منتديات الـــود - لعبة الجني لعبه لعناها ومن ذاك اليوم حرمت العبها<<8

السلام عليكموو
ازيكوو؟
وانا قاعده افرفر من موضوع لموضوع صراحه تحمست احط موضوع
واتمنى ينال اعجابكم
يلا بسم الله
<<<<منقـــــــــــــــــــــــــــــــــــول
في مره من المراريت في عيد الاضحى كالعاده في المخيم السنوي اللي نسويه حنا وعمامي
كنا قاعدين انا والبنات في عز الظهريه فاتحين باب الخيمه وميتين من الحر

واذا بالفكره تكبس فوق روسنا

ويااترى وش هالفكره؟

ياخوفي انرفس من المنتدى خخخخخخخ

قلنا بنلعب لعبه ويقا وهي عباره عن تحضير الجن
والادوات : لوحه خشبيه ونكتب فيها احرف وفنجان القهوه
وتوزعنا انا والبنات اللي راحت المطبخ تشلح لها فنجان واللي راحت تدور حجر ابيض عشان نكتب ع الخشبه

واخيرا اجتمعنا في خيمتنا
وتنحنا كلنا

الحين جمعنا الاغراض ومين ان شاءالله اللي بيلعبها وبيحرك الفنجان ويحضرهم
جاتكم الشجاعه قلت اناااااا واناا بنت ابووووي وخروا عني بس
واقوم اسدح الخشبه قدامي وابدأ بالعبه بكلمه لازم تنقال في بدايه اللعبه عشان يجون
واحط اصابعي فوق الفنجان ويبدى يتحرك من نفسه
وبنات عمي ماغير يقولون لي تسذابه انتي تحركينه
وانا والله مو انا هو يتحرك من نفسه
والا فجاه تدفني بنت عمي ويطير الفنجان من يديني قالت بلا نصب وقلت وربي مو انا
قامت اقترحت وحده من البنات خل نلعبها بعيد عن المخيم ياخوفي الخيمه تصير مسكونه
قلنا يالله
ونقوم نشل قشنا ونبعد عن المخيم
وجيتكم انا هبه الريح (------- فاهمه هبه الريح غلط
وابدى باللعبه
وسألته كم طولك وتسان يقولي 160
قلت وكم عمرك وتسان يقولي 12
بنت عمي قالت ماشاءالله طويل الاخ
قلت لها اوووص لاتعيبين يسمعتس ترى
وقلت له من بتزوج وتسان يقول أأأأأأأأأأأأأأأأأأأأأأأأأأأأأأأأأأ
قلت اقول لاتخربط ابي اسمع صدزي
ويأسنا مارضى يقول لنا اسامي ازواجنا (----- صج انكم مخفات
قلت له وش رايك تورينا شكلك يالله اطلع لنا عند الونيت الاحمر (---- اهم شي اللون
وكان حزه المغرب
ولا رضى يطلع
قالت بنت عمي اقول ضيعنا الوقت خل نروح (----- تكفين يالبزنس
وقطيت اللوحه وقمت وانا المفروض اقول كلمه الوداع لانه مب زين انهي اللعبه من غير وداع
وحنا رايحين للمخيم
فجااااه نشوف راس من غير جسم جمب الونيت الاحمر
وكلنا صراااااااخ وااااااااااااااااااااااه (---- اهم شي المؤثرات الكتابيه ( بدال الصوتيه)

