قالت عتيبي
 

((( قالت عتيبي )))

قالت عتيبي قلت فخر ومعزه ****أهل الكرم والحلم والعلم والباس
قالت عتيبي قصدها بي اتهزا****ماتدري اني بأفتخر بأرفع الراس
الـحـمد لله روسـنـا دوم رزه ****اللي خلقنا بس نحني له الــراس
صافي نسبناوالحسب فيه عزه****اصل اصيل وفصل والعرق دساس
أهل الوفا والدين صافي منزه ****عن كل ماشاب العقيده من ادلاس
حنا العقيلات انشدي رجال غزه ****حنا هل للدنيا وللدين حراس
حنا سنايد نجد في كل حزه ****لا خانت حلوق الرجاجيل الأنفاس
حنا أجيال يعجز الريح هزه**** حنا لنجد حزام وعصابة الراس
من يغلظ لسانه علينا نجزه**** واللي يحقر قدر الرجاجيل ينداس
منا العدو تكفيه بالعين خزه ****يقضي عليه الخوف من كل هوجاس
من ذكرنا في قلبه تثور نزه**** من طاري العتبان يبلاه وسواس
نومه كوابيس وروعه وفزه**** دقت نواجيس الخطر له والأجراس
وأن هو لقى له من علينا يوزه**** هون له الصعبات وأبليس خناس
مـايـدري انــه للمهالـك يـدزه**** عجل علي مبناه يمحي من الساس
يابنت حـــنا مـن نخانا نعـزه **** بامن بنا الملهوف وتهاب منا الناس
مـرسـولنا للخيـر دايـم نكزه ****ولصرخة المحتاج نرخي الأكياس
تاريخنا مجد لبـسـنـاه بـزه **** نمشي وسط السوق ماندحم الساس
لك ماتركنا بكاس الامجاد مزه**** واجد عليك ومثلك حثالة الكاس
وش جاب حرالطيرلفريخ وزه ****من هو يساوي جوهر الماس ينحاس
لا تحسبين انك لنا مستفزه **** وش ياخذ الباعوض من ريش قرناس

منقول

كفو والله...


صح لسان قائل هالقصيده

وسلمت يدين اللي نقل هالقصيده


أخوي / ساهر
ألف نعم فيك وفي عتيبه

أخوي
تفضل بقبول وافر
نقديري وأحترامي...

أخوك / معــ جروح ـانق

سلمت يمينك على القصيده

والنعم بكل اصوال السعوديه والخليجيه


آخرة العنقود

هلا اخوي معانق جروح

شكرا لك على المشاركه

تقبل تحياتي

ساهر