|
~~(( حصري للود)) ~~(( النفس العزيزه ))~~
من زمان وكل ماقلت اتصل واسئل واجيه= عيت النفس العزيزه كن حاديها حدي وكل ماقلت الخواطر فدوة اللي نشتريه=صار بالخاطر كلام وضاع رقمك من يدي والاشاره تكفي الصقر المعرب والنبيه=وانت حر وفاهم ٍ كل الكلام ومقصدي والرفيق اللي نعزه واجب الشرهه عليه=لو ماغلاه اللي جبرني كان وفرت جهدي والهقاوي ماتخيب من توجه له يبيه=طيب(ن) من روس ربع(ن) يزحمون المعتدي والخوي فعل البلالي واضح ٍ ماله شبيه=يوم قالت: (يادخيل) وداعتك عمر ولدي ثم فدى عمره خويه لاجل عين(ن) تحتريه=ساق روحه فدوة اللي رافقه واصبح فدي والله اني مامدحتك لأجل شي(ن) مرتجيه=وسهيل في مجمل كلامه مامدح غير الجدي وانت للعليا تروم وكل طيب(ن) تهتويه=والردي لو فز مره دائمآ يبقى ردي ,,,, فهد الفريدي |
الله الله
صحّ لسانك أخوي فهد على هذه الرائعة تقبل مني كل الود وفآئق الاحترام |
فهد الفريدي صح السانك مليون ولايكفوون دائما مبدع يحفظك المولي الله لاهانك ولا هان ابداعك نرقب الزود من صوبك اعذب التحايا شمس القوايل للتثبيت |
صح لسانك أخوي أهنيك على هالكتابه الراقيه |
اقتباس:
صح بدنك ولااااااهنت حفظك الله ومشكور على حضورك الوافي |
وانت للعليا تروم وكل طيب(ن) تهتويه
وانت للعليا تروم وكل طيب(ن) تهتويه وانت للعليا تروم وكل طيب(ن) تهتويه الله الله الفريدي صح لسانك يابعدي,,بكل صراحه شعرك يعجبني.. تحيتي ::أمير الذوق:: |
صح لسانك يامشرفنا واعتلا شانك
رساله قويه يعطيك العافيه ومشكووور دمت بخير تقبل مروري |
شاعرنا الجميل فهد الفريدي ليس غريباً تميزك وليس غريباً إبداعك .. صح لسانك شاعرنا وحماك الله من كل شر .. فأنت شخص مبدع في منتديات الود .. ودمت بح ب سندريـــــلا |
.‘ ‘. فَهَد طُوقتْ بِالجَمال والنْبض المُرّهفْ مُذهلٌ أنتْ والربْ إِحِساسُك لآمس شِيئاً مَا بداخلي تَسارعَتْ معها دَقَات القَلبْ فمكَثَت هُنا طَويلاً جِداً و جِداً تقدِيرِي لكْ يً الفريدِي ! |
اقتباس:
الاخت القديره / شمس القوايل صح بدنك ولاهنتي على حضورك هنا في همس القوافي ومرورك على هذا النص المتواضع وتواجدك هو الابداع لاعدمتك كما اشكرك على تثبيت الموضوع دمتي بحفظ الله |
| الساعة الآن 04:51 PM. |