|
(( يا ليتـنـي له ظل ))
في أجواءنا الشتوية هذه يطيب لي ان أقدم لكم هذه المتواضعة أرجو ان تنال إعجابكم وتحوز على القليل من رضاكم الله على ريــح السَّمــر لااشعلــوا فيـــه ** تجيبــه نسمـــات الليـــــــالي واشمّــــه يحيــر فكــري وقتــــها في طـواريـــــه ** طـاري ٍ يجـــي بشتــاتٍ وطـاري يلمّــه ليل الشتاء يطــول لااقفـــت عصاريـــه ** ليلـــه طويــل وكل عاشـــــق بهمّـــــه أحــدٍ مـولــّع وأحــدٍ الشــوق حـاديـــه ** وأحــدٍ معــه خِلـــه وأحــدٍ ما يهمّــــه وأحــدٍ معـه من خِلـه طيــفٍ يبـاريـــه ** وأحـــدٍ يقضّـي الليــل بهمّـــه وغمّـه وأحدٍ عطـاه الحـظ واجـزل عطـاويــه ** خـِلّــــه بجنبــــه كل وقـــتٍ يضـمـّـــه وانا مـع اللي حظــه دايـــم معاديـــــه ** سحــابـة اشواقــــه ســـوداً مدلهمّـــه أسبابـها اللـي باعنـي وانــا شـاريـــه ** وقربــه دوا قلبــــي وبعــــده يسمّــه يا كـم وكـم يخطي وانا اللي اراضيـه ** ومنِّـي حنــــان ٍ ما يشوفــه من امّـــه بليّا خطـا جفـاني واقفـت خطـاويــــه ** لا راعى في حالي ضميـــر ولا ذمـّـــه يا ليتـنـي له ظـــل دايـــم وابــاريـــه ** والا ولــد خـــال ٍ له والا ابـن عمّــه ميـر البــلا عني المسافـــه تقصـويـه ** لا هــو قريــبٍ لــي ولا نـيب يَمّـــه انا دخيــلك راعي السَّمــــر تطفيــــه ** ما بــه عذاريــب ٍ ولا بـــه مذمّـه لاشك ريحــه يجـذب الفكـــر يدعيـه ** وقلبـي مــع الطـاري عذابـــه يعمّــه |
يا كـم وكـم يخطي وانا اللي اراضيـه ومنِّـي حنــــان ٍ ما يشوفــه من امّـــه عَآزِفْ الوِدّ , عَناقيدٌ مِن بَهاءٍ أَلآك وَ جداً طِبتَ وَ فِضتَ مُطلقاً ب هَذا الجَمالْ صَحّ لسَآنَك مُمتنّة جداً ! |
صح الساانك ولا هنت وااافيه من راااس وااافي .. لا عدمتك .. تقبل تحيّتي وتواضع مروري . دمت بحفظ الله ‘‘ |
اقتباس:
صح بدنك ِ وسلم فكرك ِ وقلبك ِ الغالية مشرفتنا الراقية والمتألقة أختي الكريمة ثَرْثَرَة غَ ـيْمَه~ كم أغبط نفسي وهذه الكليمات المتواضعة لاسبقيتك ِ بالمداخلة العطرة والرد عليها !! يعطيك ِ الف عافيه على هذا الدعم المعنوي من خلال عطرك ِ الفواح الذي يذكي المكان ويخلد طول الزمان لك ِ الشكر الجزيل والإمتنان على هتانك ِ الماطر وسخاء إطرائك ِ لا عدمتك ولا حرمني الله هذا التواصل العذب لكِ مودتي وجل تقديري وتحيتي . |
هلا وغلا فيك ياعازف الود اللهانا بسميك عازف الابداع صح اللسانك ولاهنت وسلمت ودمت قصيده جميله ,, دائمآ مبدع الف شكر لك تقبل مروري المتواضع ودمت بحفظ |
قصيده رائعه ومعانيها واحاسيس جميله ورائعه
شاعرنا عازف الود صح السانك على التميز سجل ذروة اعجابي في قصيدتك تقبل مروري ولك تحيتي وجل تقديري |
احب هبوب البرد وريح السمر فيه
................. معاميل ٍ تلمع بنار الحـــي وضيّه خص لاصار بمجلس صاحبٍ مصافيه ................. صافي النيّه ولا احدٍ باالخلق زيّه اخي / عازف الود صح لسانك .. وصحت نقاوة فكرك .. تقبل تواضع مروري .. دمت بحفظ الله .. إحترامي ... |
اقتباس:
صح بدنك وسلم قلبك وفكرك ولا هنت الغالي أخي الكريم راعـــ العليـــا ـــي ممتن ومدين لك بهذا الكرم الحاتمي من خلال تواجدك الكريم وإطلالاتك العطرة على صفحاتي المتواضعة لك أجزل الشكر والإمتنان على هذه المتابعة الجزلة وعلى سخاء إطرائك لا عدمتك تقبل تحيتي وجل تقديري . |
اقتباس:
هلا بك زود وصح الله بدنك وقلبك وفكرك ولا هنت مشرفنا العذب أستاذي الفاضل شاعري فهـــ الفريـــدي ــــد ما الإبداع ولا الجمال إلا وأرى سناه يتجلى بين حروفك العطرة التي تعني لي الشيء الكثير كلماتي المتواضعة وإن نالت ولو على القليل من رضاك فهو كثير بالنسبة لي لك أجزل الشكر والإمتنان على حسن المتابعة وسخاء الإطراء لا عدمتك تقبل تحيتي وجل تقديري . |
| الساعة الآن 11:20 PM. |