منتديات الـــود - >> مٍسِگيًنٍهُ

..}[ سَلامٌ مِنَ اللهِ عَلَيكُم وَ فَيْضٌ مِنْ رَحْمَتِهِ يَغْشَاكُم ]{..

مَساؤُكُم / صَباحَكُم طُمَأنِينَة مِنْ لَدُن الإله ..

>> مٍسِگيًنٍهُ <<

لو منتي إللي هويت أشفق على حالـي

ولو كان غيري حبيبك قلـت مسكينـه

من غيرك إللي كفو تستاهل وصالـي

أو منهو إللي كفو غيـري تحبينـه !؟

قولـي غـرور وكبـر وأرد طوّالـي

من كان مغرور في حبـك تلومينـه ؟!

تصدقي تو طعـم العمـر يحلالـي

وش كان طعمه .؟! ياجعلك ماتذوقينـه

أبشع من المر بـس أتذوقـه حالـي

ماكان عندي خيـار وقلـت يازينـه

قبلـك كـأن الليالـي مالهـا والـي

تجرجر بقلب محسوبـك مـن إيدينـه

من حب نوف لشهـد لمنيـره لسالـي

ياكثرهـم بـس فعـلاً طلعـو عينـه

لكن بعـد مالقيتـك صـرت متعالـي

وأنادي أحلا بنات الكـون : يالشينـه

من كثر ماقمت أسولف بك على ظلالي

تكونـت فلسفـة ( رجلـي برجلينـه )

رافقني بكـل درب لوعـدك الغالـي

وإذا تأخـرت ثـارت بـي شياطينـه

وشلون ألومه وحسنـك سبّـة هبالـي

وإنتي بعـد لـو سمحتـي لاتلومينـه

لوميني إن ما رفعتـك للسمـا عالـي

لو ماغدا الشعـر يزهابـك وتزهينـه

لاصرت أنا شاعرك وإنتي هوى بالي

نذرٍ علـي أذهـل الشعـر ومحبينـه

:

لـ الرائع ]{ محمد عويضـه