مثل ما قال اخوي سلطان .. لكن بعد هذي اضراره اضرار اول ضرر انه يفسد الشباب والبنات... انا صراحة مرة حبيت اجربه ودخلت .. على طول شباب يدخلون على الخاص وهات غزل وكلام فاضي .. وشنو رقم موبايلك وايميلك ابي اسمع صوتج .. وهذا اكبر فســــــــــاد يقضي على شبابنا.. وهذي خيانة لأهل البنت واهل الولد.. وبالأول معصية رب العالمين.. ولا تقولون لا هذا الشات يما ورا مصايب.. وياما ورا خراب بيوت .. انا ما أأيده بتاتا".. وهذا رأي في الموضوع ..واتمنى ان تتعتبرونه وجهة نظر .. يعطيك العافية اخوي المخلص على طرح هذا الموضوع.. تحياتي للكل اختكم الفجر |
والله يأختي الفجر البعيد فهمتيني غلط في غلط أنا
كنت أقصد بأسرع طريقه لأتعارف ما كنت أقصد التعارف بين ولد وبنت أو العكس أنا أقصد بين الشباب من ولد لولد ونتونس مع بعض ومرات نتونس على البنات والله ما أفكر في الحب ولا التعارف على البنت والله يعطيكي العافيه |
مساء الورد والياسمين
ما فهمتك غلط والله.. فهمت مثل ما تقصد ولد لولد .. بس انا حبيت اوضح رائيي عن طريق كلامك ..
ولا تزعل مني مسامحة.. وانت اخ عزيز وغالي.. تحياتي لك اختك الفجر |
| الساعة الآن 08:36 PM. |