استفتاء من دون مجامله
 

مساكم الله بالخير ياشبااااااااااااااااااااااااب
اللي بخبرته واللي سمع واللي شاف
اريد شراء سياره
وش افضل هوندا اكوووورد والا كااااامري
امانه ابغى رد.....
كل واحد وامانته......
:z15:

هلا وغلا

خضران يالغالي أنا كان عندي أكورد 2007 وجننتني بالطقطقه والآصوات آما بالراحه ياسلام أريح من الكامري .
مميزات الكورد :أسرع من الكامري . أقتصاديه أكثر من الكامري . أريح من الكامري . أرسى من الكامري في الخط .
عيوب الكورد :أصوات بالبريك بعد 100 كيلو . إذا فيه مطر وأنت مسرع وعلى لفه راحت عليك . مكيفها لك عليه بالظهر .
مميزات الكامري :مكيفها اوكي بالظهر والليل . الشكل أحلى بالنسبه se . حقت كرف مو زي الكورد دلع .
عيوب الكامري :الرساوه نص ونص . 210 وتفصل .


أتمنى أني ساعدت أخوي خضران والله يكتب لك الي فيها الخيره :)

ياخوي لا يوجد مقارنه بين الكامري والاكورد

الكامري الحالية خربت سمعتها بالمواصفات العاديه والديكورات وجودتها السيئة وانواع الاصوات عن لديكورات اللي عند القير

وكمان العزم والقوة في الحضيض

يعني الكامري ماشي سوقها على حسب سمعتها القديمة وشركتها ووكيلها فقط

يعني لو فرضنا ان هالسيارة من صنع اي شركة اخرى غير تايوتا كان تلقى اللوم عليها من كل جهة وسمعتها زفت وانواع الخربات وزي هل الكلام

(واهمها مكيف تعبان جدا والصيف قرب بعد
طبعا كلامي من مجرب لسيارات اصحابي

لكن لاننسى محاسنها السعر الجيد بعد البيع وقطع الغيار المتوفره وسهولة صيانتها والسبب توفرها بكثرة يسهل على الميكانيكي فهمها
هل كل السيئات تغطي الحسنات
اظن انه يوجد غير الكامري الميكانيكيين يعرفون يصلحوها ليس الكامري فقط
ومرة رحت الصناعية لقيت اغلب الكوامري(جمع كامري) موديل 1998-2002توضيب مكينة وقير ووووو .... انتشارها كبير نعم ولكن الجودة بعيدة الجودة فقط بالكامري الياباني والكرسيدا سابقا


انا استاجرت كامري 2007 وسافرت فيها من الرياض الى الدمام
وبصراحة السيارة كانت مممتازة جدا لا في المشي ولا في الرساوة وحتى عند التوقف المفاجىء
ولكن يعبها شيء واحد هو التكييف سيء للغاية
ولكن في واحد قلي يتغير فلتر المكيف وتصير افضل من اول
هذا راييي بصراحة
برضوا حتى لو فلتر المكيف ليس كالسابق المعروف بتويوتا قوة التكييف عكس الان
اركب كرسيدا 1990 المكيف ثلج ولا فلتر ولا خرابيط
وايضا الكثير من المقاطع فيها ان المحرك لا يزيد عن 160 اذا كان في اكثر من 3 ركاب او 3 ركاب

هذا اهم لا تكلمنا على الكامري قالوا هذا يتغير وذاك ينشال وهذا يتحسن وتصير زي الفل بينما لو جينا الى اي سياره ثانيه غير تويوتا كان قالوا هذي سياره لازم تحط فيها كذا علشان يصير كذا وغيره من الأمور

بيت القصيد هنا الشعب (واخص الشعب السعودي ) عنده هوس كامري الكامله(والكامل لله وحده عز وجل ) الخالية من الأخطاء وان وجد فإنه يتغاضا عنها بس علشان لا يقول انا غلطت لمن شريت كامري انا غلطت لمن شريت تويوتا
اذا استمرت السمعة السيئة حتنتهي السمعة
دوام الحال من المحال

السعر عالي نوعا ما بالنسبه لمواصفاتها والخامات المستخدمه فيها
الخامات سيئة جدا جدا جدا

______________________________________________

اما عن الاكورد:

الاكورد ياباني 100%100

ايضن الاكورد فخمه من الداخل

بس يعيب الاكورد شي واحد قطع الاغيار غااااااليه مره الله يعين الى يشتريه الاكورد على غلا قطع الغيار

بس انا انصحكك بالاكورد لانه افخم من الكامري وكمان ياباني 100% 100

والكامري تجميع استرالي

وانتى رح للوكلتين وشوف مين الافضل انا متكد انك رح تختار الاكورد

والله انا انصحك بل كورد

الكامري تنقص زيت كل شباب يقولون هل كلام

وشكلها مالي البلد

والله يوفقك

يسلموا ياشباب الله يسعدكم

ومشكورين على اللي قدمتوة االله لايحرمنا منكم

يعطيك العافية