لاتفوتكم سالفة الباص .
 

هذي السالفة يبيلها كبتشينو وإلا تركش كفي وطولت بال شوي بس..
هذا واحد من الشباب يقول كنت متنوم في مستشفى وإلا ذاك اليوم دخلن الممرضات ويدفون مريض بالسرير المتحرك جايبينه من غرفة العمليات ودخلوه في غرفتي ,والشاب طول اليوم نايم من تأثير البنج ويقول اللي إستغربته من زوار هالمريض كلما زاره أحد بس يضحك عليه حتى أهله واخوانه يضحكون من قلب عليه! اليوم الأول والثاني والثالث كلما زادو الزوار زاد الضحك..وصار همي اعرف ليش يضحكون..ومرة وبعد ماراحوا الزوار جيت لمه وسلمت عليه وكان منظره محزن رجلينه معلقة ومجبصه ويده مكسوره وفيه بعض الرضوض,وقلت عسى ماهوب حادث قال لاوالله ..وقلت انا فضولي وودي اعرف وش سالفت ضحك زوارك عليك قال سالفتي هي..قبل ادخل المستشفى حلمت ونا نايم ..اكيد يكون نايم اجل صاحي..المهم حلمت إن القيامة قامت والعالم مختبصة والناس سكارى وماهم بسكارى واللي يصيح واللي يبكي وزحمة امة وهستره ..واشوف ناس يركضون وأركض معهم وندخل في ساحة وسيعة وفيها باصات كثيرة واشوف الناس تركب في الباصات قلت معهم مع الخيل ياشقرا المهم يقول ركبنا والغريب إن الباص مافيه لا سواق ولا مقاعد ..ومشى الباص وكل ماله يسرع سرعة جنونية الظاهر يمشي ألفين وفي سيد واحد وإحنا واقفين واشوف من بعيد في نهاية الطريق شارع عرضي حرفT وشوي وتجينا لوحة فيها سهمين يمين ويسار يمين الجنة ويسار النار وطول الوقت ندعي يمين إنشاءالله يمين يارب ويوم انتهى الطريق والباص يلف يسار ويقول تنصك الدنيا بوجهي ماعاد به دنيا وشريط حياتي مر قدامي واللي حولي يصارخون واللي ينصرع وحالتنا حالة ..المصير النار بعدها قلت ياروح مابعدك روح طمرت من دريشة الباص والباص مجلعد ولا وعيت إلا ونا في حوش بيتنا طامر من غرفتي من الدور الثاني والفجر يأذن ..أصدق أكذب هو حلم ..من فرحتي ماحسيت حتى بالآمــي .. والحمدلله ربي ستر علي وما فيني إلا هالكسور .. وهذي سالفتي بإختصار ..

كلمة من القلب ..يوم القيامة آتـــي فأعملوا حتى تكونوا من أصحاب اليمين .

تحياتي وإحترامي ..

مشكووووورة اختي على تواصلك الدائــــم ..

والله ضحكتني من قلب والله العظيم موووووووقف روووووووعه

تسلم

فعلاً فعلاً ياراما موقف روووووعه
اختك ولووووووعه ادلوووووعه*q

تسلم يدك اخي عل القصه

ويعطيك العافيه

آخرة العنقود

مشكووووور اخوووي سلطان عالموضوع الرائع هذا


ضحكة مع فايدة




مشكور مرة اخرى ونتمنى ان نرى المزيد من مواضيعك الحلوة والمميزة




اخوك مشمش ,,,

أخوي ميشو...

اختي راما ..وولع ..وآخرة العنقود..

الشكر لكم على التوقيع ..والمرور ..

والله يعطيكم العافية ...

تحياتي وإحترامي ..

سلطان القلـــوب

الله يمسيكم بالخير يا اعزائى ماوحشتكم افااااااا ما علينا

انا صارلى عن النت قرابة الشهرين وهذا انا جيتكم ياهل الود وحامله معى كل اشواقى وتحياتى لكل جديد وسلامى الحار لكل قديم

وحبيت ابدى اعجابى على موضوعك ياخوى سلطان واقولك سلمت يمناك
حتى المواضيع صارت اثنين في واحد بس تدري ياليت كل المواضيع تدخل الفايده مثل ها الموضوع سلمت مره ثانيه والعفو على التطويل00


تحياتي

صـــــــــــدى

الله يمسيك بالنور والسرور ..

اسعدني ردك اسعد الله اوقاتك بكل خييييير..

من طول الغيبات جاب الغنايم..وبالنسبة لي خذيت غنيمتي منك بمرورك الكريم ..

وهلا بك وبأشواقك وبتحياتك وبنورك اللي سطع برقة بصفحتي ..

مشكووووورة اختي صدى على ردك الجميل وتسلميــــن ...

تحياتي واحترامي ..

سلطان القلــوب