|
*,’ياحبيبي لجلك يطيح الحطب’,*
ياحبيبي لجلك يطيح الحطب عند منهو جاك والدنيا خلافه ياحبيبي وانت مابين الهدب لو سكنت النهضه وحي الصحافه ياحبيبي والقصيد اللي وجب مارمى ثوبه ولابدل عفافه ياحبيبي كل بيتٍ لارقب ينسكب عطره نهر(وانتي) ضفافه ياحبيبي والمعاني والأدب تنحنيلك طوع وتشيل الكلافه ياحبيبي والفرح عند الغضب ينهمر مابي وشتان اختلافه ياحبيبي واقبل حروف العتب لاذوى غصن وتمايل من جفافه ياحبيبي كل ماقاد السبب الحنان اللي فقدنا ... واللطافه ياحبيبي لاجرحت اللي تحب وانت غالي والجفا للحب افه ياحبيبي والخفوق وش قضب غير جرح وعمره اللي منك طافه ياحبيبي وش خذيت ومنحسب لافقدتك ماعلى الدنيا حسافه ياحبيبي وانت / نهرٍ / مانضب طاف بك قلبي وطول بك طوافه ياحبيبي / والغلا / ماينغصب عملةٍ ماتنتبدل .... باالصرافه ياحبيبي شفت وشلون الذهب لاحضرت غرامه يطيح ونعافه ياحبيبي وانت مكسب من كسب ياعيون اللي على[جسر الرصافه] ياحبيبي يالندى فوق القصب ياالقراح اللي ورى كنب اللصافه ياحبيبي ... وانت لله العجب درةٍ من دونها / حوت / ... ومخافه ياحبيبي يااطهر عروق النسب انت عشق اللي كتب فيك اعترافه الشاعر / سلطان بن عادي ,, |
يعطيج العافيه ملكة الرومنس ع الطرح والاختيار الرائع
ننتظر المزيد لاهنتي |
شكرا ملكه على النقل
قصيده رائعه صح السان شاعرها وناقلها لك تحيتي |
كل الشكر لتواجدك الغالي شمس القوايل والمميز هنا
ودي وتقديري |
كل الشكر لتواجدك الغالي ملكة الخواطر والمميز هنا
ودي وتقديري |
,, تَحَمَلِونْ بَيْنَ أَنَفْاسُكِم وَطَنْ اَلْإبدَاع مُتْرَفٌين بـِــ الج َّـــمَال والأَلَق لاعَدَمْنَا ضِيَاؤُكِم http://jp59.j.p.pic.centerblog.net/v39qw9pl.gif |
كل الشكر لتواجدك الغالي يحيى الشاعر والمميز هنا
ودي وتقديري |
| الساعة الآن 11:13 AM. |