|
۩ قصـــة » واحد سكن جنب مدرسه..
قصـــة واحد سكن جنب مدرسه.. وتدور أحداث القصه قبل بضع سنوات وبضع ايام وبضع ليالي يوم اني اضطريت اني ادور سكن وبعد كر وفر و دخلت الشقه وانا مزهو بنشوة الأقحوان والعنادل ترقص في فضاء الشفق وهي تغني سكري يا ورده فتحي يا ورده و انا مبسوط قاعد اغني لين ما اشرق الفجر و بعد سبع دقايق من وضع راسي على المخده كنت على موعد مع الكارثه المأساويه قمت مفزوع وشذا يا عيال زلزال ركزت شوي و اذا والله الدعوه طلعت النشيد الوطني بصوت بزران ابتدائية البنات اللي جنبي لا حول قلت يا ولد خلك انت الكبير و اصبر لين يقضي الطابور وكل بزر يذلف على فصله لكن هذا كله تسخين ههههههههههههه لان الوناسه بدت يوم دخلوا البزران الفصل المقابل لغرفتي يا ربي وش سويت بدنياي تصدقون انا لي عشرين سنه وانا ادرس ما حفظت سارعي الا يوم سكنت بالشقه و ياليتها جت على سارعي حفظت كرتي كرتي ما أحلاها و هري يلعب فوق السطحي بس ما انجن وتفلت أعصابي ألا اذا دخلت أبله منيره فصل ثاني جيم ( اللي هو الفصل اللي جنب غرفتي ) لأن ابله منيره تعشق الزعاق عشق جنوني و هذا يعطي البنات دفعه معنويه فيصيرون يزاعقون اشنع من أي وقت مضى هذا بالأضافه لأن ابله منيره تخلي البنت تعيد النشيد من أول اذا اخطت بعد السنه الأولى تأزم الوضع لأن اول كانت ابله منيره تسيير على الفصل في اليوم حصه و لا اثنين الحين الأبله صارت المشرفه على الفصل و مبلطه كل الوقت وداقة لها خيمة بوسط الفصل في السنه الثانيه صار عندي تبلد حسي خصوصا بعد ما بديت استخدم سدادات الأذن بالأضافه وصار عندي شعور غبي هو اني حسيت اني ساقط وعايد ثاني ابتدائي ( طيب على الأقل غيروا و حطو جنبي ثالث) لكن في السنه الثالثه بديت اخش جو صراحه ( الشكوى لله ) وصار عادي انك تشوفني ماشي في الشارع وانا اغني في مدرستي دار الحب ..... العب اجري انا وصحبي لا وتدرون متى اكيف الى منه دخلت ابله منيره الفصل وقالت السلام عليكم عاد ارد انا مع البنات ونقول وعليكم السلام ورحمة الله وبركاتة |
يعطيج العافيه قلب الزهور ع الطرح والمجهود
عساج ع القوه ننتظر جديدج القادم |
اقتباس:
يمرحبا بك هلااااااااااااااااوغلااااااااا يسعدلي قلبك ويسلمووو وربي على الحضور الرائع بصفحتي تقبلي شكري وتقديري واحترامي مع تحياتي :قلب الزهـــور .. بباي http://www.sheekh-3arb.net/3atter/di...s/image366.gif |
| الساعة الآن 08:39 AM. |