|
(((انتحاري ...)))
اعزائي منتسبي هذا الصرح الشامخ اسعد الله جميع اوقاتكم بكل خير .. هذا النص المتواضع هو اول قصيده لي في هذا المجال ... وهو اول نص شعري عاطفي كتبته ... وكنت موجهه لزميلي بالعمل / عبد العزيز البجيدي .... اتمنى رأيكم في بداياتي .. لاعدمتكم .. صاحت حروف القوافي يالبجيدي ..يالبجيدي=مالنا غيره مهلي خاطرين ابو مشـــاري يافهيم ٍ بالمعاني راعي القول السديدي=بايع ٍ خوة زماني وصحبتك يالذيب شاري ساس طيب .. وفيك طيب ..وطيبكم والله اكيدي=يارفيق المراجل ..يابن مروين الشباري يالبجيدي صابني سهم ٍ رماني من بعيدي=وطحت .. وانتخيت .. وصحت لك يابو مشاري صابني سهم عيونه وانغرز داخل وريدي=ناحل ٍ خصره وخده بارق ٍ بالليل ســـاري يالبجيدي لو تشوفه كان عذرت الفريدي =صوته يمكن لو سمعته مخطور تصير انتحاري.. رد صديقي وزميلي / عبد العزيز البجيدي بهذه الابيات :
ياهلا باللي لفاني من فهد حلو القصيدي=يوم شفت القاف والمعنى طرالي كم طاري يوم يسند لي خويي صاحب البأس الشديدي=راعي الفزعه لامنك نخيتــــه بالثـــــواري والكرم عنده طبيعه كل يوم ٍ يستزيدي=طيب ٍ من ساس قوم ٍ واصلين ٍ للمحاري سهمك اللي يوم صابك لاتقول انه جديدي=ظنتي عشرين قبله مانت عن حره بداري والنصيحه كان تبغا خل قلبك من حديدي=ولاتغير هقوتي بك واحذر من الانحداري والهوى محدن ترى يجني بلاويه ويعيدي=غير منهو لجفو الخل والهجران ضاري |
بدايات متواضعة من الطرفين
ولكن مع الاصرار والمثابرة يتسطيع الفرد ان يثبت موهبتة تحياتي لك |
اقتباس:
حياك الله ياراقي باخلاقي ,, مجرد وجودك في صفحتي دليل على متابعتك واهتمامك يعطيك العافيه على المرور الرائع ولاتحرمنا من شوفتك ,,,, ,,,,,,,,,,, اخي راقي باخلاقي بما انك تقول انك شاعر ماشاء الله عليك وتعارض احيان ٍ على نقل قصائدك للمكتبه ... حبيت اداعبك في هذه الابيات .. اتمنى ان تقتبسها وترد عليها .. والشاعر اللي مثلك مشاء الله ماتكوده مثل هذه البيتين المتواضعه .. ,,,,,,,,,,,,,,, ياراقي اخلاق طع شوري <<<<<<<<وان جاتك الكلمه اعنيها امري ترى حكم (جمهوري) <<<<<<<والقوس عطها لباريها الكاس في قمة الدوري <<<<<<<ماياصله غير شاريها |
\ | \ فهد .. صح الساانك والسان البجيدي .. ولا هنتوا جميع .. وااافين ولا فيكم حيله .. تقبل تحيّتي وتواضع مروري . دمت بحفظ الله ‘‘ |
ماشاءالله عليك شاعرنا..
بدايه رائعه جداًوقويه انتجت شاعر في قمة الروعه سلمت يمينك تقبل توآضع مروري .... |
لوصف قصائدك أبجديةٌ أُخرى ... لايملُكها رصيد حروف المدى المتواضع ... شاعرنا / فهد الفريدي صح لسانك ولسان البجيدي ... يعطيك العافيه ودمت بخير .. فائق إحترامي ... |
صحّ لسانك أخوي فهد
ولسان خوييك وكلكم صراحة مافيكم حيلة |
يعطيك العافيه اخوي فهد
ولاهنت على الابيات الرائعه تقبل احترامي |
الاستاذ فهد وشاعرنا طع شوري صح لسانك ولسان الشاعر البجيدي قراءة عن جمال القصائد هنا زادني المزيد من ثقة الشعر بين الاصدقاء تقبل مروري ولك تحيتي وتقديري |
سلمت يمناااااااااكـ يعطيك ربي العافيه تشكر على المشاركه أخوي الغالي فهد الفريدي وننتظر جديدك ودي وتقديري |
| الساعة الآن 05:43 AM. |