|
اريد من الجميع المساعدة والله يحفضكم جميعا
شكرا للاطلاع
اول اخواني انا انسان وقتي كلة بلانترنت كيف اساوي لكي اخفف من الوقت الي مضيعة بنت ولكم الشكر واشكر كل من وجة نصيحة لي ولا خواني الي حالهم مثل حالي |
.............
فعلا مشكله وانا بعد اتعرض لها
وبصراحه اتمنى انك تلاقي حل وبليز افيدنا او اللي عنده حل يساعدنا لانها فعلا مشكله تحياتي |
اخوي خالد
هلا وغلا حبيت بس اشير هنا الى اني تعرضت لنفس مشكلتك بس لقيت انها ماهي مشكلة لاني اساسا كنتفاضية طول الوقت فتلاقيني اربع وعشرين ساعه نت اقولك كيف اول شي اهتميت اكثر بدراستي ورغم اني ادرس بالصبح بالجامعه وبعد العصر بالمعهد والمغرب نادي الا اني رتبت وقتي وبهذي الطريقة قل دخولي للنت وغير كذا انت اكيد لو انك طالب فانت مهمل صح *8 اعذرني بس رد علي ابي اعرف شيهانه |
خالد .........اعتقد ان مشكلتك اصبحت مشكلة الجميع ولكن اعتقد انها تكون في البدايه ومن ثم تقل حدة التعلق بالنت ولكن اذا كانت الاوقات التي تمضيها في النت مفيده في تنميه نفسك فلا تندم اما اذا كانت غير ذلك فلا ...... لا ن الانسان يوم القيامه يسال عن خمس ومنها الوقت اين اضاعه !!! اخي اوصيك باداء الصلاة في وقتها لانها فعلا تعلمنا تنظيم الوقت واذا تعودت علي اقفال الجهاز والذهاب الي المسجد في كل صلاة سوف يساعدك تدريجيا بتقليل وقت ادمان النت اختك/// عابرة سبيل |
السلام عليكم ورحمة الله وبركاته....
الصراحة هذا مو ادمان.....هذي رغبة بالدخول له لانك طفشان...
يعني بالعربي انت اللي تفرض على نفسك النت... واذا تبي نصيحتي.........اقرأ اقرا كثير....روايات كتب علمية كتب تاريخية.....وصدقني تراها متعة... وبالنسبة لي شخصيا اقرا تقريبا روايتين او ثلاثة في الاسبوع...يعني تقلل من وقت الجلسة على النت.. واذا كانو اهلك مجتمعين لا تروح للنت اجلس معهم وحس بمتعة اجتماع العائلة.... واظنك قبل فترة قلت انك بتتزوج وزواجك قريب... يعني المشكلة انحلت....اقض اكبر وقت ممكن مع زوجتك وبيروح الوقت وما تحس فيه... اختك : مناير |
السلام عليكم ورحمة الله وبركااتة..... وبعد
هلا فيك اخوي خالد بصراحة هذا المشكلة يعاني منها الكثير منا ونقدر نقول ناتجة من اسباب الفراغ وانا بعد اعاني من هذي المشكلة وحاولت اني اقطعة بس ما قدرت ولاكن دخولي الى النت ما اسمية مضيعة للوقت لا بالعكس الى يستخدم النت لهدف معين او لثقافة هذا شي حلوو احسن من انة يضيعة في اشياء ثانية ما احب اركز على شي معين لاكن انا اقولك حاول تخفف من دخولك لنت او تشغل نفسك باشياء اخر تقدر تستفيد منها مثل... القراءه ... التصفح ... وحاول انك تجلس مع اصحابك او اهلك منها تشوفهم وتنسي نفسك عن النت ... ولله يكون بعون الجميع ... بااااااااااي |
شوف اخوي خالد
انا كنت مثلك مدمن نت في البدايه. ومثلكم عارفين احنا يا يا معشر الشباب مع الجديد. وربما مريت بنفس التجربه اخوي خالد وانتم كذلك قراء هذا الموضوع الشخص اول ما يجيب شي يجلس عليه حتى يقنع ويمل منه مثل الدش . والسوني ( البلستيشن)). وكذلك النت.... لكن النت ربما يسحر اكثر.وعلى ما قال الأخوان والأخوات. الصلاه هي خير من ينظم الوقت وهذي طريقه للتقليل من ساعات النت وانا ماشي عليها ولنفرض انك طالب اكيد من 7الى2 بالدوام بعدها تبي تجلس على النت اجلس الى العصر. تبي تنام نم اذا ما نمت عقب العصر مو مشكله خذ لك ساعه اعمل فيها جولها على موضوعاتك بشكل سريع ..او.. اذا كنت من هواة الرياضه. روح مارس الكوره مع الشباب المغرب اعتقد مافيه وقت بينه وبين العشاء اجلس مع الأهل صل العشاء..... عقبها على التلفزيون تابع لك مباراه اذا كنت من الرياضيين الساعه 11 اذا عندك واجبات اديها. شقر تشقيره اخيره على النت واذا عندك موضوع اكتبه. 12...از 1 ارقد وقم للفجر. واذا تبي ترجع ترقد مو مشكله....لكن بالمدن الكبيره مثل الرياض وجده اعتقد من الزحمه ما ينامون يا دوب يوصلوا مكان العمل... طبعا الخميس والجمعه. خذ راحتك طلع حق الأسبوع فيها. دون ترك الصلاه.. هذي خلاصة تجربتي.... *** نصيحه*** اجعل هدفك من النت هدف نبيل مثل الإستفاده من مواقع الدينيه او المنتديات الراقيه التي تنمي لديك القدره على التفاعل مع الجميع وكسب صداقات حقيقيه ولو عن طريق البريد. واحذر كل الحذر ان تجعل هدفك تخريب اجهزة الغير .....واعتقد ما احد يرضى يتخرب جهازه.... ............. رفيع الشان ......... |
| الساعة الآن 07:17 AM. |