|
قصيدة ( وجدي على فرقاك ) قلمي/ جنون شاعر
بسم الله الرحمن الرحيم قصيدة ( وجدي على فرقاك ) وجدي على فرقاك وجد السراحين *** على فراق الليل وارض الغنايم في وقت جاها البرد والجوع في حين *** واتذكرت ذاك الدفا والولايم واملا عواها أوسع وسيع الميادين *** ومن ضيمها جوّ السماء صار غايم هذاك حالي من جفاء البعد والبين *** واحوال من مغبون والقلب هايم لاطاف ثلث الليل من عقب ثلثين *** واصبحت انا سهران والكل نايم طاريك جا والدمّ سيــّـل من العين *** والخد صار اِثنين من دمع لايم كنــّه سكب من نبع يغلي البراكين *** حرّاق :! كثـره كثر مزن الغمايم حاولت أتناساك بسّ التجي وين *** وطيفك بكل امكان قاعد وقايم لا من سرحت أسرح بماضيك يازين *** واليا سهيت "اِسهاي" بسماك حايم متمركز ٍ بالفكر بيسار ويمين *** ومن فوقه ـوْ تحته على الكلّ دايم والآهـّ موّالات والصوت سكين *** يطعن خفوقي ـوْ بالدما صار عايم وصدري غدا اِلـْحرب الأهالي ميادين *** حرب ٍ غدت فيها الزوايا قوايم الوقت بعدك مارحم حال مسكين *** والقلب من عقبك عن الفرح صايم واحتارت الاوجاع وسط الشرايين *** في كلّ جزء اِتــْجيه تلقى الهدايم ووجدي على فرقاك وجد السلاطين *** على التسلطِن عقب قلـْب الحكايم!!!!!! يوم الحياة اِمقافي ٍ زينها شين !! عزّ لـ فنـى‘ جعلك على العز دايم!!!! ووجدي على فرقاك وجد الملاعين *** على العفو من حدر درك الجرايم دار العذاب اللي اِنزلوها مساجين *** بلعنة جهنــّم من جزاة الظلايم ووجدي على فرقاك واجد اعوَر العين *** عــْلـَى‘ اغلى ما كلـّفه يوم اللطايم يبكي عليها بدمعها لو اِهي ويـــــن *** و يحذف من الغبنة عليها العمايم وسلامتكم قلمي/ جنون شاعر |
صح لسانك وعلآ شانكـ حاولت أتناساك بسّ التجي وين *** وطيفك بكل امكان قاعد وقايم لا من سرحت أسرح بماضيك يازين *** واليا سهيت "اِسهاي" بسماك حايم أبيات شعرية جميلة للغاية .." إبداع متألقَ .. كأنت .." تحياتي |
صح لسانك على الرائعه
وكان لقلمي شرف مصافحت قصيدتك أشكرك من الأعماق على أما اتحفتنا ودعواتي لك بالتوفيق والنجاح واستمرار تقبل مروري وسجل اعجابي فيها وتقبل ارق تحياتي مقرونة بالود والورد |
اللة يعطيك العافية
وقصيدة في قمة الروعة سلمت اناملك |
روعه اخي جنون شاعر
كلمات ووزن وقافيه ومعنى تدل على شاعريه كبيره صح لسانك وإلى الأمام تحياتي |
صح الساانك ولا هنت جنوون شااعر ... لا يُستغرب الإبدااع من أهله ... وااافيه من راااس وااافي .. لا عدمتك .. تقبل تحيّتي وتواضع مروري . دمت بحفظ الله ‘‘ |
صح الله ابدان الجميع
واعجابكم وحضوركم والله انه شرف لي ووسام اعتز فيه ومنكم ناخذ الابداع يا اهل الابداع تقبلوا خالص تحياتي وتقديري جنون شاعر |
صح السانك ولااااااااااهنت يالغالبي ,,,,,,
شاعر , جزل ومميز تقبل مروري المتواضع مع تقديري واحترامي لك دمت بخير يالغالي |
طع شوري
صح الله بدنك والجزاله منكم وفيكم يالغاليين لك خالص تحياتي وتقديري جنون شاعر |
| الساعة الآن 03:44 AM. |