|
امير بدوي فوق الفيصلية (امس الضحى شرفت بالفيصلية
السلام وبعد
اقبل عبدالله ذات يوم فراى عمارة الفيصلية المهم ركب اللفت((الأصنصير)) وقام يضغط من هالازارير المهم وطلع به فوق لحد ما وصل الأدوار العلويه لنترك عبدالله يحدثنا يقول جيت في اعلاها وقلت خلني بشرف وناظر وايقت الا الارض تحتي يابعدها بعداااااااااااااااااااااااااااااااااااااااااااه امحق مشراف وناظر في هالناس يوم خذيت شوي يالربع من بعد الارض بغيت ادوخ وقوم ارجع شوي شوي ماشفت لاناقة ولانعجه ولاهوى زين ومن فوق الفيصلية قلت هذه البويتات : امس الضحى عديت بالفيصلية رجم طويل مارقته المطية ولاشفت لي ذود قفتها المفاريد هجت تبي ميرادها بضحوية ولاشفت لي من حط في العود مخيال راعي نجد ماهي تيوس زمرية ولاشفت لي روض سقته المراويح به ام سالم تلعب الشقلبية شفت المواتر مقبلات مراديف سمومها من شمها له ضحية وشوف نسوان تمشى مفاريع رجالها اخلاف كنه ابنية عيال الحمايل يلبسون البناطيل مع قصة كنه قرود الحوية نويت فيها ارفع الصوت واصيح ومسكت يديني يالجماعة اذنية مير السكرتي قال صديق وش فيك مافيه فكر ولا انت شارب شويه لانيب لاشارب ولا نيب مجنون عفت الحضارة كان هذيك هيه _______________________________ وتقبلو خالص الود والمحبه أخوكم ومحبكم ضحيــــة صمـــــ(راكان)ـــــــــــــت المملكه العربيه السعوديه الرياض |
سلمت يمينك اخي ضحية صمت
هكذا تعودنا منك ان نستمتع بجمال قصائد جمال نابع من جمال روح كاتبها ولا تبخل علينا بقصائدك آخرة العنقود |
واللــــــــــــــــــــــــــــــــــــــه انــــــــــــــــــــــــــــــــــــــه
واللـــــــــــــــــــــــــه انــــــــــــــــــــــــــــه صـــــــــــادق
يوم شاف اللي شافه بالفيصليه اخوكــــم/ مسعد المطيري |
الســــــلام عليكم ورحمة الله وبركاته
أختي أخرة العنقود :: وكما تعودت منك دائما هذا التشجيع أدعو الله لك بالتوفيق واشكرك على الرد _____________________ أخي الغالي :: مسعد المطيري لا تعقيب لدي الا أن أقول صدقت فيما قلت فوالله لقد كنت قبل فتره في أعلى مكان بالفيصليه وطالعت المناظر اللي تحت بصـــراحه ما توسع الصدر مزبله بالعربي ........ اشكرك يالغالي على الرد |
حلوه وتتحدث عن واقع تعيشه السعوديه بااجمع بهذا الوقت
|
| الساعة الآن 12:58 AM. |