--*¨¨*-- ( ذيــب الـجــبـــل ) --*¨¨*--
/
/
/

وجهاً تواجه به .. ولك وجه تخفيـه = وانا لك الله .. ما جهلت الخفايا
لاشك بعلنها واباقول يا هيه = وش لك بتفتيش الغرف والزوايا
جاملت وافهم كل ما اقول واعنيه =ولا يجهلك مغزاي واصل الحكايا
في يد صافحته وفي يد ترميه = يا لعنبوا قلبك خبيث النوايا
مدري وش اللي من فعايله يجنيه = لاصار في غدري يجازي غلايا
العلم له واضح ويفهم خوافيه = يفهم هدف قلبي وباللي ورايا
حبله علي من له زمانن يلويه = وما يدري انه ضايعن في دهايا
أضحك مع الجاهل واخاويه وأرضيه = واللي تغيباني عطيته غبايا
ابيه يظهر كل خبثه ويبديه = واذا ظهر كله يواجه جزايا
في ذمتي لأحرق بقلبك ولا أكويه = باللاهب اللي ينهمر من حشايا
في قافي اللي غامضاً في مساريه= جت لك خناجرها ولاهي حكايا
حاولت أعديها واغمض واعديه =لاشك زودها بعدة خطايا
روكب عليه بليس وابليس مغويه =وانا الخطاء كلي بوجهه خطايا
يا يوم يا يوم العتب والمشاريه= تجاوزت كل الغلا والتحايا
عندي تظاهر بالحلا في مباديه = والصدق عكس اللي يسوي معايا
كشفت لي شياً يزلزل روابيه = وانا اشهد اني لا انجضه بالكوايا
ما كل راعي وعد وعده يوفيه = وذيك الشظايا عندنا له شظايا
ولا كل مغلي مات من موت غاليه =ولوهي كذا ما كان باقي طنايا
"من عقب ابو نواف وامجاد ماضيه"=ما كان باقي للطنايا بقايا
ولا كل باغي يمتلك شي باغيه= ولوهي كذا عندي جيوش ورعايا
سنجار ما يرقاه يا كود راعيه = يالبيض والا يا بياض النوايا
راع السواد الاسودي ما ندانيه =ولا أتشرف في وجوده معايا
بعض الخلايق ينخدع في قوافيه= ما يدري ان الداهيه له دهايا
طرقت لي جانب ولو كنت ما بيه = عليه حدتني علوماً خبايا
وأن قلت انا يا فلان فـ / العكس ما اعنيه= يالورد خذ مني سيوفاً هدايا
أنا العنيد اللي عظيم الوفا فيه=الجود طبعي والكرم من رحايا
ماني بداني هالملذات تغريه= لي في ديار العز مليون رايا
انا شموخ الطيب وانا مباديه =ذيب الجبل وان قلت ذيب السرايا
وان قلت وين الطيب عندي دعاويه= عندي وانا من روس روس العطايا
أسقي ميامينه واسقي شماليه = ولا تمشي اقدامي دروب الردايا
ذيب يهابونه وتعجب مساريه = واذا سرى ما ياكل الا الشوايا
غير العقال اللي تمايل بعاليه =ما فيه ميله والهقايا هقايا
إسمع كلامي زين وأفهم معانيه=ما طلت أرضي كيف توصل سمايا
أولك دامه شين ينعاف تاليه=ما دام انا بالذل مالي مطايا
العلم جاك وكان به علم عطنيه = عشان اسوي فوق راسك سوايا