|
من ماضي لا اذكره - رسالتي لإبني سـعـود ( صاحب الفيل )
http://photos-h.ak.fbcdn.net/hphotos..._3570970_n.jpg http://www.qatarshares.com.qa/data/2..._396992884.jpg صاحب= الفيل
هات القلم ياسعود واكتب كتابي=إكتب على القرطاس ياسعود ماقيل وإحذر يذيع السر وتفك بابي=حذرى عن الهقوات ياسعود لاتميل بكتب عن الايام ما قض نابي=( يوم ) وتمثلي مع الهم تمثيل عشته وشفت الهم والراس شابي=كِنّه على ايامي غزى ( صاحب الفيل ) وقت ٍ ولاهو صافي ٍ به شرابي=عزاه ياوقت العنا والغرابيل مرت شهور ولابه احد ٍ درابي=حتى الهنا ماكحّل العين تكحيل هم ٍ ليامِنّه بدالي سرى بي=كِنّه ولي ثوب ٍ مفصّل لي تفصيل من دون كل الناس ليه إبتدابي=قفّل ومن دون الهنا حط تقفيل وش حيلتي في رَجْل ِ ماله ثوابي=من وين ماجيته فلا فيه تكميل رَجْل ٍ تِظِنه ماء ولاهو سرابي=فرق ٍ ترى مابين ذا النقع والسيل إليا طريته بين حي ٍ معابي=محد ٍ ذِكَره بخير او فعل تجميل العيب عنده عيب إلاجا وتابي=نفسه كبيره حمّل النفس تحميل ماهو من اللي عادته للصوابي=يرجع ليا اخطا سهّل العلم تسهيل من عادته فالقول يحسب حسابي=ماغيب عنه إليا بدى القال والقيل قول ٍ بداه ولا وفا من جوابي=قولي انا عندي على القول تدليل ياكيف يسمع صاحبي من وشابي=ليته يجي في شي قد صار تحليل ناري وجوف الصدر ِ زادت عذابي=والصمت الاقشر مالنا فيه تعديل ساكت وانا لاجيت فيهم مصابي=اضحك وارد الدمع لا يهل ويسل واحكي وجوف النفس أهلّه خطابي=وليا رجعت إف . مافي الكف تحصيل لافاد شرح ولايفيده عتابي=رجل ٍ هوى من جاب فالقول تطبيل ليته يجيه اليوم ماقد سطابي=شي ٍ وأرد المِد له ووفي الكيل واعطيه شي ٍ مِنه اعده زهابي=يصبح نهاره كحل من ظلمة الليل ياسعود هذا قول حضرة جنابي=اوفيت لك علمي ولافيه تطويل وقّف واظن الجرح ياسعود طابي=القول يكفي والورق فيه ويشيل |
اخي نايف صح لسانك يشرفني ان اكون اول من يعانق هذة الشامخة مبدع بلا حدود رسالة تكفي لان تصل لقلوب السامعين وتجبرهم على التصفيق لها اعجابا واحتراما لشخصكم الكريم ما بالك بقلب المقصود منها تقبل تحياتي واعجابي بما تخطه اناملكم من ابداعات دمت بحفظ الله |
اقتباس:
الغالي / نايف الشريف اسعدت مساااائآ صح الساااااانك ولااااااهنت وسلمت ودمت قصيده لا يكتبها الا الكبار شرواك قرأتها مره ومره نص جزل من شاعرٍ جزل حي الحروف وحي منهو كتبها=الشاعر اللي ترجم البوح بالطرس بنات فكره بكر وعريبٍ نسبها=والدرس يفهمه قبل يشرح الدرس تقبل مروري المتواضع ...... ودمت كما تحب |
|
صح لسانك اخوي نايف واعتلى شانك
تقبل مروري دمت بحفظ المولى |
اقتباس:
اخي الحبيب شاااعر الدرر انا يعلم الله من له الشرف العظيم بتشريفك لي والاخوة الكرام والاخوات الكريمات انتم اصحاب الفضل بالتواصل هذه هي القصيدة الثانية التي اوجهها لإبني سعود والهدف ان اترك له في مقتبل الايام شي يتذكره ويحتفظ به طالما انه نابع من احساس والده . اخي انت بحق رائع بتواصلك كل الشكر والتقدير لشخصكم الرفيع لك تحيات محبك في الله |
اقتباس:
اخي الحبيب في الله طع شوري صح بدنك يالغالي قرائتك للقصيدة توجها بتاج الشرف وهنا اقول وبكل مصداقية اننني هنا أتي بعد الكبار امثالك وامثال احبتي الكرام كل الشكر والتقدير اخي الحبيب بارك الله لنا فيك ولاحرمنا منك |
اقتباس:
إن كان روحك شاهِدَه ع القصايد=عندي وكاد اكبر من وصوف تيجان مِثلك وقدره دوم فالقلب زايد=إحساس ماهي هرجة ٍ جات فلسان اختي الكريمة ثَرْثَرَة غَ ـيْمَه حين أقرأ كلماتك اجدها ابلغ من القصائد واجد نفسي اعجز عن التعبير وافيه ولستي بالمجافيه رغم تقصيرنا بارك الله فيك |
اقتباس:
ياشيخ ماني شايفِكْ شيخ مسكين=رجل ٍ على ماقيل راعي طويله لافيك عيب ٍ شين ولاجيت تدخين=صحه وخير ورجل توّه مديله ماشا لله إن كانك على الناس بتبين=رجل ٍ وسيم ٍ مايجينا مثيله صح بدنك اخي الحبيب وإسمح لي حبيت امزح معاك بالابيات التي لاترقى ابداً إلى مستواكم الرفيع وماهي إلا مزاح كل الشكر على تشريفك لي |
الأخ الشاعر / نايف الشــــــريف صــــح لسانك ... ولاتوفيك هاالكلمه حقك ... لقصائدك سر خاص لأسر مشاعرنا ... والله يخلي لك ولدك سعود ويرزقك بـــَره.... والله يكفينا وايـــــاك شر خلقه... دمــت بحفظ الكريم |
| الساعة الآن 10:53 PM. |