|
الصمت
الصمت آلصمت له عندي معزّه ومقدار في زحمة الافواه .. يا مزين الصمت !! لا صار بعض البوح عند البشر عار لو يشتعل جوفي حشى ما تكلّمت تعبت من قولة : (علامك) و (وش صار ) وان طحت ما ألقى سوى كلمة (سلمت) واعذار اخلقها ولو مالي اعذار مشّيتها مره .. ومرات ما رمت !! كذبة صباح الخير/ يا صبح الانوار عذري ليا عدّت ... ليالي ولا نمت اسهر طوال الليل وضْيوفي افكار واقول لاْصحابي : نعم توّني قمت !! ما عاد فيني ألفت .. عْيون واْنظار يكفي بأني من زماني .. تعلّمت ان الصدر بيت/ن .. وسكّانه اسرار نيّام .. بس يصحون لامن تألّمت يصحون ويناظرهم الجار والمار وش عاد ينفع سترهم لو تكتّمت ؟!! آقدّم اقدامي على درب الاصرار امشي ولكن للأسف ما تقدّمت (النار قدامي .. ومن خلفي النار ) والعمر يمضي بي وانا ... ما تولّمت يا لين ذاك الحلم في ... لحظه انهار وانا مع لحظة سقوطه ... تحطّمت اجروحي اكثار.. وتناهيدي اكثار لكن على كثر المواجع .. تبسّمت !! ثم أْلتزمت الصمت .. وعزومي اكبار ولو يشتعل جوفي حشى .. ما تكلّمت ... |
ترويض المستحيل صح لسانك يعطيك ربي الف عافية على القصيدة المميزة بتميز حضورك لك ودي الممدوح |
لا صار بعض البوح عند البشر عار لو يشتعل جوفي حشى ما تكلّمت.. بيت جميل يحكي فضيلة الصمت على البوح حتى لو كان الأمر تضحية على حساب راحته!!! أبدعت بـ روعة إنتقائك يا رائع.. |
يعطيج العافيه ترويض المستحيل ع الطرح والاختيار الرائع
نرقب الزود لاهنتي |
آلصمت له عندي معزّه ومقدار في زحمة الافواه .. يا مزين الصمت !!!! صـــــــتح لسانك....عساك ع القوهـ |
صح لسان قايلها
|
الله يعطيك العاااااااااافيه
قصيده روووووووووووعه وكلمااااااااااااااات من جد مبدع وجدير بشكر لك على طرحك لهاا ربي يسعدك |
| الساعة الآن 09:04 PM. |