|
شوفوا محروم الود وش ((يبيها))
ابيها عقد من فضه وابيها عقد من الماس
وابي غالي الذهب يـــبرق يحلي كل اساورهـا ابيها وسم في صدري وابيها رسم عالكراس وابي تكتب حروف اسمــي بصفحه من دفاترهـا ابيها وقت فعل الشر تكون لعقلي الوسواس وابيها وقت فعل الخــير هي اللي بس اشاورهـا ابيها تضمني بالحيل وعلى صدري تحط الراس وابيها وسط ذاك الليــل نجومي اللي اسامرهـا ابيها صوت يطربني يذكرني بصدى الاجراس وابيهـا كل لحظاتــــــي .. من اولهـا لاخرهـــــا ابيها اطهر العالم بعمره ما وطا الادنــــــاس وابي تقـهر جميـع النـــاس ولابــه شي يقهرهـــا ابيها دوم مبسوطه ابيها ماتشوف البـــاس ابيهـا تكــــون لـي ورده تعـطــرني واعطرهـــــا ابي تسكن وسط روحي ابيها اقرب من الانفاس وابي من غــير ماتـامر انفـــذ كل اوامرهــــا ابيها قصر في قلبي ابي ضلوعي تكون الساس وابي تفـرش قصـر حــبي بلحظــه من مشــاعرها ابيها تكون خاطرتي ابيها تكون لي احساس وابي انــا الوحيــــد اللي تحبـــه في خواطـــــرها ابيها تموت في نزفي ..تحبه حب بدون قيـــاس وابي لامن قرت شعـري تضيــع بحب شاعرها ابيها تعوضني ((بمحروم ودي)) بعطفها وحنيتها وابي لمتها تحسسني بدفا الايام ولوعتها |
أخي محروم*^*الود قصيده جميله ومعانيه قويها ولكن آخر بيت مدري كيف جبته يالغالي مختلف أختلاف كلي عن وزن وقاف الابيات اللتي قبلها صح لسانك وسلمت يمينك تحياتي لك اخوك الجذ111ب |
صح لسانك وسلمت يمينك على هذه القصيده
الجميله ذات الكلمات المعبره في معانيها ويعطيك العافيه ننتظر جديدك آخرة العنقود |
تسلم اخوي الجذاب على ردك الجذاب وملاحظتك ان البيت الأخير مدري من وين جايبه صحيح انا حبيت اعبر بشي عن اسمي وكان بالي مشغول وكنت مستعجل لذلك لم ارجع للبيت لأقرأه من جديد واشكرك على وجة نظرك
محروم الود |
تسلمين اختي اخرة العنقود على ردك الحلو والجميل ويعطيك الف عافيه على تواصلك معي
|
| الساعة الآن 05:30 PM. |