منتديات الـــود - قصيده من العيار الثقيل

السلام عليكم ابيات للشاعرفاروق فهد شعيفان الكسر من العيار الثقيل

جافـيـت لــذات الـكـرى وانــت غـافـي
والليـل صـارن لـي غداريقـه احــلاف

مـن عـقـب ماهـفـت ظعـونـك مقـافـي
وابطيت اراعيهن على مـد الاشـواف

في راس رجـم اليـاس طـال اعتكافـي
ليـن افختـت عينـي جدايـدك الاسـلاف

واستلحق اللـي فـات شوفـي وشافـي
مشـاهـدٍ بـيـن الحـقـايـق والاوهـــاف

والا انـت يامـودع حـشـاي الحسـافـي
يامـن عليـك مـذوّب القـلـب مـزهـاف

يـالـيــت يـومـنــك نــويــت الـتـجـافــي
مـا اومـيـت يومـنـك تنـويـت بسـهـاف

ولا إلـتـفـت بـنــص عـمــرك خـلافــي
لين انثنـى ثوبـك علـى هـاك الارداف

مـلـت وجديـلـك كـنــه الـلـيـل ضـافــي
وراك يلـعـبـه مـــن الـنــود هـفـهــاف

مــــرٍ تـــــرده بـالـيـديــن الـسـهـافــي
ومـرٍ يشيلـه عـن مشاريـقـك الــزاف

ولـيــا تــرفــع واشــرقــن الـخـوافــي
عـن لبـةٍ توضـي مثـل بـدر الانصـاف

ومـعـنــقٍ لاســــود جـديـلــك مـنـافــي
عنـق الفريـد مخاشـرٍ فيـه الاوصـاف

وخــدٍ توهـجـر بـيـن سـمـر الـغـدافـي
وسلـة شطيـرٍ منهـا اللالحـاظ وجـاف

ودرٍ تــــلالا بــيــن حــمــر الاشــافــي
وخمـرٍ تكنـه بيـن مكـنـون الاصــداف

يصخـف دريـره منطـق ٍ منـك صـافـي
يامـصـخـفٍ قـلـبـي بـزيــن التـعـطـاف

ماتسـقـي الـلـي مـنـك ذاق الزعـافـي
السلسـبـيـل الـلــي يـجـمـنـه رهــــاف

عطنـي مـن الصافـي ربيـب الرهافـي
بـل الـرمـق لاتــودع الــروح بـخـلاف

لـوكـان فــي شـفـك خطـرهـا عـوافـي
انا اشتكـي حـالٍ ذوى غصنـه الجـاف

مبـحـر ولالــي غـيـر ثـغـرك مـرافــي
ياشوق من ياطا على جمـر ورضـاف

يـمــك شـفـايـاي الـعـطـاشـا مــلافــي
شفهن وضفهن يابعـد كـل مـن ضـاف

يـامـن جمـالـك لـــو تـغـطـى يـشـافـي
يجهر ويبهـر فالـورى كـل مـن شـاف

ويـوجـع ويــودع فالعـقـول اخـتـلافـي
ويشرق ويغرق في مفاتنـك الاطنـاف

ويسـقـي ويبـقـي فالـعـروق الجفـافـي
ويوهـج ويولـج فالمعاليـق الارهـاف

يابحـر موجـك فـوقـه السـحـر طـافـي
ومبحـرك مالـه فالغـواريـق مـجـداف

غيـر اعتـلاج الشـوق بـيـن المنـافـي
وطيـفٍ حشـا مازارنـي غيـره اطيـاف

لا لـيـه يالـلـي شـــاخ زيـنــك ونـافــي
ماهـوب حـقٍ تـودع الكـبـد مـرضـاف

وسـمـت قلـبـي وســم حــم الشعـافـي
والشـوق لارقـاب الرجـا فيـك زفــاف

يالجـوهـر الـلـي كــل مـافـيـك وافـــي
ياسـيـد النـوفـات فـيــك الـبـهـا نـــاف

مـافــيــك والله يـالـغـظــي مـايـعـافــي
حـد التناهـي مسـرفٍ زينـك اســراف

مايـسـتـره لـبــس الـنـقــا والـعـفـافـي
نــورك يخـلـي دايــم الـثــوب شـفــاف

يـامـوهــنٍ عــنــدك ثـقـالــي خـفـافــي
واسمن جسامي في بحر غيك عجاف

مــن دون وصـلـك يلعـبـن الـسـوافـي
حـتـى سـنـا الـبـراق مـاعـاد ينـشـاف

كفـيـت جــودك وانــت مـبـلـغ كـفـافـي
وشلون يامضمـي زعاجيـل الاشفـاف

يـازيـن مـالـي غـيـر قـربـك مـشـافـي
الا ولا ارجي غير شوفـك ولااشتـاف

دايــم ولـــك تـيــار الاشـــواق دافـــي
من مرهف احساسٍ يميل لك غرياف

شـوحــات فـكــري يـطـرقـن الفـيـافـي
واطول مسافة غربـة ٍ مالهـا اطـراف

بـيـنــي وبـيـنــك يـامـطــوي وجــافــي
يمنك المشاعر ماتبـي غيـر الانصـاف

يـامـلـهـمٍ حــتــى الـقـلــم والـقـوافــي
فـي غيـر وصفـك ماطـرالـي ولاقــاف

وهـذي طعونـك مثـل لــون الرعـافـي
يعـلـى رواقٍ خالـجـه ولــف وشـغـاف

وسلامتكم