ًً[روحي بحايل]ًً
 

بسم الله الرحمن الرحيم

صباحكم /مسائكم ...خير وبركه
حبيت اضع بين ايديكم اجمل قصيدهـ في نظري قيلت عن مدينتي الغاليه (حائل)

وهي للشاعر أحمد بن فهد العريفي..



روحي بحايـل مـا تفـارق جبلهـا
.حبي لها عيّا علـى كـل الأوصـاف

افـرش حصاهـا واتوسّـد سهلهـا
. وارقد بحضن جبال سلمى ولا اخاف

اسمـح واراضيهـا واداري زعلهـا
. واشتاق له شوق الطنايـا للأضيـاف

او شوق سمر جبال حايـل لاهلهـا
. جاوزت من حبي لها حد الإسـراف

عيني بإجاء ماتسمـع اللـي عذلهـا
. وخشوم سلمى مثل شذرات الأسياف

قصـة غـرام تـراب حايـل نقلهـا
. تحكي على التالين من ماض الأسلاف

اجـاء تهضّـم عبرتـه وإحتملـهـا
. ولا هي بعادة عبرت الحـر تنشـاف

وحوّل على سمـر الجبـال ونزلهـا
. عن دار ذلٍ عقب ما شاف ما عـاف

سلمـى تغنـي لـه قصايـد غزلهـا
. على الوفاء والود وسلوم الأشـراف

وحاتم زرع عود الصخى في جبلهـا
. واوقد بشامخ ضلعهـا نارالأضيـاف

وعنتر علـى عبلـه كتابـه عقلهـا
. شحوا عليه عيال سلمـى بالإنكـاف

داربهـا الشلقـان صاغـوا مثلـهـا
. خويهم شالوه مـن فـوق الأكتـاف

وقصة معشي الذيـب محـد جهلهـا
. يا من يعد الذيب من عرض الأضياف

وراع اللبـون اللـي علينـا نزلهـا
. ترعـى لبونـه بالقريـه والأريـاف

ما لوم مـن روحـه لحايـل بذلهـا
. وارخص لها قلب من الـود ينـلاف

صح لسان شاعرها

..اتمنى انها تنال اعجابكم ..

روحي بحايل

الله الله عليك تائهه
على ابداعك
دومي متألقه


لكي شكري

عبير الورد

هلا وغلا فيك (عبير الورد)

نورت صفحتي المتواضعه بوجودك يالغلا

اشكرك من كل قلبي على الحضور المتميز

دمتي بــــــــــــــــــــــــود..

كل الشكر والتقدير اخوي الساهر على مرورك الرائع

تسلم....دمت بخير

كل الشكر والتقدير لك استاذي طع شوري لاهنت على المرور

وحائل تزدان بحضوركم وتشريفكم لها

دمــــــــــــــت بخيــــــــــــر