يلوموني .. اول مشاركه لي معكم من كتاباتي ..
 

صدقني انت
أول أحلامي ..
وأنت من ملك قلبي
وأيامي ..
وأنا دونك بقايا
من بقايا إنسان ..
صدقني حياتي صعبه
من دونك
شظايا كلها حرمان ..
تعبت اكذب على نفسي ..
تعبت اعزف على وتر الوله
حسي ..
حياتي موجه حيرانة
فلا تهدى ولا ترسى ..
يمر الليل بحزانه
وأنا جالس على الكرسي ..
اسطر لك هيام الشوق بشعاري ..
يمر الوقت وأفكاري
تجادل رغبة أفكاري ..
عجزت ألقاك ، عجزت أنساك ..
يا ساكن في هذب عيني
تذوقني لظا فرقاك ..
وتجرحني ، وتذبحني
تلوعني وأنا أهواك ..
منو يرضى يعيش بروح مكسورة ؟ ..
رغم إني عرفت الهم في حبك
ولكن ضلت الصورة ..
بقى حبك نفس يسكن شراييني ..
بقى اسمك طبع فيني ..
بقت روحي على روحك تناجيني ..
تعال أرجع ..
اغني لك أغاني الشوق واتولع ..
إذا اسمع شعر يحكي عن الحرمان
تسيل دموعي وأتوجع ..
تعال ارجع ..
صعب بعد السنين الحلوة نتودع ..
يا محبوبي أبكتب لك
لآخر قطره في دمي ..
أبكتب يمكن الأشعار
تساعدني على همي ..
أنا شيدت لك عمري
وعشت الحلم وأنت يالبدر يمي ..
صبحت أنت معاني هالفضا والكون ..
يلوموني على حبك
وأنا المجنون ..
أقول أنساك وأنساني
وأظل وسط الهوى مفتون ..
يلوموني ولو يدرون ..
بأن العمر فدوه لك
تمون أنت وهواك ايمون ..
يا لون الورد في طله صبح
هيمان ..
يا حبة لولو غرقانه
في محاره وقمر فتان ..
يا لون الثلج ابيض
انصع الألوان ..
منو مثلك مميز حتى بإحساسك ؟ ..
كحيل العين متواضع
وعطرك حتى بنفاسك ..
جبينك غيمه بردانه
وتاجك كوكب براسك ..
يا تاج الحسن في حسنك
ابد ما أنجبت حواء ..
في نبرة صوتك الحالم
موسيقى تطرب الأجواء ..
وخدك شمس فتانة
واسمك أجمل الأسماء ..
يلوموني ! ..
يبوني ابتعد عنك
هوى طيفك ينسوني ..
يا من لمتوا ترى عشقه
حياتي وروح مضموني ..
تلوموني
ولو شفتونه بعيوني ..
أكيد بتصبحوا مثلي
وعلى عشقه تعذروني ..

تسلم والله ماقصرت وهل من مزيد

شكرا على ردك واهتمامك وتشجيعك اخي العزيز ابو ثامر ..

تسسسسسسسسسسلمممممممممممم
أخوي المرخي.. أقول كم يوم والظاهر انك بتغطي عالمريخي..ههههههههههههه
بس بصراحة والله اكثر من رائعه شد حيلك وننتظر جديدك

أختك: حــ الود ــلا

مرحبا اختي العزيزه حلا الود ..
احم احم .. ترى انا مريخي بس البحرين وشاعر الحمد لله لي ثقلي في البحرين لي اكثر من ديوان .. بس فعلا اللي ما يعرفك ما يثمنك .. عموما سعيد بردك وبخفة دمك اختي الكريمه ..