ونقرب منه الا ولد عمي الخبل حاط البوجلي تحت راسه
طقيناه بكم نعله ورحنا

ويوم جا الليل الا نسمع العيال يقولون انهم بيطفون الماطور وقت نوم ياكرهي لهالحزه
تقولين كنا ورانا مدارسس
دخلنا للخيمه انا والبنات
وقعدنا نسولف على ليت البوجلي
ويوم جانا النوم قلنا هلموو الى الاسره (--- كشخه اسره حديد كنا بالسجن خخخ
ستوووووب
تذكرت شي (------- دايم اتذكر بنص السالفه
ماوصفت لكم الخيمه
الخيمه هي مربعة الشكل (---- برا
وقاسمينها نص صاله ونص غرفه نوم (----- من كبر الخيمه تقسموونها
والجاحز بين الصاله والأسره قماش ثقيل معلق من فوق
المهم يوم رحنا كل وحده خذت مكانها ونصيبها من السرير (----- 5 بنات ب3 اسره خخخخخخخخ
قامت بنت عمي تهذر تقولنا قصه وحنا انواع الاندماج
فجاه تقول ترى اكذب هالقصه من تأليفي وانواع الطق جاها المسكينه
وقامت تقول تهقون ويقا يجينا
قلت انطمي يابنت اللذين لاتقولين اسمه ترى يجينا
وهي ماغير تعاند وتقول الاسم وانا ماغير اصرخ
لين اقتعنت واسكتت
يوم عم السكووووووون في المخيم
الا نسمع صوت خشخشه تحت السرير
قالت لي بنت عمي تسمعين
قلت لها ايه
وفجاه تطب فوقي من الخرعه
وادفها واقولها يمكنه صرصور (--- صرصور بيطلع ذا الصوت
وفجأه نسمع طقطقه من القماش الحاجز بينا وبين الصاله
ككأنه احط يطقطق باصاااابعه
حنا قلوبنا درقح درقح درقح (------ حصان مو قلب
وفجاه الصوت يجي بالقماش اللي ورى روسنا (--- يعني برا الخيمه
قلت : اقووول بنااات كل وحده تسحب بطانيتها وتركض (---- مدري وش اهميه البطانيه
ورككضضضض والا ننصدم بنت عمي رابطه باب الخيمه بذمه وضمير
واقوم انا ابي افتح الخيط (------- دايم اغلط واقول خيط بدال حبل
وافتح ويدييني تتناااافض فتحت فتحتين وقمت ازحف ووراي بنات عمي واخر وحده اختي ماغير تشوف
ورى الظلمه وتصارخ تحسب ان الجني بيجيها

ويوم طلعنا قعدنا بوسط المخيم كنا احنا مشردين ونقول وين بنام ياربي ساعدنا
الا تطمر بنت عمي تقول ابوي راح البيت عنده شغل امشوا ننام عند امي
قلنا قدااام
ونروح ونطق الباب (------- هماك تقولين بالبر
اقصد باب الخيمه
وندخل
الا مرت عمي ياعمري خافت قالت وه شفييييييكم
قلنا لا ابد بس خيمتنا كلها وصخ وصراصير من الحلويات (-- ابوك يالنصبه
وكل وحده تفرش لها وننام بسلاااام

لحظه باقي شي (----- عندها احساس انه اخر موضوع ينقرى لها

قمت من النوم على صوت المطر متخرعه
وشوي الا تجيني ذيك الصفقه على ساقي جاتني جلطه دماغيه مؤقته
قمت متخرعه اتلفت يمين يسار مافي احد صاحي ومحد حولي

ياويلااااااااااه من يااااااترى طقني اكيد مااغيره بو 160 جا ينتقم
ويوم اصبح الصبح رحت اسألهن قلت احد طقني بالليل وكلن قام يحلف والله مالمسناااتس
ومن ذاك اليوم حرمت العبها
مااايستفاد من الموضوع :
1. اياني واياكن تلعبون هاللعبه في مكان تقعدون فيه يعني باختصار بالبيت
2.نصيحه لحد يقول اسمه لان سمعت ان واحد تلبسها من كثر ماتقول اسمه
3.اذا لعبتوها لاتنسون تختمون اللعبه ولا بيجيكم ماجاني

ومن جد وجد ومن زرع حصد (----- ماله دخل بس اشتهيت اقولها

ان شاءالله يعجبكم موضوعي واللي بيقراه كله ابعطيه هديه القارئ المجاهد