|
زهر الحنين..
لا ذبل زهر الحنين بداخل اقفـاص الصـدور=جفت عروقي وطاحت من ضلوعي اغصانهـا ولا نشف دم المحبه وسـط وديـان الشعـور=ماتـت آمالـي وحياتـي قبرهـا واكفانـهـا اصدق الكلمه سؤال بساحـة افكـاري يـدور=من قتل حلم المحبـه ومـن هـدم جدرانهـا واكذب الكلمـه اجابـه ترتـدي شكـا وزور=روحك اللـي مـن وفاهـا ماتمـل احسانهـا من متى كان الوفى في وقتنا غلطـه وجـور=والبيـوت شلـون صـارت خاينـه سكانهـا من متى شمس الحقيقه مالهـا حـق وتبـور=والليالي شلـون تجـرح بالسهـر سهرانهـا لا غدت دمعات عيني حروف وخدودي سطور=تنكتب اقسـى قصيـده مـن نـزف وديانهـا للأسف حنا في وقت تدوس هالناس الزهـور=وكفـة الخايـن يرجـح وقتـنـا اوزانـهـا ايه يا ابن آدم غبي لو جيت بأحساسك ثبـور=تمتطـي ظهـر المحبـه وترتجـي فرسانهـا لا جفاك اللي تحبه ايـام بـل اكثـر شهـور=اشهد ان اشجار همك فـي الحشـا بستانهـا حضرته لاهي وسالي مـادرى باللـي يـدور=وانـت باحزانـك تعايـش همهـا واشجانهـا ويش تفيد دموع عينك لا غدت سيل وبحـور=خلها ترتـاح احسـن مـن جـراح اجفانهـا الهوى شراع السفينه والعمـر بحـر العبـور=والسفينـه روح تاهـت مـن غـدر ربانهـا كم نفوس اليوم تحيا في دول فـرح وسـرور=وكم نفوس اليـوم تنفـى غربتهـا احزانهـا كم سمعنا من حكاوي تذكر عصـور ودهـور=وقصة الحب العظيمـه قلـت صـح لسانهـا يوم كان الحب اسمى دوم فـي كـل الأمـور=والمحبه تصون من هو فـي حياتـه صانهـا ولت ايام المحبـه ومالهـا عنـدي حضـور=قفلـت شبـاك فرحـي واوصـدت بيبانـهـا اصعب اوقات الحياه تمر في عمري مـرور=ساعة الفرقـى وانـا ادري ماتخـون اوانهـا ايه ياللي رحت عني طاحت بيوت وقصـور=داخلـي فـي وسـط قلبـي شيـدت بنيانهـا كان لك وحدك مدينه حولهـا مبنـى وسـور=كـان مبناهـا بروحـي وسورهـا شريانهـا جيشها مشاعر محبه مابهـا عجـز وقصـور=وشعبها احلام عاشت فـي ظـلال اوطانهـا لكن الصدمـه عظيمـه والزمـن لعـاب دور=طاحت اسوار المدينه مـن شتـات اركانهـا في امان الله وحفظـه مابقـى فينـي زهـور=جفت عروقي وطاحت من ضلوعي اغصانهـا شعر: خالد الغامدي(وافي الوعد) |
اقتباس:
صح الساانك ملاييين . خالد الغامدي ... ولا آقوول إلاّ بارك الله بالقصيده ومن نقلها .. اللي خلاّها تأتي لنا بشاعر من الطراز الأول يشار له بالبنان . سرّني أن اكون أول معانق لهذه الشامخه .. جزله من راااس جزل .. لا هنت .. تقبل تحيّتي وتواضع مروري . دمت بحفظ الله ‘‘ |
خالد الغامدي
صح السانك ولاهنت وسلمت ودمت يسرني ان اكون ثاني الحضور هنا قصيده جزله وشاعرها جزل نتطلع الى ابداعك القادم فلا تحرمنا من معانقة التميز تقبل مروري المتواضع ودمت بخير |
|
هلابك اخوي العـ راعي ـليا صح بدنك واعتلى شانك بحجم كلماتك اللي اعتبرها شهاده ووسام على صدري وبحجم مشاعرك الطيبه اشكرك على مرورك وحضورك واتمنى اني وفقت في تقديم مايستحق تواجدي ومرورك دمت بخير ــــــــــــــــــــــــــــــــــــــــــــــــــ ــ هلابك اخوي طع شوري صح بدنك وسلم الله يمينك الف شكر لك على مرورك متصفحي واتمنى ان اكون دوماً عند تطلعاتك ورقي ذائقتك دمت بخير ــــــــــــــــــــــــــــــــــــــــــــــــــ ـــــ هلابك اختي ملكة الخواطر صح بدنك وسلمت اناملك انا اللي اشكرك على مرورك واطرائك اسعدني حقيقه تواصلك دمتي بخير وافي الوعد |
خـــــــــــالد الغامدي صـــــــــــــح لســـــــــــــــــانك قصيـــــــــــــده شامخــــــــــه دمــــت بحفظ الله |
خالد الغامدي
اشكرك على روعة الطرح تحياتي لك تقبل مروري المتواضع دمت............. بود |
الله عليك أخوي وافي الوعد
وانت وافي في هذه الأبيات الرائعة تقبل مني تواضع مروري |
| الساعة الآن 03:54 PM. |
