|
*,’ياساقي الصده من عيون باكيه ’,*
\ ياساقي الصدّه من عيون باكيه وشفيك هـ الليله حزين المواري ؟ مشيت من درب العشم لآخر التيه وصبّيت في جوف الجفا لك طواري لا تظن هقوات الأمل بك : تقهويه ماقد تقهوى غير دمع السواري + من يوم راح : وكفّن الدرب رجليه ماباع له قلبٍ ولا اظن شاري ومن يوم راح : وصافح البُعد بيديه ما بان من ليل الوعد له محاري لا توقظه حلمه / ولا تظل حاديه خله يموت من العطش فـ الصحاري وإن جابتك صدفه لـ جُرّة خطاويه ابعد وقول الشوق غاوي وضاري وحين الرجا ينصاه عذر المشاريه سلّم وبلّغ حاجته : اعتذاري اطو الشراع وصُمّها آذان طاويه الريح يزعج صوتها بـ الصواري لو للبحر قانون يحمي البلل فيه ماكان اهدوا للبحر : جسم عاري ! |
يعطيج العافيه ملكة الرومنس ع الطرح والاختيار الرائع
مجهود مميز عساج ع القوه ننتظر جديدج القادم |
كل الشكر لتواجدك الغالي شمس القوايل والمميز هنا ودي وتقديري |
| الساعة الآن 07:05 AM. |