الاستخبارات الامريكية
 

كنت في يوم من المراووووووووويت ...جالس في غرفتي المصونه.... وكنت اغوص بين امواج القنوات الارضيه...طبعاً ماعندي الا قناتين بس ... قناة السودان وقناة CNN ...كنت مبقق عيوني اتابع برنامج في قناة السودان اسم البرنامج ( كيف تصبح نشيطاً بدون تعب )...واللي يقدمون البرنامج كلهم منبطحين على بطونهم طبعا مايتحرك فيهم الا براطمهم ... حتى المايك طايح وقريب من براطمهم ....المهم حسيت اني في نعمه ... قلت اللهم لا شماته.... المهم غيرت القناة وضغطت على الريموت بأصابعي التى تلف بخياش ...وانتقلت الى قناة CNN .. وكان فيه برنامج اسمه( كيف تصعد الى القمر ) ... والله الفرق بينهم وبين موضوع السودانيين... المهم قطعوا البرنامج ... وجاء المذيع يقول خبر عاجل وهام ...... سوف تتم مداهمت ارهابي على الهواء مباشره..

المهم تابعت المداهمه الا والدوريات والاستخبارات والدفاع المدني .. والجوازات .. وحماية البيئه...كلهم مجتمعين في حاره... المهم الكاميرا تدور في الحاره ...انا شبهت على الحاره ماهي غريبه علي ... ودخلوا في شارع ... حتى الشارع والسيارات اللي فيه ماهي غريبه علي ... وشوي الا هذا بيت فسقان جارنا وهذي سيارته السيكل ....المهم قال المذيع هذا بيت الارهابي وحط الكاميرا على بيتنا ....المهم سمعت ناس يقولون سلم نفسك ولا تقاوم البيت محاصر بالدبابات والمدافع ... وشوي الا يوم كسروا الباب ودخلوا عسكر لابسين اسود معهم رشاشات وطرطعان وشروخ و قنابل مسيله للخشم ... سلم نفسك ولا تقاوم الاستخبارات المركزيه...( على بالي اسواق مركزيه )....

المهم جاء واحد من العسكر ورفسني وصفقني بالرشاش على جبهتي ...وطحت مغمى علي ..ماصحيت الا وانا في زنزانه متر في ربع متر ... جا عسكري وطلعني من الزنزانه وسحبني مع خصلات شعري الناعم الى غرفة التحقيق ...الا وذاك الضباط المجتمعين ..ههههههه كلهم علشاني ... حسيت اني مهم ... اول مادخلت كلهم قاموا .... حلفت عليهم قلت والله ماتقومون .... جلسوني على كرسي خاص ... وبدا التحقيق معي

الضابط:- اسمك وعمرك ؟؟
انا :- اسمي خعاخع ولد ابوخعاخع آل متعافي ... عمري 26 خريف
الضابط:- الى اى منظمه تنتمى ؟؟؟
انا :-انتمي الى ابوي ... وشوي الا والصفقه مع علباي ..
الضابط :- بلا استهبال وجاوب على قدر السؤال ...
الضابط :- اين كنت في يوم 21 اغسطس آب ؟؟؟
انا:- اعذرني ماعندك سؤال ثاني ... وشوي وحط الرشاش عند راسي يقول تجاوب ولا يكون اخر يوم في حياتك
انا:-طيب ممكن اتصل بصديق ؟؟؟
قاموا الضباط كلهم وعينك ماتشوف الا اللمبه ... اللي يشوت واللي يرفس واللي يتوطاني
المهم فقدت الوعي وما صحيت الا في المستشفى... فتحت عيوني الا والضباط مجتمعين عندي


ويتكلم واحد من الضباط :- وين كنت يوم 21 اغسطس آب ... قلت :- كنت في سوق الطرطعان اشتري شروخ وقنابل مسيله لشعر..رد علي الضابط وقال وين وديت القنابل ... قلت عطيت اولاد اخوي القنابل ..قال الضابط لا تستهبل ...اعترف احسن لك... الاقمار الصناعيه رصدتك عند السفاره الامريكيه ليلة العيد.... المهم واتذكر ليلة العيد واتذكر واتذكر ... واسترجع مذكرتي .. حتى ذكرت اني كنت ليلة العيد مسير على واحد من الشله بيته قريب من السفاره وكان موصيني بشروخ وطرطعان يبيها هديه لعيال ديرتهم القراوى ..المهم الضابط صدقني وقال اصلاً وجهك مايدل على انك ارهابي وجهك يدل على انك دلخ ولاتعرف في السياسه شي المهم رجعوني للبيت واغير القناة الى قناة السودان ... وارجع لبرنامج كيف تصبح نشيط بدون تعب ... الا والكاميرا مثبته على المذيع والضيوف اللي معه.. وهم نايمين... حتى المصور نايم ................