اليــــــــــــأس
 

كل عام وانتم بخير

انـا الـلي للاسف عايش على هامش حياة الناس
حـياة مـا لـها قـيمه وانـا مـجبور اجـاريها

انـا مـن عـاش بالدنيا طموحه رابطه بالياس
ولـو بـيدي حـلول لـحالتي مـااحتلت اسوّيها

انـا كـتله مـن الهم ومن الحزن ومن الهوجاس
مـشاعر شـاعر ماتـعترف بـشعور راعـيها

انـا حـس فـقد حسه ومعنى الحس والاحساس
مـعاني مـا لـها مـعنى وتـبحث عن معانيها

انـا قـصر بـلا نـاس وبـلا باب وبلا حراس
انــا اغـنية يـتيمه مـا لـقيت احـد يـغنيها

انـا مـثل العصا اللي راسها يركب عليه الفاس
خـذ الـفاس وجب الفاس وعصاها وين طاريها

انـا الـلي لا رحـلت ولا لقيت بديرتي مجلاس
انـا الـلي لا حـكيت وقـصتي ملزوم ابحكيها

اشوف الناس تضحك وابتسم واضحك وانا منحاس
واشـوف الناس تحكي بي واصدد تقل ما اوحيها

وجـع جـرح الزمن لو هو هوين يذبح الحساس
وانـا لـوشفتني حـي الـحقيقه عـنك مـخفيها

للشاعر .. زياد بن حجاب بن نحيت ...

اختي نونو سلمت يمينك على الاختيار الرائع

الذي يدل على ذوقك الرائع

وننتظر جديدك وكل عام وانتي بخير
آخرة العنقود