|
تبشروا يا عاشقين المثليا
السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين أما بعد : في غرة شهر جمادي الاخر اقام ابناء زقيحان بن دخيل الله الحنيني الحربي حفل بمناسبة قدوم كل من . ابناء الخليفه من الغيثه من قبيلة شمر وابناء طويل الرمح من الضواويه من قبيلة عنزة علماً ان هذه الافخاذ تربطهم روابط رحم وخولة وقد شرف الحفل عدد غفير من الحضور من ابناء القبيلة واليكم القصيده والذي تشرفت بالمشاركه بها عن جماعتي http://shml7rb.com/up/uploads/767060b9d0.jpg يقول من لا قال قال الجزليا = وما جاكم الا بالبيوت العذيه كل ما تعلا القاف معه يتعليا = شاعر وعنده للشعر مقدريه ماني بمنهو لا بغاهن بحليا= الشعر عندي دونه الروح ديه يغوص ببحور الشعر والمثليا= ويقطف من زهوره ويترك رديه روابعاً من راس ذيب الجبليا = ندر عليها البصمة الشمريه ان سمعه المحزون حزنه تجليا = تنسيه حزنه والهموم الشقيه قامت ترادم بالخفوق وهمليا = بالعذب والا الهزل ماني خويه قافن قطفته من غصوناً تدليا = قوي محكم والمعاني شهيه قافن يجي من غير نقص وخلليا = يزهابكم يا اهل البشوت الضفيه قافن يجي مثل الزهر والنفليا = وان هاض جاشي له تجيكم نقيه بالراس له لادار والا اشتغليا = صب الذهب باللوحه الهندسيه الفرض حكمه غير حكم النفليا= وما شفت ميت يبكي احزان حيه وميقاف مثلي ما يجيب الملليا = ولكل ظامياناً موارد وميه تبشروا يا عاشقين المثليا = بزهورها باللهجه الحايليه عداتنا قطف الزهر والزلليا = من وردها والزهرة السوسنيه نبدع اليا حل المجال وحصليا = ميقافاً يشرف عموم السميه ربعن كمالي باسمهم يسفهليا = حلو القصيد اللي لزوماً عليه ريف الضيوف ومن عليهم نزليا = أهل النفوس الطيبات الزكيه بلسانهم حتى الكلام اعتدليا = ولي طاب كيف الدله الشاذليه بلسانهم طاب السلام وشمليا = ربعا مشاهدهم هو املعنويه سلام يا جمعن بهم يكتمليا = الطيب والناموس والقابليه سلاماً أحلى من مذاق العسليا = والذ من جغمة حليباً هنيه سلام صافي كالقراح الزلليا = باسم الخليفه والوفاء للوفيه عد البروق وعد مزناً هطليا = واسقى يباس الارض واحياء خفيه او عد ما راع النياق أرتحليا = له لاح براقاً وقرر اوتيه للحاضرين أول ولأهل المحليا = اللي دعونا واعتزمنا مجيه أستقبلونا بالوفاء والدلليا = وبالطيب والترحاب وأجمل تحيه من طيب معدنهم عيال البطليا = أهل المكارم والنفوس الزكيه من طيبهم كلاً بناء يحتفليا = والله وعشر أنعام بأهل الحميه أهل الصيان اللي على طول مليا= وان جاهم المظيوم لا واهنيه اعيال من للطيب حاز وفعليا = زقيحان والافعال ماهي خفيه طيبه رفع ناسه ولا به خمليا = وفعايل اهل الطيب دايم عليه الطيب لو راعيه غاب ورحليا = ذكراها ترسخ بالنفوس الصخيه تبقى علوم اللي بطيبه نفليا = اللي يشوم عن الرداء والدنيه شبلا ومن صلبه نعد البطليا = اللي كسى شمر جميل وهديه بفصيدتاً به علم اللي جهليا = عن عز شمر والنديه نديه جاهم وعد اللي لقاء ما خجليا = من طيب ذاته والنوادر كذيه قلته وأنا بالمجد مجدي تعليا = من روس شمر تاج راسي وفيه عبدي / دغيري / غيثياً .. والنفليا = أني خليفي عزوتي فايزيه أبوي أبن فايز عدوء الجهليا = وعمي فضي يا حي راسه وحيه من صلب من لا هاب غيره صمليا= جدي فخر هالراس وانا سميه ويا كم من ربعي ظهر من جمليا = ندر حراراً والنوادر جريه محسن بدور وش جرى وش حصليا = علمه رقي فوق النجوم العليه مدحه بقول أعداه مبطي وصليا = وقولن بلا برهان عيباً عليه وخشمان ومحمد ومطلق نفليا = اعيان قوم .. وفيهم الغايريه وفريح باللي عن فعوله سئليا = عزايمه عن الشدايد قويه منه العداء تزمل وهو ما زمليا= ولو ابعددهم .. سراء الليل ليه وما دام ذولا عزوتي والأهليا = فأنا بعز ونار الأمجاد حيه وختامها عداد مزناً نزليا = سلام ربعي والشكر والتحيه |
صـــــــــــــــــح لسانك شاعرنا تسلم يدينك(ذيب اجاء)،،متصفـــــــــــــح مميز لاعدمنا ابداااااعك ودي وتقــــــــديري تقبل مروري المتواضع ع صفحتك المميزه""" |
تسلم الأيادي على الطرح الرائع
دمت بهذا العطاء الجميل ودي وأريج وردي http://www.3andna.com/photo/ToP/NiCE/3ANDNA_NICE15.gif |
هنا في ابياتها تشدني بسحر الحروف وعطر الكلماتها وتجذبني نحو الابحار من وصفها النادر وطلب التقرب من يعزهم وينشد لهم القصيده صياغتها متناغمه منسجمه فجرة المفردات تفجير استطاع ان يروض المفردات في هذه القصيده ويوضح لنا ويترجم بما يحول في مشاعره انك شاعر الابداع سجل ذروة اعجابي فيها لك جل تقدير والاحترام |
صح لسانك لين ترضى..
والله سبعة أنعام ولا تسدكم ياعيال شمرر..وكفوو بالعزووهـ الشمريه,, وبيضة وجه ربعك.. ولانت بحاجة مديح يالقرم.. مير مدري وش جاني يوم قريت القصيدهـ وشاش الراس وانا أخووك.. واعيد واكرر صح لسانك ملاييين,, تحييتي فهد الرووقي.. |
شاعرنا الكبير فايز الشمري .. ذيب اجاء صح السانك واعتلي شانك لاهنت ولاهان ذا المنطوق السنع ابدعت ماشاء الله يحفظك المولى نرقب المزيد من هالابداع دومااا تحياتي وتقديري شمس القوايل |
وعليكم السلام ورحمة الله وبركاته قول وفعل ياالشمري , واشهد انك مروّض القاف انا في حياتي ماقريت قافيه بهاالصعوبه اللي تكسّر الصخر والنعم فيكم وبخوالي حرب :) صح لسانك ولاتكفيك فائق احترامي وتقديري تقبل تواضع مروري دمت على عز ومعزّه |
شاعرنا القدير / فايز الشمري انه لمكسب كبير وجودك في همس القوافي نصوص مميزه وجميله للغايه وشاعر جزل لايجيد الا الجزاله صح اللسااااانك ولااااهنت وسلمت ودمت ونعم بحرب وبشمر وبعنزه وبجميع القبايل .. دمت بخير ايها الشاعر |
| الساعة الآن 07:04 AM. |