|
ســــــــــهاله يارووح الهوى
سيف الحزن ساطي وقاسي و قطاع= والحال ماعاده على خـــــــبر حاله ضاقت بي فجوجن عريضات ووساع= واليا دلهوا الاجواد مانــــي بداله كنا الشقا لي روض والضيق مرباع = خطوات فكري بين جــــاله وجاله اجر صوتن ما وحى حسه اسماع = وابتل على دربي ســـــوات المحاله ياخذني الهاجس على شي قد ضاع = بعيوني الرجعه علــــــيه استحاله وارقع غلا ما نفع فيه الترقاع = لو شفتهم طروا ســــــلوكه وشـــــاله ما يجمح لســاني وانا حيل ملتاع = اقــــول ياروح الهواوي ســـــهاله اللي لقا له مدهلن بين الاضلاع = وحضن بيـــــــمناه الخفوق وشماله اذواد عشقي له معاطيش وجياع= لو هو طلب صــــعب المطاليب ناله يومه رفع في بحره لودي شراع= صاد الوله واصبح شــعوري حلاله لعيونه ااسهر ليل واون وارتاع = ولا تكدر نسمة البـــعد بـــــــــــاله واليوم قفا بس خلا لي اوجاع = وشمس الحقيقه ما حجبـــها ظـــلاله كنت احسبه للشوق يذعن وينصاع= شب الجفا والهــــم ركــــد دلاله وكنت احسبه للهم رادع ومناع= لقاني ســـــيوفه وطعنة ســــــــلاله ياليت تدري الغيم عن لهفة القاع= ما كان شـــــحت بالحقوق وخياله الا ياليت البدر ما عود شعاع = كدرعيـــــــــــون اللي يوده هـــــــــلاله عندي الوفاء مايقبل انصاف وارباع= يامن تحسب حروف هرجك جماله طبعي كذا والخلق تعرف بالاطباع = من هد حبه مال قــــــــــــلبي وماله كانه لغيري راح ولودنا باع= ببيع وده مير ما ابــــــــــــــــــــغى بداله |
الله عليك يا خالد
قصيده في غاية الجمال ما أروعك حين تجمع بين الحكمه والوصف وعمق الشعور لتخرج لنا ما يدهش عقولنا ويحرك احساس قلوبنا تستحق التثبيت لا تبطي علينا |
| !! |خالد السنحاني| !! | مأروع قلمك حين يصول ويجول بين الكلمات تختار الحروف بكل أتقان .. تصيغ لنا من الأبداع سطور تُبهر كل من ينظر إليها .. دمت بخير .. شمس القوايل |
خالد السنحاني
لله درك وصح لسانك مدد تقبل مروري يالجزل |
اقتباس:
قبل الرد الحمد الله على السلامه يا خالد همس القوافي مشتاق لقصائدك طالت الغيبه شكر جزيلا للطرح القيم وصح السانكيا خالد ننتظر المزيد من ابداعالقصائد الرائعه سجل ذروة اعجابي في رائعتك وارفع قبعتي احتراما لقلمك تقبل مروري المتواضع تحيتي وتقديريلك |
شاعرنا القدير خالد صح اللسانك ولاهو غريب عليك الابداع لاهنت يابعدي |
بيض الله وجهك حظور تنحني له الحروف خجل
صح لسانك ملايييييييين وعلاشانك لاهنت على الحظور الطيب والمميز ودي وتقديري |
الله عليك يا خالد صح لساااانك ترليون وبيض الله وجهك |
| الساعة الآن 03:34 AM. |