|
كلش مقادير . !
ليه البكـا مـا دام كلـش مقاديـر ______ ليه البكاء ليـه الحـزن والمواويـل ليه الحنيـن لماضيـات الأساطيـر ______ ليـه الشقـا ليـه العنـا والبهاذيـل راحـت حياتـي كلبوهـا مشاويـر ______ بين الرجا واليـأس حتـى المقابيـل أحلامنـا تشبـه لحلـم العصافيـر ______ نكبـر وننسـى ماتفيـد الأقاويـل ياليل هات علوم وش مـن مساييـر ______ الوقـت قاسـي والزمـن آه ياليـل نبني ونهـدم وفـق كـل المعاييـر ______ عشنا وشفنا مير مامـن محاصيـل نمشـي بدنيانـا بطـرق المعاسيـر ______ هذي حقيقتنا ولـو قيـل مـا قيـل أحد(ن) مشى مقبل واحد فى المدابير ______ يالله دخيلـك مـن حيـاة الغرابيـل ناس(ن) تدس الهم لو كلش يصيـر ______ وناس(ن) على ما قيل ضمن المهابيل ناس(ن) بخلد وناس تصلى زمهرير ______ والبعض الأخر مـادرو بالتفاصيـل حياتنا رحله علـى سرعـة الطيـر ______ يا ربنا رجواك تعـدل لنـا الميـل |
صدقت طالما مقدر كل شيء علينا
ولكن القلوب الرحيمه وش نعمل لها صح السانك على الرائعه سجل اعجابي فيها وتقبل مروري تحيتي وتقديري |
| حياتنا رحله علـى سرعـة الطيـر ______ يا ربنا رجواك تعـدل لنـا الميـل آمين يآرب :Rolleyes: سطآم .. رائعة وأكثر ..، كل المنى |
صح الله لسانك على
الابيات الرائعه وتقبل مني تحياتي وأشواقي |
صح اللسااااااانك واعتلى شاااانك
اخوي سطام لاااااهنت يالغالي على هذه الرائعه رائعه بما تعنيه الكلمه ,, صور ’ معاني ’ كل شي رائع موجود هنا لكن برأيي المتواضع وارجو ان تقبله من اخ محب / لاحظت في /احد(ن) مشى مقبل واحد في المدابير ### ثقل شوي فقط ,, دمت يالغالي ودام هالقلم الرائع ,,,,, ودي واحترامي |
صح الساانك ولا هنت وااافيه من راااس وااافي لا عدمناك .. تقبل تحيّتي وتواضع مروري . دمت بحفظ الله ‘‘ |
| الساعة الآن 12:39 PM. |