سميت باللـي .. نذكـره .. دون .. تذكيّـر ..
.. وله .. أنتقرّب .. بالنوافـل .. والأذكـار ..
مـن عقبهـا .. يـا راع صفـرٍ .. مباهيـر ..
.. اليا .. أركدت عن فوحهـا .. زود أبهـار ..
غذها .. غذاك اللـي غـذا السبـع والطيـر ..
.. السبـع لامـن .. داج والطيـر .. لاطـار ..
فاليا أركدت .. سقها عسى يساق لـك خيـر ..
.. يا مقدمٍ .. خيره .. على الناس .. الأخيار ..
آبـا .. آتعفـى مـن طويـل .. المشاويـر ..
.. وآخذ مع .. الهاجوس .. فرهّ .. ومشـوار ..
الآدمـي .. وش عشيـتـه دون .. تفكـيـر ..
.. والله خلق له .. عقل .. منشان .. الأفكار ..
دآرت دواليـب .. الزمـن والزمـن .. ديـر ..
.. دآر .. وعلى دورته كـم .. دآيـرٍ .. دار ..
الوقت هـذا .. غيـر .. وآوآدمـه .. غيـر ..
.. فيه الاسد .. عايش مثل عيشت .. الفـار ..
والـنـادرات .. القاطـعـات .. البواتـيـر ..
.. لا .. غارة أبغاره .. ولا .. دمّها .. فـار ..
وأجبـن .. بـنـي آدم يـشـق الطوابـيـر ..
.. وأشجع بني آدم .. ترك .. طلبـت الثـار ..
وراع العطر .. أصبح مثـل نافـخ .. الكيـر ..
.. والدنفسة في ذا .. الزمن صايره .. كـار ..
وطيـب النوايـا تلحـق الرجـل تقصـيـر ..
.. والحلم عار .. وراعي الحلم بـه .. عـار ..
والطيـب : غلطـه والعطيّـه .. مخاسـيـر ..
.. وخسارة .. الإنسان .. [ درهم / ودينار ] ..
يضيـق لامـن شـاف .. ركـب المساييـر ..
.. يا تل .. قلبه كـل مـا شـاف .. خطّـار ..
تسن جلسته .. علـى شطيـر .. المساميـر ..
.. ومن خبث طبعه .. تسن يصلى على .. نار ..
لو شفتـه دقنـه مرتهـي تقـل .. بشكيـر ..
.. من خسته ماتآمنـه .. زوجـة .. الجـار ..
والشيخه : أبذى الوقـت تشـرى .. بدنانيـر ..
.. من عقب .. ماهي .. بالمناطح .. بالأعمار ..
لا صرت تملـك مـال .. سميّـت .. بآميـر ..
.. ترفع لك .. البيضا على راس .. سنجـار ..
ولا صرت .. ما تملـك ولا راس .. قطميـر ..
.. ما أحدٍ .. نشدك وقال لك .. كيف الأخبـار ؟
دنيا .. بهـا سنـون .. الآوادم .. مناشيـر ..
.. تاكل .. لك الله .. كـل قاسـي .. وجبّـار ..
وعيونهـم .. آلـه .. لهـا زر .. تصويـر ..
.. تبث تصوير .. الخطـا عبـر .. الأقمـار ..
وأذانـهـم .. تسـمـع دوي .. المواطـيـر ..
.. لكنها .. ما تسمع .. الصوت .. الأعـذار ..
وقلوبهم .. غلـفٍ .. غـدت تسنهـا جيـر ..
.. تحقد على .. أدنى شي لو .. شي ماصـار ..
تجمعـوا علـى .. الفـطـور .. المعاثـيـر ..
.. لين أمتلـى .. مجلاسهـم عـج وغبـار ..
غيبه .. وهتكت عـرض وأهـروج تشهيـر ..
.. قلة سنعهم شفتهـا .. سـر .. وأجهـار ..
صاموا الفجـر .. لكنهـم افطـور إعٍصيـر ..
.. وعلى لحم .. أخوانهـم .. كـان الإفطـار ..
قلت الصحيـح اللـي نظمتـه علـى .. إيـر ..
.. حقيقة .. تسد صغتها .. عبر .. الأشعـار ..
وجهة نظـر .. ماهـي بحاجـة .. مناظيـر ..
.. ماشافها .. من دقهـا عمـي .. الأبصـار ..
وختامهـا .. عـد السحـاب .. البواكـيـر ..
.. صلوا .. على شفيعنا .. عن لظـى النـار ..