عطيني باقي اسنينك وعذاب الحب والوانه
خفوقي يعشقك كلك عسي الايام تصفى له
حروفي ترتجي وصلك غريب همه اوطانه
سحابك يروي الضامي وعيني دايم اتخيله
سنيني تحضن ايامك وتنهي الجور وازمانه
وتشعل حلم اشواقي شموع الحب في ليله
عيوني تعشق اطيوفك من اجل الطيف سهرانه
وتطوي ياس ظالمني طعني بخنجر اشيله
بنيت من الاماني قصور دفنت الماضي باحزانه
تجدد فيني اطموح دروب العشق تضوي له
لعيونك ارخص ايامي وحب ارضاك يا فلانه
عشقك احساسي الوافي يصون الحب يوفي له
ربيعي شوفه اعيونكعيونك حيل نعسانه
تاسر تذبح العشاق يشكي القلب من ويله
حضنتك ارتعش قلبي يهز الوجد اغصانه
جبرتي خاطري المكسور كسرتي الحاجز ابحيله
رسمتي افراح احلامي سقيتي عروق ضميانه
وحضنتي جرحي بصدرك شفاه الصمت تحكيله
خذيني ارهين بيدينك اسيرك يا اغلي انسانه
تراك احساس ساكني خطاي بشوق تمشيله

السلام عليكم ...

مرورك علي مشاركاتي هي دافعي للاستمرار ..

واشكرك جزيل الشكر ...

بعض الوجيه تشوفها كل ليله

لا شوق لا موعد .. لكنها اقدار

وبعض الوجيه تغيب غيبه طويله

لكن لها في الخفوق حشمه ومقدار

ودمتي ..

السلام عليكم ...

حياك الله اختي عابرة سبيل ...

ويعطيك الف الف عافيه علي مرورك الكريم ...

تقبلي خالص تحياتي ..

اخوك عاشق ..

السلام عليكم ..

حياك الله اختي ريمية نجد ..

اشكرك علي مرورك الكريم علي مشاركتي المتواضعة ..

واشكرك علي اطرائك الجميل ..

وتقبلي خالص تحياتي ..

اخوك عاشق ..